ខេត្តកំពត ៖ លោកអភិបាលខេត្តបានថ្លែងថា តាមការស្តាប់របាយការរបស់មេបញ្ជាការតំបន់ប្រតិបត្តិការសឹករងខេត្តកំពតបានថ្លែងថា រាល់ការសាមគ្គីរវាងប្រទេសជិតខាងមានការសាមគ្គីភាពល្អ ហើយជាងនេះទៅទៀតនាពេលកន្លងមកប្រទេសជាមិត្តក្នុងខេត្តគៀងយ៉ាងបានជួយឧបត្ថម្ភសាងសង់អាគារបានមួយខ្នងផងដែរ ។
លោកសុំថ្លែងការកោតសរសើរចំពោះការជួយឧបត្ថម្ភរបស់កងទព័ប្រ ទេសជិតខាងជាមិត្តដែលបានជួយដល់អង្គភាពកងទព័ខេត្តយើង ប៉ុន្តែទោះបីជាមានការឧបត្ថម្ភពីបណ្តាមិត្តរបស់យើងក្តី យើងជាម្ចាស់ផ្ទះ ឬជាម្ចាស់អង្គភាព យើងក៏ត្រូវខិតខំប្រឹងប្រែង ដើម្បីរកការអភិវឌ្ឍន៍អង្គភាពខ្លួនឯងដែរ មិនត្រូវរង់ចាំការជួយពីបណ្តាមជ្ឈដ្ឋានផ្សេងៗឡើយ ។
លោកអភិបាលខេត្តបានបន្តថា រាល់កិច្ចអ្វីដែលកើតឡើងនៅក្នុងអង្គភាពរបស់យើង យើងត្រូវយកមកពិភាក្សាគ្នារួមគ្នា គិតរួមគ្នា ដោះស្រាយ និងរួមគ្នាធ្វើ ទើបយើងទទួលបាននូវជោគជ័យនោះទាំងអស់គ្នា ។
លោកបានរំលឹកឡើងដែរអំពីការបញ្ចូលឃុំ៤ទៀតមកក្រុងកំពត ដោយកន្លងមកក្រុងកំពតមានតែសង្កាត់៥ទេ ដូច្នេះរដ្ឋាភិបាលនិងរៀបចំបញ្ចូលឃុំ៥ របស់ស្រុកទឹកឈូឲ្យចូលក្នុងក្រុងកំពត ។
លោកបានបន្តថា ការដឹកនាំត្រូវតែមានភាពរឹងមាំ និងដាច់ខាតទើបការងារអនុវត្តមានប្រសិទ្ធភាព និងទទួលជោគជ័យ ។
លោក ជាវ តាយ អភិបាលខេត្តបានសង្កត់ធ្ងន់ថា កិច្ចការអ្វីក៏ដោយបើយើងមិនយកគំនិតទៅប្រើ គឺយើងអនុវត្តការងារអី្វក៏មិនទទួលបានផលវិជ្ជមាននោះដែរ ។ យ៉ាងណាមិញកិច្ចការដំណើរការទៅមុខបានដោយរលូន គប្បីយើងត្រូវរួមគ្នាគិត រួមគ្នាធ្វើ រួមគ្នាដោះស្រាយនិងរួមគ្នាទទួលខុសត្រូវ ។ ម្យ៉ាងទៀតខេត្តកំពតគឺជាខេត្តមួយជាប់ព្រំប្រទល់រវាងខេត្តគៀងយ៉ាង(វៀតណាម)ចឹងកងកម្លាំងប្រដាប់អាវុធទាំងដែនទឹក ដែនគោកត្រូវតែមានកិច្ចសហប្រតិបតិ្តការ និងការពារឱ្យបានរឹងមាំជានិច្ច ៕
ចែករំលែកព័តមាននេះ