រាជធានីភ្នំពេញ ៖ លោកឆត អេហ្គា (George Edgar) ឯកអគ្គរដ្ឋទូតសហគមន៍អឺរ៉ុបប្រចាំនៅកម្ពុជា បានថ្លែងកាលពីថ្ងៃទី២១ ខែកញ្ញា ២០១៨ថា«សហគមន៍អឺរ៉ុបនៅបន្តធ្វើការងារក្នុងកិច្ចសហប្រតិបត្តិការជាមួយប្រទេសកម្ពុជាសម្រាប់អាណត្តិថ្មី និងបណ្តាប្រទេសជាដៃនានា»។
លោកបានលើកឡើងក្នុងសន្និសីទសារព័ត៌មាននៅស្នាក់ការសហគមន៍ក្នុងរាជធានីភ្នំពេញ ។ ក្នុងពេលដែលសហគមន៍អឺរ៉ុប បើកការប្រកួតរូបថតបែបបេតិកភ័ណ្ឌវប្បធម៌ប្រចាំឆ្នាំ២០១៨ ។ លោកបានលើកឡើងថា«ខ្ញុំបានដឹងពីការអត្ថាធិប្យាយរបស់រដ្ឋាភិបាលកម្ពុជាចំពោះអនុសាសន៍នៃសភាអឺរ៉ុប កាលពីសប្តាហ៍មុន ។ តែខ្ញុំមិនធ្វើការបញ្ចេញជាមតិអ្វីជាមួយបញ្ហានេះទេ ទាក់ទងសភាអឺរ៉ុបពីព្រោះថា ការសម្រេចរបស់សភាអឺរ៉ុបនោះបានផ្តោតលើការវិវត្តរយៈពេល២ឆ្នាំចុងក្រោយ ក្នុងព្រឹត្តិការណ៍នៃប្រទេសកម្ពុជា» ។
លោកបានបញ្ជាក់ថា គ្មានភាពខុសគ្នាទេរវាងសហភាពអឺរ៉ុប និងសមាជិករបស់ខ្លួនចំពោះជំហគាំទ្ររដ្ឋាភិបាលថ្មីរបស់ប្រទេសកម្ពុជា និងការបោះឆ្នោតនាពេលកន្លងទៅ ។ លោកបានលើកឡើងទៀតថា ក្នុងការសម្រេចរបស់សភាអឺរ៉ុបបានដាក់ចេញជាអនុសាសន៍ជាច្រើនជាអ្វីដែលសភានៃសហគមន៍អឺរុបបានសម្រេច ដើម្បីឲ្យប្រទេសកម្ពុជាឲ្យគាត់ពិនិត្យមើលនូវអ្វីដែលសភាអឺរ៉ុបបានសម្រេច ។ សហគមន៍អឺរ៉ុបបានជួយដល់រដ្ឋាភិបាលកម្ពុជា តាំងពីទសវត្សឆ្នាំ១៩៩០មកដល់ពេលនេះ មានផ្នែកកសិកម្ម សេដ្ឋកិច្ចជាដើម ។
លោកថា«រឿងទាំងអស់នោះមានថ្លែងនៅក្នុងការបន្តគាំទ្រក្នុងការជំរុញឲ្យមានកំណើនសេដ្ឋកិច្ចរបស់កម្ពុជា» ។ លោកថាពេលថ្មីសហគមន៍អឺរ៉ុប និងសមាជិកសហគមន៍បានគាំទ្ររដ្ឋាភិបាលកម្ពុជាយ៉ាងខ្លាំង ។ ទាំងសហគមន៍អឺរ៉ុប និងរដ្ឋជាសមាជិកបានគាំទ្រកម្ពុជា និងមានឯកសារមួយដែលមានថវិការបស់សហភាពអឺរ៉ុប មិនបញ្ជូលទាំងសមាជិកកំពុងធ្វើការងារនៅក្នុងប្រទេសកម្ពុជាទេ មានប្រមាណ៤១០លានអឺរ៉ូ សម្រាប់ធ្វើការរយៈពេល៧ឆ្នាំ ។ លោកថា នៅក្នុងនោះ៦០%នៃថវិកានេះជាថវិកាគាំទ្រដោយផ្ទាល់ ដែលបានដាក់បញ្ចូលទៅក្នុងរតនាគារជាតិកម្ពុជា ចូលរួមជួយក្រសួងនីមួយៗ ។
លោកបានលើកឡើងថា ថវិកាទាំងនេះបានជួយដល់ជំនួយឥតសំណងផងដែរ ដែលអនុញ្ញាតឲ្យប្រទេសកម្ពុជានាំចេញទៅកាន់តំបន់ទាំងអស់ នៅអឺរ៉ុបលើកលែងតែសព្វាវុធ ។ ជំរុញឲ្យរីកចម្រើនលើកវិស័យសេដ្ឋកិច្ច និងកំណើនសេដ្ឋកិច្ច ។ ប្រទេសកម្ពុជាបានទទួលអត្ថប្រយោជន៍ទាំងអស់នេះ ដូចវិស័យផ្សេងៗដែលបានឃើញការនាំចេញដូច វិស័យសំលៀកបំពាក់ទទួលបានអត្ថប្រយោជន៍ពេញលេញ ។ លោកថា«អ្វីដែលបានជួយដល់ប្រទេសកម្ពុជានោះ គឺទាក់ទងនឹងការលើកកម្ពស់ និងជំរុញប្រព័ន្ធលទ្ធិប្រជាធិបតេយ្យ និងសិទ្ធិមនុស្ស» ។
នេះជាអ្វីដែលបានដាក់ចេញដោយសភាអឺរ៉ុប កាលពីសប្តាហ៍មុន ។ លោកបានអះអាងថា«សម្រាប់រូបលោកក៏ដូចជា ប្រតិភូនៃប្រទេសសមាជិកសហភាពអឺរ៉ុបដែរ គោលបំណងនៃការបង្កើតឲ្យមានប្រតិភូសហភាពអឺរ៉ុប និងរូបលោកជាឯកអគ្គរដ្ឋទូតសហភាពអឺរ៉ុបប្រចាំនៅកម្ពុជា គឺជាសារដែលបញ្ជាក់ថា យើងមានសំឡេងតែមួយក្នុងបណ្តាប្រទេសភាពអឺរ៉ុប» ។ លោកបានប ញ្ជាក់បន្ថែមថា«អ្វីដែលយើងធ្វើការ គឺប្រទេសណាដែលមិនមានទំនាក់ទំនងជាមួយសហភាពអឺរ៉ុប ហើយប្រទេសដែលមានទំនាក់ទំនងជាមួយសហភាពអឺរ៉ុបនោះ យើងតែងតែធ្វើឲ្យមានទំនាក់ទំនងជាមួយរដ្ឋាភិបាលនៃប្រទេសនោះ» ។ លោកបានលើកឡើងថា«សហភាពអឺរ៉ុបនឹងបន្តធ្វើការងារជាមួយរាជរដ្ឋាភិបាលកម្ពុជា នៅក្នុងឆ្នាំខាងមុខនេះ ដូចដែលយើងបានធ្វើកាលពីអតីតកាលមកហើយ ។ យើងចង់ធ្វើការងារឲ្យមានភាពលក្ខណៈភាពជាវិជ្ជមានការធានាឲ្យបាននូវអត្ថប្រយោជន៍ប្រជាពលរដ្ឋកម្ពុជា និងអត្ថប្រយោជន៍ប្រទេសកម្ពុជាទាំងមូល» ៕
ចែករំលែកព័តមាននេះ