ប្រទេសចិន-សហរដ្ឋអាមេរិក ៖ រដ្ឋការលោកដូណាល់ត្រាំ កាលពីថ្ងៃទី២០ កញ្ញា បានដាក់ទណ្ឌកម្មប្រឆាំងស្ថាប័នយោធាចិនមួយ ដោយសារការទិញបណ្ដាយន្តហោះប្រយុទ្ធរុស្ស៊ី ដែលបំពានលើច្បាប់អាមេរិកមួយ ស្ដីពីទណ្ឌកម្មទាំងឡាយប្រឆាំងក្រុងមូស្គូ មកពីការជ្រៀតជ្រែករបស់ប្រទេសនេះចូលក្នុងការបោះឆ្នោតអាមេរិកឆ្នាំ២០១៦។
បណ្ដាអ្នកទទួលខុសត្រូវនៃក្រសួងការបរទេសអាមេរិកនិយាយថា យើងដាក់ទណ្ឌកម្មនេះដោយពុំមានការរង់ចាំ ប្រឆាំងទីភ្នាក់ងារអភិវឌ្ឍន៍ឧបករណ៍យោធា ជាស្ថាប័នចិនត្រួតពិនិត្យបច្ចេកវិទ្យាយោធា ព្រមទាំងប្រឆាំងនាយកនៃទីភ្នាក់ងារនោះលោក LI SHANGFU ដែលធ្វើការទូទាត់គ្នាជាមួយក្រុមហ៊ុន ROSOBORONEXPORT ជាក្រុមហ៊ុននាំចេញគ្រឿងសព្វាវុធសំខាន់របស់រុស្ស៊ី។
ក្រសួងការបរទេសអាមេរិកបានតវ៉ាប្រឆាំង ដែលចិនទិញយន្តហោះប្រដេញរុស្ស៊ីធុន SOUKHOI-35 ចំនួន១០គ្រឿង ក្នុងឆ្នាំ២០១៧ ព្រមទាំងមីស៊ីលដី-អាកាសរុស្ស៊ី S-400នាឆ្នាំនេះ។
យោងតាមទណ្ឌកម្មនេះទីភ្នាក់ចិននោះនិងនាយករបស់ខ្លួន នឹងពុំអាចស្នើសុំអាជ្ញាប័ណ្ណនាំចេញ ព្រមទាំងនឹងពុំអាចចូលក្នុងប្រព័ន្ធហិរញ្ញវត្ថុអាមេរិកឡើយ។ វាបន្ថែមលើបញ្ញីទណ្ឌកម្មរបស់ក្រសួងរតនាគារ បណ្ដាស្ថាប័នដែលពលរដ្ឋអាមេរិកពុំអាចធ្វើការទូទាត់គ្នាផងដែរ៕
ចែករំលែកព័តមាននេះ