ប្រធានាធិបតីវៀតណាមទទួលមរណភាពហើយ
ប្រទេសវៀតណាម ៖ យោងតាមទីភ្នាក់ងារព័ត៌មានរដ្ឋ VNA ថា ប្រធានាធិបតីវៀតណាមលោកត្រាន់ដាយក្វាង (TRAN DAI QUANG) ជាអ្នកអភិរក្សនិយម…
ប្រទេសវៀតណាម ៖ យោងតាមទីភ្នាក់ងារព័ត៌មានរដ្ឋ VNA ថា ប្រធានាធិបតីវៀតណាមលោកត្រាន់ដាយក្វាង (TRAN DAI QUANG) ជាអ្នកអភិរក្សនិយម…
ប្រទេសវៀតណាម ៖ យោងតាមទីភ្នាក់ងារព័ត៌មានរដ្ឋ VNA ថា ប្រធានាធិបតីវៀតណាមលោកត្រាន់ដាយក្វាង (TRAN DAI QUANG) ជាអ្នកអភិរក្សនិយម ក្នុងផ្ទៃរបបកុំមុយនីស្ត បានទទួលមរណភាពហើយនាថ្ងៃទី២១ កញ្ញា ក្នុងជន្មាយុ៦១ឆ្នាំដោយរោគាពាធ។
ទីភ្នាក់ងារព័ត៌មានវៀតណាម VNA រៀបរាប់ថា លោកប្រធានាធិបតីត្រាន់ដាយក្វាង បានទទួលមរណភាពនៅឯមន្ទីរពេទ្យយោធា ក្រុងហាណូយ នាវេលាព្រឹកថ្ងៃទី២១ កញ្ញា។ លោកមានជំងឺធ្ងន់ធ្ងរចាប់តាំងពីច្រើនខែមកហើយ ប៉ុន្តែនៅបន្តបំពេញការងារទោះបីរូបលោកមើលទៅមានអាការៈហត់ហេវ និងស្គមស្គាំងក៏ដោយ។ ហើយជំងឺពិតប្រាកដរបស់លោកពុំត្រូវបានលាតត្រដាងឡើយ។
ក្រៅពីតួនាទីជាប្រធានាធិបតី លោកជាមនុស្សគន្លឹះម្នាក់ក្នុងចំណោមមនុស្សគន្លឹះទាំងឡាយ ក្នុងផ្ទៃការិយាល័យនយោបាយបក្សកុំមុយនីស្តវៀតណាម ជាអ្នកក្ដាប់អំណាចពិតប្រាកដដែលជ្រើសតាំងប្រធានាធិបតី។ ហើយការិយាល័យនយោបាយបក្សកុំមុយនីស្តវៀតណាមជាស្ថាប័នដឹកនាំកំពូលរបស់ប្រទេស តាមពិតជាប្រភពនៃរាល់ការចេញសេចក្ដីសម្រេចចិត្តសំខាន់ៗ។ ជនលេខមួយពិតប្រាកដរបស់វៀតណាម គឺអគ្គលេខាបក្ស លោកង្វៀនភូជុង។ ដូច្នេះមរណភាពរបស់ប្រធានាធិបតី គ្មានអីប៉ះពាល់ដល់ស្ថេរភាពនៃរបបកុំមុយនីស្ត ដែលកាន់អំណាចចាប់តាំងពីច្រើនទសវត្សមកហើយនោះទេ។
លោកត្រាន់ដាយក្វាង ជាអតីតរដ្ឋមន្ត្រីក្រសួងសន្តិសុខសាធារណៈ ជាតំណែងគន្លឹះមួយរបស់ប្រទេស។ អាណត្តិរបស់លោកកំណត់ពីការបង្ក្រាបរាល់ពួកប្រឆាំងក្នុងប្រទេស ដោយអ្នកនយោបាយ អ្នកលេងអ៊ីនធើរណេតប្រឆាំង ព្រមទាំងអ្នកកាសែតច្រើនសិបនាក់ត្រូវជាប់ឃុំឃាំង។ នោះជាលើកដំបូងដែលឧត្ដមសេនីយ៍ប៉ូលិសមួយរូប ត្រូវបានជ្រើសតាំងជាប្រធានាធិបតីវៀតណាម។ ការជ្រើសតាំងរូបលោកបញ្ជាក់ពីការក្ដោបក្ដាប់ខាងនយោបាយរបស់ពួកអ្នកអភិរក្សនិយម ក្រោយសមាជបក្សកុំមុយនីស្ន្ កាលពីខែមករាឆ្នាំ២០១៦ ដែលកំណត់ពីការតស៊ូផ្ទៃក្នុងគ្នាយ៉ាងស្វិតស្វាញ រវាងពួកអ្នកអភិរក្សនិយមនិងពួកអ្នកនិយមការកែទម្រង់៕
ចែករំលែកព័តមាននេះ