សត្វលោកក្នុងត្រៃភពនេះតែងមានចិត្តគិតរករបស់ជាទីពឹង ទីអាស្រ័យដូចក្រុមគ្រួសារមួយ មានភរិយា មានស្វាមី មានកូនមានចៅជាដើមរមែងពឹងពាក់គ្នាទៅវិញទៅមក ហើយក៏ត្រូវប្រាថ្នាចង់បាននូវទ្រព្យធនទៀតដើម្បីបានជាទីពឹងដ៏ពិតប្រាកដនៅក្នុងជីវិតនៃពួកគេ ។ សេចក្ដីរំពឹង សេចក្ដីប្រាថ្នា ដែលបានផុសឡើងចេញពីសន្ដានចិត្ត…
សត្វលោកក្នុងត្រៃភពនេះតែងមានចិត្តគិតរករបស់ជាទីពឹង ទីអាស្រ័យដូចក្រុមគ្រួសារមួយ មានភរិយា មានស្វាមី មានកូនមានចៅជាដើមរមែងពឹងពាក់គ្នាទៅវិញទៅមក ហើយក៏ត្រូវប្រាថ្នាចង់បាននូវទ្រព្យធនទៀតដើម្បីបានជាទីពឹងដ៏ពិតប្រាកដនៅក្នុងជីវិតនៃពួកគេ ។
សេចក្ដីរំពឹង សេចក្ដីប្រាថ្នា ដែលបានផុសឡើងចេញពីសន្ដានចិត្ត ដែលជោកជាំដោយរាគៈជាដើមនោះ វាមិនមែនជារឿងដែលបានមកតាមតែតម្រូវការឡើយ លុះណាតែបុគ្គលតស៊ូ អំណត់ ព្យាយាមដ៏ខ្លាំងក្លា បូករួមនឹងសមត្ថភាពថែមទៀតទើបអាចសម្រេចក្តីបំណងបាន បើពុំនោះទេវានឹងផ្ដល់នូវការខកចិត្តដល់អ្នកវិញមិនខាន តែទោះជាយ៉ាងណារបស់ដទៃៗក្នុងលោកនេះមិនមែនជាទីពឹងពិតប្រាកដឡើយ ។
ព្រះពុទ្ធជាម្ចាស់នៃយើង ដែលបានត្រាស់ដឹងនូវព្រះធម៌ គឺ ទ្រង់មិនមានព្រះទ័យចង់បានអ្វីផ្សេងទៀតឡើយ ព្រោះព្រះអង្គបាននូវទីពឹងដ៏ប្រសើរ មិនមានអ្វីដទៃក្រៃលែងជាងនេះឡើយ ព្រះធម៌ទើបបានជាទីពឹងពិតប្រាកដ ។
ដូច្នេះសូមពុទ្ធបរិស័ទទាំងឡាយ ត្រូវព្យាយាមយកព្រះធម៌បានជាទីពឹងជាទីពំនាក់អាស្រ័យ មិនថា ជាតិនេះ ឬជាតិមុខឡើយគឺត្រូវតែមានសន្ដានចិត្តយកព្រះធម៌ជាទីពឹង កុំយកវត្ថុអ្វីដទៃជាទីពឹងមិនរឹងមាំទេ ។
ចែករំលែកព័តមាននេះ