ហួសចិត្ត…នៅអាចចាញ់កលទម្លាក់យោងទៀត…?
- ភ្នំពេញ
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ចោរមួយក្រុមធ្វើសកម្មភាពយកគ្រឿងអលង្ការកាឡៃដូរយកគ្រឿងអលង្ការប្លាទីន និងសម្ភារមួយចំនួនទៀតនារីជានាងកម្មការិនីរោងចក្រកាត់ដេរម្នាក់បានសម្រេច បន្ទាប់មកនាំគ្នាជិះម៉ូតូគេចខ្លួនបាត់ដោយសុវត្ថិភាព ។ ចំណែកនាងរងគ្រោះក្រោយពីបានដឹងថាត្រូវចាញ់បោកជនសង្ស័យទាំងនោះហើយ ក៏បានបោះចោលគ្រឿងអលង្ការកាឡៃទៅក្នុងទឹកស្រែ បន្ទាប់មកបានដើរបណ្ដើរនិងស្រែកយំបណ្ដើរសំដៅចូលទៅក្នុងភូមិមួយជិតកន្លែងកើតហេតុ…
ចំណែកនាងរងគ្រោះក្រោយពីបានដឹងថាត្រូវចាញ់បោកជនសង្ស័យទាំងនោះហើយ ក៏បានបោះចោលគ្រឿងអលង្ការកាឡៃទៅក្នុងទឹកស្រែ បន្ទាប់មកបានដើរបណ្ដើរនិងស្រែកយំបណ្ដើរសំដៅចូលទៅក្នុងភូមិមួយជិតកន្លែងកើតហេតុ ឱ្យអ្នកភូមិជួយ បង្កការភ្ញាក់ផ្អើល កាលពីវេលាម៉ោង៧ព្រឹកថ្ងៃទី២១ កញ្ញា នេះ ស្ថិតនៅចំណុចវាលស្រែ ក្បែរភូមិព្រៃស្ពឺ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ ។
នាងបន្តថា នាងបានចាញ់បោកជនសង្ស័យ៥នាក់ អស់កងដៃប្លាទីនចំនួន១៨កង ,ខ្សែ.កប្លាទីនទម្ងន់២ជី, ទូរស័ព្ទដៃ១គ្រឿង, លុយ១មុឺនរៀល ។ ចំណែកក្រុមជនសង្ស័យ បានយកខ្សៃ.កកាឡៃមួយខ្សែធ្វើសកម្មភាពទម្លាក់យោងទាក់នារីរងគ្រោះ ។
បន្ទាប់មក ក៏មានបុរស២នាក់ទៀតបានទៅដល់ ហើយបានឌុបនាងចូលតាមផ្លូវភូមិព្រៃល្វា រហូតទៅវាលស្រែចំណុចកើតហេតុខាងលើបានឈប់ ។ ហើយស្ត្រីសង្ស័យម្នាក់បានយកកញ្ចប់គ្រឿងអលង្ការ ដែលថារើសបាននោះបង្ហាញឲ្យនាងមើលមាន ទាំងសម្បុតទិញមាស១សន្លឹកថែមទៀតផង។
ក្រោយមក ដោយមានការសង្ស័យ នាងបានមើលម្ដងទៀត ទើបដឹងថា ខ្សែ.កនៅក្នុងថង់នោះ ជារបស់កាឡៃ ក៏មានការតក់ស្លុតយ៉ាងខ្លាំង ហើយបានបោះចោលទៅក្នុងទឹកស្រែ និងទ្រហោយំដោយមិនដឹងខ្លួនព្រមទាំងដើរទៅរកអ្នកភូមិជួយតែម្តង ។
ចែករំលែកព័តមាននេះ