រាជធានីភ្នំពេញ ៖ បុរសម្នាក់ជិះម៉ូតូក្នុងល្បឿនយ៉ាងលឿនចៃដន្យបែកកង់ម៉ូតូខាងមុខរេចង្កូតជ្រុលបុករបាំងថ្មពុះចែកទ្រូងផ្លូវ បណ្តាលអោយដួលបោកក្បាលស្លាប់នៅនឹងកន្លែងកើតហេតុ កាលពីវេលាម៉ោង៩និង១៥នាទីយប់ថ្ងៃទី២០ ខែកញ្ញា ឆ្នាំ២០១៨ តាមបណ្តោយផ្លូវ២៧៣ នៅចំណុចក្បែរនឹងអង់តែនទួលគោក ស្ថិតនៅក្នុងសង្កាត់ទួលសង្កែទី១…
រាជធានីភ្នំពេញ ៖ បុរសម្នាក់ជិះម៉ូតូក្នុងល្បឿនយ៉ាងលឿនចៃដន្យបែកកង់ម៉ូតូខាងមុខរេចង្កូតជ្រុលបុករបាំងថ្មពុះចែកទ្រូងផ្លូវ បណ្តាលអោយដួលបោកក្បាលស្លាប់នៅនឹងកន្លែងកើតហេតុ កាលពីវេលាម៉ោង៩និង១៥នាទីយប់ថ្ងៃទី២០ ខែកញ្ញា ឆ្នាំ២០១៨ តាមបណ្តោយផ្លូវ២៧៣ នៅចំណុចក្បែរនឹងអង់តែនទួលគោក ស្ថិតនៅក្នុងសង្កាត់ទួលសង្កែទី១ ខណ្ឌឬស្សីកែវ ។
ជនរងគ្រោះដែលស្លាប់ឈ្មោះ សុវណ្ណ ច័ន្ទតុលា ភេទប្រុស អាយុ២៦ឆ្នាំ ភេទប្រុស ជាមន្ត្រីយោធា ស្នាក់នៅផ្ទះ1EEo ផ្លូវបេតុង ទួលសង្កាត់ទី១ ខណ្ឌឬស្សីកែវ ។
សាក្សីដែលឃើញហេតុការណ៍បានអោយដឹងថា មុនពេលកើតហេតុគេបានឃើញ បុរសម្នាក់ជាមន្ត្រីយោធាជិះម៉ូតូមួយគ្រឿងម៉ាក ភីស៊ីអិច ពណ៌ស ពាក់ស្លាកលេខ ភ្នំពេញ ១GX-១៧៨០ បើកបរតាមបណ្តោយផ្លូវ២៧៣ក្នុងទិសដៅពីកើតទៅលិច ។
លុះពេលមកដល់ចំណុចកើតហេតុខាងលើនេះគេឃើញម៉ូតូរងគ្រោះបើកលឿនបានបែកកង់មុខរេចង្កូតជ្រុលទៅបុករបាំងថ្មពុះចែកទ្រូងផ្លូវ បណ្តាលអោយដួលម៉ូតូ ហើយអ្នកបើកបរម៉ូតូបានបោកក្បាលនៅនឹងថ្នល់ហូរឈាមច្រើនពេកក៏ស្លាប់នៅនឹងកន្លែងកើតហេតុតែម្តង ចំនែកឯម៉ូតូម៉ាកភីស៊ីអិចបានរងការខូចខាតបែកក្បាំង ភ្លាមៗនោះដែលបងប្អូនសាច់ញាតិរួម និងប្រពន្ធរបស់ជនរងគ្រោះបានមកដល់កន្លែងកើតហេតុហើយនាំគ្នាយំសោកបោកខ្លួនគួរឱ្យសង្វែគ។
ក្រោយពេលកើតហេតុ សពជនរងគ្រោះត្រូវបានបងប្អូនសាច់ញាតិដឹកយកទៅធ្វើបុណ្យតាមប្រពៃណីនៅឯផ្ទះរបស់គាត់ ចំណែកឯម៉ូតូវិញត្រូវបានសមត្ថកិច្ចយកទៅរក្សាទុកអោយនៅប៉ុស្តិ៍ទួលសង្កែទី១ ៕
ចែករំលែកព័តមាននេះ