ព្រះភគវាមិនមែនទស្សន៍ទាយមើលជោគជតារាសីរបស់សត្វលោកឃើញតែក្នុងបច្ចប្បន្ននេះទេ លោកអាចមើលឃើញនូវវាសនារបស់អ្នកទាំងឡាយដល់អនាគតធ្លាយទៅជាតិខាងមុខទៀតផង ។ ខាងក្រោមនេះជាការកំណត់ជោគវាសនារបស់សត្វលោកដោយព្រះអង្គត្រាស់សម្តែងថា បើយើងចង់បានអាយុវែង ចង់បានទ្រព្យស្តុកស្តម្ភ ចង់ឲ្យមានសេចក្តីសុខនៅក្នុងក្រុមគ្រួសារ ចង់ឲ្យគេមានភាពស្មោះត្រង់នឹងខ្លួន និងចង់មានបញ្ញាច្រើន គឺយើងត្រូវវៀរចាកអំពើអាក្រក់ទាំង៥ចេញឱ្យអស់គឺៈ
១-មិនបៀតបៀនជីវិតអ្នកដទៃគឺមិនសម្លាប់សត្វនាំឲ្យមានធម៌មេត្តាចិត្ត ។
២-មិនលួចទ្រព្យគេ នាំឲ្យមានធម៌សម្មាអាជីវៈការចិញ្ចឹមជីវិតត្រូវ នាំឱ្យបានសុខ ហូរចូលទ្រព្យសម្បត្តិច្រើន។
៣-មិនប្រព្រឹត្តខុសក្នុងកាម នាំឲ្យយើងមានធម៌សទារសន្តោសៈ សេចក្តីសន្តោស គ្រប់គ្រងគ្រួសារបានល្អ។
៤-មិននិយាយកុហក នាំឲ្យមានធម៌ សច្ចៈ ពាក្យពិតត្រង់ ។
៥-មិនផឹកនូវទឹកស្រវឹង នាំឲ្យមានធម៌ សតិសម្បជញ្ជៈ ដឹងខ្លួនគ្រប់ពេលវេលា។
ធម៌ទាំង៥នេះគួរសត្វលោកខំរក្សាឲ្យដូចជាយើងរក្សានូវជីវិត រក្សានូវរបស់ទ្រព្យដូច្នោះដែរ ដើម្បីបានជាមាគ៌ាសម្រាប់ជីវិតរបស់យើង ដែលធ្វើដំណើរទៅកាន់លោកខាងមុខ និងបានជាគ្រឿងប្រដាប់សម្រាប់តម្រង់ និងកែតម្រូវផ្លូវនៃជីវិតរបស់ខ្លួនឲ្យកាន់តែប្រសើរឡើង ដូចនេះអ្នកណាប្រតិបត្តិបាន អ្នកនោះនឹងសម្រេចជោគជតារាសីដ៏ឧត្តមក្នុងលោកទាំងពីរ ។
ចែករំលែកព័តមាននេះ