រាជធានីភ្នំពេញ ៖ រថយន្តកូរ៉េម៉ាកគារមួយគ្រឿងតៃកុងបើកលឿនខ្វះការប្រុងប្រយ័ត្នបួងចង្កូតមិនទាន់បុកតូបលក់ស្រានឹងលក់អីវ៉ាន់២ជាប់គ្នា រងការខូចខាតយ៉ាងធ្ងន់ធ្ងរ បង្កឲ្យមានការភ្ញាក់ផ្អើលកាលវេលាម៉ោង៣ទៀបភ្លឺ ថ្ងៃទី២១ ខែកញ្ញា ឆ្នាំ២០១៨ នៅជាប់ទីស្នាក់ការភូមិជ្រៃកោង សង្កាត់ចោមចៅ២…
រាជធានីភ្នំពេញ ៖ រថយន្តកូរ៉េម៉ាកគារមួយគ្រឿងតៃកុងបើកលឿនខ្វះការប្រុងប្រយ័ត្នបួងចង្កូតមិនទាន់បុកតូបលក់ស្រានឹងលក់អីវ៉ាន់២ជាប់គ្នា រងការខូចខាតយ៉ាងធ្ងន់ធ្ងរ បង្កឲ្យមានការភ្ញាក់ផ្អើលកាលវេលាម៉ោង៣ទៀបភ្លឺ ថ្ងៃទី២១ ខែកញ្ញា ឆ្នាំ២០១៨ នៅជាប់ទីស្នាក់ការភូមិជ្រៃកោង សង្កាត់ចោមចៅ២ ខណ្ឌពោធិ៍សែនជ័យ ។
រថយន្តបង្កម៉ាកគារ ពណ៌ខៀវ ពាក់ស្លាកលេខភ្នំពេញ 2AI – 4304 បើកបរដោយតៃកុងនឹងព្រូម្នាក់ បើកក្នុងទិសដៅពីលិចទៅកើត រងការខូចខាតយ៉ាងធ្ងន់ធ្ងរ ។
តាមប្រភពព័ត៌មានពីកន្លែងកើតហេតុបាននិយាយថា នៅមុនពេលកើតហេតុគេឃើញរថយន្តបង្កខាងលើ បើកបរក្នុងល្បឿនយ៉ាងលឿន បើកក្នុងទិសដៅពីលិចទៅកើត លុះមកដល់ចំណុចកើតហេតុនៅកន្លែងកើតហេតុខាងលើ ផ្លូវកោងបួងចង្កូតមិនជាប់បានជ្រុលទៅបុកតូបលក់ឥវ៉ាន់ និងតូបលក់ស្រាដែលជាប់នៅទីស្នាក់ការភូមិជ្រៃកោងខាងលើ បណ្តាលឲ្យរងការខូចខាតយ៉ាងធ្ងន់ធ្ងរ ហើយខូចទ្វារលក់ស្រានឹងបាក់របងជាប់តូបផងដែរ ។
ប្រភពព័ត៌មានបានបន្តទៀតថា រថយន្ដបង្កខាងលើដោយបើកលឿនពេកដោយធ្លាក់ជង្ហុកមុខតូបលក់ស្រាកុំអីតូបលក់អីវ៉ាន់ខាងមុខមិនដឹងរងការខូចខាតយ៉ាងណានោះឡើយ ។
ក្រោយពេលកើតហេតុភាគីខាងរថយន្តបង្កខាងលើមិនទាន់មានដំណោះស្រាយទេ ភ្លាមៗជំនាញចរាចរណ៍ខណ្ឌពោធិ៍សែនជ័យយករថយន្តខាងលើយកទៅរក្សាទុក ដើម្បីរង់ចាំការដោះស្រាយថ្ងៃក្រោយ ៕
ចែករំលែកព័តមាននេះ