ទីក្រុងវីយែន ៖ លោកស្រីនាយករដ្ឋមន្ត្រីអង់គ្លេសTheresa May បានជំរុញដល់អ្នកដឹកនាំដទៃក្នុងសហភាពអឺរ៉ុប(EU)នៅកិច្ចប្រជុំក្រៅផ្លូវការកាលពីថ្ងៃពុធឲ្យដើរតាមការដឹកនាំរបស់លោកស្រី និងសម្របសម្រួលគោលជំហរលើBrexit របស់ពួកគេ ដើម្បីអាចសម្រេចបានកិច្ចព្រមព្រៀងដែលល្អមួយ ។
ប៉ុន្តែអ្នកដឹកនាំមួយចំនួនបាននិយាយថា ផ្នែកសំខាន់ៗនៃគម្រោងការរបស់លោកស្រីMay ត្រូវការការកែសម្រួលជាមុនសិន ។ ដោយសល់តែប្រមាណ៦ខែទៀតមុននឹងប្រទេសអង់គ្លេសចាកចេញពីEU ភាគីទាំងសងខាងកំពុងតែចង់សម្រេចបានកិច្ចព្រមព្រៀងមួយលើទំនាក់ទំនងនាពេលអនាគតមុនពេញចុងឆ្នាំនេះ ដើម្បីជៀសវាងផលប៉ះពាល់ ។
ប្រធាននៃកិច្ចប្រជុំEU លោកDonald Tusk បាននិយាយថា ផ្នែកមួយចំនួននៃគម្រោងការរបស់ប្រទេសអង់គ្លេសបង្ហាញពីការវិវត្តដ៏វិជ្ជមាននៃគោលជំហរអង់គ្លេស ប៉ុន្តែលោកបានឲ្យដឹងថាលើបញ្ហាដទៃដូចជា ក្របខ័ណ្ឌនៃកិច្ចសហប្រតិបត្តិការសេដ្ឋកិច្ចវិញ សំណើរបស់ចក្រភពអង់គ្លេសត្រូវកែសម្រួល និងចរចាបន្ថែមសិន ។
លោកស្រី Mayបាននិយាយថា សំណើរបស់លោកស្រីនឹងរក្សាការធ្វើពាណិជ្ជកម្មដោយ
មិនមានជម្លោះក្នុងតំបន់ ។ លោកស្រីស្នើឲ្យប្រទេសអង់គ្លេសបន្តស្ថិតក្នុងតំបន់ពាណិជ្ជកម្មសេរីជាមួយនឹងEUសម្រាប់កសិផល និងផលិតផលឧស្សាកម្ម ។
ជាមួយគ្នានេះផងដែរ លោកស្រីនិយាយថាលោកស្រីនឹងមិនទទួលយកសំណើរបស់EU ក្នុងការរក្សាNorthern Ireland ក្នុងតំបន់រួចពន្ធឡើយ ប្រសិនបើមិនមានគម្រោងច្បាស់លាស់ក្នុងការទប់ស្កាត់ការឆ្លងដែន ៕
ចែករំលែកព័តមាននេះ