នារីរូបស្រស់ជនជាតិអ៊ីតាលីបានប្រើជើងសិប្បនិមិត្តចូលប្រកួតបវរកញ្ញា និងបង្ហាញពីសមត្ថភាពគួរឲ្យមោទនៈដោយឆ្លងចូលក្នុងជុំ៣នាក់ចុងក្រោយ យកឈ្នះលើអ្នកមានទស្សនៈអវិជ្ជមានក្នុងប្រព័ន្ធ«អនឡាញ» ។ ការប្រកួតបវរកញ្ញាអ៊ីតាលីប្រចាំឆ្នាំ២០១៨ កាលពីថ្ងៃទី១៨ កញ្ញា កន្លងមកនាង Chiara Bordi…
នារីរូបស្រស់ជនជាតិអ៊ីតាលីបានប្រើជើងសិប្បនិមិត្តចូលប្រកួតបវរកញ្ញា និងបង្ហាញពីសមត្ថភាពគួរឲ្យមោទនៈដោយឆ្លងចូលក្នុងជុំ៣នាក់ចុងក្រោយ យកឈ្នះលើអ្នកមានទស្សនៈអវិជ្ជមានក្នុងប្រព័ន្ធ«អនឡាញ» ។
ការប្រកួតបវរកញ្ញាអ៊ីតាលីប្រចាំឆ្នាំ២០១៨ កាលពីថ្ងៃទី១៨ កញ្ញា កន្លងមកនាង Chiara Bordi អ្នកស្រុកនៅខេត្ត Tarquinia អាយុ១៨ឆ្នាំ បានពិការជើងឆ្វេងត្រូវប្រើជើងសិប្បនិមិត្ត អាចឆ្លងចូលដល់ជុំ៣នាក់ចុងក្រោយ និងលុបចោលការមាក់ងាយពីសំណាក់ក្រុមអ្នកលេង«អនឡាញ» នៅមុនពេលចូលប្រឡូកក្នុងវេទិកានេះ ។
ស្របពេលជាមួយគ្នានេះនាងក៏បានបង្ហោះនៅក្នុង Facebook ថា «ខ្ញុំពិការជើង ប៉ុន្តែពួកអ្នកពិការផ្លូវចិត្ត ហើយខ្ញុំក៏គ្មានចំណាប់អារម្មណ៍លើរឿងឈ្នះ-ចាញ់ និងចង់បង្ហាញឲ្យឃើញថា ជីវិតនៅមានភាពស្រស់ស្រាយ ទោះបីជាកើតមកបែបនេះក៏ដោយ» ។
នាង Chiara Bordi បានពិការជើងខាងឆ្វេងពីក្បាលជង្គង់ចុះដោយសារឧប្បត្តិហេតុរថយន្តបុក ខណៈពេលអាយុ១៣ឆ្នាំត្រូវប្រើជើងសិប្បនិមិត្ត ស្របពេលដែលតំណែងបវរកញ្ញា២០១៨បានទៅលើនាង Carlotta Maggiorana អាយុ២៦ឆ្នាំ មកពីខេត្ត Montegiorgio ប្រទេសអ៊ីតាលី ៕
ចែករំលែកព័តមាននេះ