សត្វលោកទាំងអស់តែងចង់បានឲ្យខ្លួនឯងរស់នៅយូរអង្វែង, ចង់មានទ្រព្យសម្បត្តិស្តុកស្តម្ភ មិនចង់ឲ្យមានរោគាព្យាធិ, ចង់រស់នៅជួបជុំស្វាមីភរិយា កូនចៅប្រុសស្រី, ចង់ឲ្យអ្នកដទៃគេមានភក្តីភាពស្មោះត្រង់នឹងខ្លួន, មិនចង់ឲ្យគេនិយាយភូតកុហក បោកប្រាស់, ចង់ឲ្យនិយាយតែពាក្យសច្ចៈ ពាក្យពិតត្រង់,…
សត្វលោកទាំងអស់តែងចង់បានឲ្យខ្លួនឯងរស់នៅយូរអង្វែង, ចង់មានទ្រព្យសម្បត្តិស្តុកស្តម្ភ មិនចង់ឲ្យមានរោគាព្យាធិ, ចង់រស់នៅជួបជុំស្វាមីភរិយា កូនចៅប្រុសស្រី, ចង់ឲ្យអ្នកដទៃគេមានភក្តីភាពស្មោះត្រង់នឹងខ្លួន, មិនចង់ឲ្យគេនិយាយភូតកុហក បោកប្រាស់, ចង់ឲ្យនិយាយតែពាក្យសច្ចៈ ពាក្យពិតត្រង់, ចង់ឲ្យខ្លួនឯងមានបញ្ញាច្រើន និងចង់ឲ្យខ្លួនឯងពោរពេញទៅដោយសុភមង្គល ។
ទាំងអស់គ្នាដែលនិយាយថាចង់បាននេះ ចង់បាននោះគ្រប់យ៉ាង ចុះហេតុអ្វីបានជាយើងមិនព្រមនាំគ្នាធ្វើនូវប្រយោជន៍ ដែលនាំឲ្យបាននូវរបស់ទាំងអស់នោះ ចេះតែស្រែកក្តែងៗ តែមិនព្រមនាំគ្នាធ្វើនូវហេតុដែលនាំឲ្យមាននូវសេចក្តីសុខ តើនឹងមានសេចក្តីសុខមកពីណា។
ដោយហេតុតែចង់ឲ្យជីវិតរបស់ខ្លួនរស់នៅយឹនយូរ តែបែរជាទៅបៀតបៀនជីវិតអ្នកដទៃ តើនេះឈ្មោះថា យើងកំពុងតែសាងនូវភាពជាអ្នកមានអាយុវែងឬ ? ចង់មានទ្រព្យសម្បត្តិតែបែរជាទៅលួចទ្រព្យអ្នកដទៃ ដើម្បីឲ្យខ្លួនឯងជាអ្នកមាន ចង់មានសេចក្តីសុខ តែបែរទៅប្រព្រឹត្តបំពានលើសេចក្តីសុខរបស់អ្នកដទៃ សួរថាតើអំពើទាំងអស់នេះវាសមគួរដែរទេ ?
ជារួមមកមានតែការប្រព្រឹត្តអំពើសុចរិត អំពើជាកុសលប៉ុណ្ណោះ ទើបនាំឱ្យជីវិតយើងបានសុខ ចម្រើនគ្រប់បែបយ៉ាង ។
ចែករំលែកព័តមាននេះ