ជនអ៊ិស្លាម៤នាក់ក្នុងចំណោម១០នាក់ ដែលរស់នៅក្នុងប្រទេសអាហ្វហ្គានីស្ថាន និងប៉ាឡ ស្ទីន បានគាំទ្រការប្រើប្រាស់គ្រាប់បែកអត្ដឃាត។ នេះបើយោងតាមការអង្កេតអន្ដរជាតិថ្មីមួយ ។ ការគាំទ្រការប្រើគ្រាប់បែកអត្ដឃាតរបស់ក្រុមស្ថិតនៅក្នុងតំបន់ដែលហែកហួរដោយសង្គ្រាមទាំងនោះ គឺស្ទើរតែប្រហាក់ប្រហែលគ្នានឹងក្រុមមនុស្សដែលគាំទ្របែបនេះដែរនៅក្នុងប្រទេសអេហ្សុីប និងបង់ក្លាដែស ខណៈដែលនៅប្រទេសអេហ្សុីបមានការគាំទ្រចំនួន២៩% ចំណែកបង់ក្លាដែសមានចំនួន២៦% ។
ការអង្កេតពីពួកមូស្លុីមនៅទូទាំងពិភពលោកដោយស្ថាប័ន Pew Forum ដែលមានមូលដ្ឋាននៅទីក្រុងវ៉ាស៊ីនតោន បានរកឃើញថា នៅក្នុងប្រទេសភាគច្រើន ៣/៤ ឬលើសពីនេះបានបដិសេធការដាក់គ្រាប់បែកអត្ដឃាត និងទម្រង់នៃអំពើហិង្សាផ្សេងៗទៀត។
នៅក្នុងប្រទេសជាច្រើនដែលបានអង្កេតពួកមូស្លុីមកាន់តែមានក្ដីបារម្ភពីពួកសកម្មប្រយុទ្ធអ៊ិស្លាមខ្លាំងជាងទម្រង់អំពើហិង្សាសាសនាផ្សេងៗទៀត ។
របាយការណ៍ដែលផ្អែកលើការអង្កេតនៅក្នុងប្រទេសចំនួន៣៩ ដែលមានប្រជាជនមូស្លុីមភាគច្រើនបានរកឃើញថា សំឡេងភាគច្រើនចង់ឱ្យច្បាប់ Shariah របស់អ៊ិស្លាមរួមបញ្ចូលជាមួយច្បាប់ផ្លូវការនៃប្រទេសរបស់ពួកគេ ។ យោងតាមស្ថាប័ន Pew Forun ស្ដីពីសាសនា និងជីវិតសាធារណៈឱ្យដឹងថា មានការមិនយល់ព្រមជាសាកលពីអ្វីដែលច្បាប់ Shariah បានរាប់បញ្ចូល ហើយនឹងអ្នកណាដែលគួរតែស្ថិតក្រោមអំណាចនៃច្បាប់នេះ ។ ៣/៤នៃអ្នកឆ្លើយតបបាននិយាយថា ការរំលូតកូនគឺខុសនឹងសីលធម៌ ហើយ៨០%បានបដិសេធ ចំពោះសម្ព័ន្ធផ្លូវភេទជាមួយភេទដូចគ្នា និងការរួមភេទមុនរៀបការជាដើម ។
ជាង៣/៤នៃពួកមូស្លុីមនៅមជ្ឈិមបូពា៌ អាហ្វ្រិកខាងត្បូង និងអាស៊ីអាគ្នេយ៍ចង់ឱ្យតុលាការច្បាប់ Shariah សម្រេចការចេញច្បាប់គ្រួសារដូចជាការលែងលះ និងជម្លោះទ្រព្យសម្បត្ដិ ។ខុសពីច្បាប់លោកខាងលិច Shariah គឺជាគោលការណ៍ណែនាំពីសីលធម៌ និងច្បាប់ដោយផ្អែកលើគម្ពីរកូរ៉ាន ដែលជាពាក្យទំនៀមរបស់ព្យាការីមហាមេដ និងប្រពៃណីរបស់មូស្លុីម៕
ចែករំលែកព័តមាននេះ