ខេត្តសៀមរាប ៖ បុរសជាជនជាតិវៀតណាមម្នាក់កំពុងសម្រាកជាមួយក្រុមគ្រួសារ នៅបន្ទប់លេខ៣០៣ ជាន់ទី៣ ក្នុងសណ្ឋាគារក្អម ស្ថិតនៅតាមបណ្តោយផ្លូវលោកណឺយ ស្រាប់តែសម្ពាធឈាមឡើងខ្ពស់ បណ្តាលឱ្យដាច់សរសៃឈាមក្នុងខួរក្បាលស្លាប់ភ្លាមៗ នេះបើតាមសម្តីរបស់សមត្ថកិច្ចជំនាញឱ្យដឹងកាលពីវេលាម៉ោង៣និង៣០នាទីទៀបភ្លឺចូលថ្ងៃទី២០…
ខេត្តសៀមរាប ៖ បុរសជាជនជាតិវៀតណាមម្នាក់កំពុងសម្រាកជាមួយក្រុមគ្រួសារ នៅបន្ទប់លេខ៣០៣ ជាន់ទី៣ ក្នុងសណ្ឋាគារក្អម ស្ថិតនៅតាមបណ្តោយផ្លូវលោកណឺយ ស្រាប់តែសម្ពាធឈាមឡើងខ្ពស់ បណ្តាលឱ្យដាច់សរសៃឈាមក្នុងខួរក្បាលស្លាប់ភ្លាមៗ នេះបើតាមសម្តីរបស់សមត្ថកិច្ចជំនាញឱ្យដឹងកាលពីវេលាម៉ោង៣និង៣០នាទីទៀបភ្លឺចូលថ្ងៃទី២០ ខែកញ្ញា ឆ្នាំ២០១៨ ស្ថិតនៅភូមិវត្តបូព៌ សង្កាត់សាលាកំរើក ក្រុងសៀមរាបខេត្តសៀមរាប ។
តាមប្រភពបានឱ្យដឹងថា ជនរងគ្រោះដែលស្លាប់ខាងលើឈ្មោះ បូយ ថាញ់ហ្វឿង ភេទប្រុសអាយុ៦៥ឆ្នាំ កាន់លិខិតឆ្លងដែនលេខ B7734946 ជាភ្ញៀវទេសចរចូលមកតាមច្រកប៉ោយប៉ែត កាលពីវេលាម៉ោង៨ព្រឹកថ្ងៃទី១៩ ខែកញ្ញា ឆ្នាំ២០១៨ ចូលមកសំរាកនៅក្នុងសណ្ឋាគារក្អម ជាមួយក្រុមគ្រួសារ ហើយបានស្លាប់នៅម៉ោង៣និង៣០នាទីទៀបភ្លឺចូលថ្ងៃទី២០ ខែកញ្ញា ឆ្នាំ២០១៨។
បើតាមសមត្ថកិច្ចនគរបាលមូលដ្ឋានបានឱ្យដឹងថា មុនពេលកើតហេតុ មានអ្នកគ្រប់គ្រងសណ្ឋាគារក្អម បានរាយការណ៍តាមទូរស័ព្ទមកមន្ត្រីនគរបាលប៉ុស្តិ៍សង្កាត់សាលាកំរើកថា មានករណីមនុស្សដេកស្លាប់នៅក្នុងសណ្ឋាគារ បន្ទាប់ពីក្រុមគ្រួសារបានមកប្រាប់បុគ្គលិក ។
ពេលនោះកម្លាំងជំនាញក៏បានចុះទៅដល់កន្លែងកើតហេតុ រួចរាយការណ៍បន្តទៅឱ្យមន្ត្រីជំនាញក្រុង និងលោកគ្រូពេទ្យដើម្បីចុះមកជួយអន្តរាគមន៍ភ្លាមៗផងដែរ។
ប្រភពបានបញ្ជាក់ថា តាមការពិនិត្យលើសព សមត្ថកិច្ចជំនាញពុំមានឃើញស្លាកស្នាមអ្វីពាក់ព័ន្ធនឹងបទល្មើសព្រហ្មទណ្ឌនោះទេ ។ ក្រោយការពិនិត្យលើខ្លួនជនរងគ្រោះរួចមក លោកវេជ្ជបណ្ឌិត អ៊ិត ឆ ឆរ័ត្ន គ្រូពេទ្យអមតុលាការខេត្តបានឱ្យដឹងថា ជនរងគ្រោះពិតជាស្លាប់ដោយសារសម្ពាធឈាមឡើងខ្ពស់បណ្តាលឱ្យដាច់សសៃឈាមក្នុងខួក្បាលប្រាកដមែន។
បច្ចុប្បន្នសពជនរងគ្រោះជាជនជាតិវៀតណាម ត្រូវបានកម្លាំងជំនាញយកទៅតម្កល់ទុកនៅមន្ទីរពេទ្យខ្មែរ-សូវៀតរាជធានីភ្នំពេញ ព្រមទាំងធ្វើការប្រគល់ឱ្យក្រុមគ្រួសារយកទៅស្រុកកំណើត ធ្វើបុណ្យតាមប្រពៃណីផងដែរ ៕
ចែករំលែកព័តមាននេះ