ប្រទេសមីយ៉ាន់ម៉ា ៖ អតីតអ្នកធ្វើអត្ថាធិបាយនយោបាយមីយ៉ាន់ម៉ាម្នាក់ កាលពីថ្ងៃទី១៨កញ្ញា ទទួលការកាត់ទោសដាក់គុកដល់ទៅ៧ឆ្នាំ ពីបទរិះគន់មេដឹកនាំប្រទេសលោកស្រី អ៊ួង សាន់ស៊ូជី ដែលកាន់អំណាចពីឆ្នាំ២០១៦មក។
ជាមនុស្សជិតដិតនឹងរបបយោធាលោកNGAR MIN SWE ទទួលការកាត់ទោសពីបទបង្កើតចលាចលតាមរយៈការបង្ហោះលើ FACEBOOK ការជេរប្រមាថនានាប្រឆាំងទីប្រឹក្សារដ្ឋលោកស្រីអ៊ូងសាន់ ស៊ូជី ដោយលើកពីគំនិតខុសទាំងឡាយលើរូបលោកស្រី។នេះជាការលើកឡើងរបស់អ្នកនាំពាក្យតុលាការលោកHTAY AUNG។
តាម FACEBOOK អ្នកកាសែតរូបនេះបានលើកជាពិសេស ប្រឆាំងការអោបលោកស្រីស៊ូជីរបស់លោកបារ៉ាក់ អូបាម៉ា ពេលលោកជាប្រធានាធិបតីអាមេរិកមកបំពេញទស្សនកិច្ចនៅមីយ៉ាន់ម៉ាកាលពីឆ្នាំ២០១៤។លោកថាបែបនេះជាការប្រព្រឹត្តផ្ទុយពីវប្បធម៌របស់ប្រទេសយ៉ាងឥតអៀនខ្មាស់។ លោកស្រីស៊ូជី តាមរូបភាពនានាសម័យកាលនោះបង្ហាញកាយវិការគួរឲ្យឃ្នើសចិត្តបំផុត រូចរឿងនេះត្រូវបានគេចំណាយទឹកខ្មៅជាច្រើន។
ជននោះសរសេរជាពិសេសថា លោកអូបាម៉ា មកកាន់មីយ៉ាន់ម៉ាដល់ទៅ២លើក តែលោកដូណាល់ ត្រាំ ពុំទាន់មកនៅឡើយ។ ចូរលោកស្រីរង់ចាំការថើបទៅពេលលោកត្រាំមក អាចមុនឆ្នាំ២០២០។ អ្នកកាសែតរូបនោះចង់និយាយយោងដល់ការបោះឆ្នោតសភាសល់ពេល២ឆ្នាំទៀត ដែលអាចប៉ះពាល់ដល់ការត្រួតត្រាសភារបស់គណបក្សលោកស្រីស៊ូជី។ តាមពួកអ្នកធ្វើអត្ថាធិបាយនយោបាយទាំងឡាយថា គណបក្សរបស់អតីតរបបយោធាអាចបង្កើតការភ្ញាក់ផ្អើលមួយក្នុងការបោះឆ្នោតនេះ។
លោកNGAR MIN SWE ធ្លាប់សរសេរកាសែតផ្លូវការGLOAL NEW LIGHT OF MYANMAR សម័យកាលរបបយោធា។ ចាប់តាំងពីច្រើនឆ្នាំមកហើយ លោកល្បីព្រោះប្រកាន់ជំហរប្រឆាំងអតីតមេដឹកនាំប្រឆាំងលោកស្រីស៊ូជី។
កាលពីសប្ដាហ៍មុននៅទីក្រុងហាណូយលោកស្រីស៊ូជីលើកពីការកាត់ទោសអ្នកកាសែតរ៉យទ័រ២នាក់ក្នុងម្នាក់ៗជាប់គុក៧ឆ្នាំថា ប្រទេសលោកស្រីប្រកាន់នីតិរដ្ឋ ហើយការកាត់ទោសពួកគេធ្វើទៅតាមច្បាប់ពុំទាក់ទិនដល់សេរីភាពនៃការបញ្ចេញមតិឡើយ៕
ចែករំលែកព័តមាននេះ