រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា (CPP) បានព្រមានថា ការតស៊ូមតិរបស់ក្រុមប្រឆាំងនៅក្រៅប្រទេស ពិសេសនោះកូនស្រីលោក កឹម សុខា គឺកញ្ញា កឹម មនោវិទ្យា អាចជាការដាក់បន្ទុកកាន់តែធ្ងន់ ចំពោះលោក កឹម សុខា ។
ការព្រមានរបស់អ្នកនាំពាក្យលោក សុខ ឥសាន( CPP) បក្សប្រឆាំងនេះ ខណៈដែលលោក កឹម សុខាបានកំពុងតែជាប់ឃុំខ្លួននៅក្នុងផ្ទះ ជំនួសការឃុំខ្លួននៅពន្ធនាគារជាបណ្តោះអាសន្ន ហើយត្រូវនៅក្រោមការត្រួតពិនិត្យតាមផ្លូវតុលាការដដែល ។ លោក សុខ ឥសានបានឲ្យដឹងនៅថ្ងៃទី២០ កញ្ញានេះបានឲ្យដឹងតាមប្រព័ន្ធតេឡក្រាមថា កូនស្រីលោក កឹម សុខា បានប្តេជ្ញាចិត្តថា នឹងខិតខំបន្តតស៊ូមតិនៅសហគមន៍អន្តរជាតិថែមទៀត ដើម្បីរបស់ដែលហៅថា ឲ្យមានការទម្លាក់ចោលទាំងស្រុងបទចោទប្រកាន់ឪពុកនាងជាជនក្បត់ជាតិសន្និដ្ឋិភាពជាមួយបរទេស ។
លោកបញ្ជាក់ថា «ការខិតខំរបស់នាងជាសិទ្ធិរបស់នាង តែបើការខិតខំនោះធ្វើឲ្យប៉ះពាល់ដល់កិត្តិយស និងកិត្យានុភាពជាតិវាមិនត្រឹមតែជួយសម្រាលទោសឪពុកនាងទេ តែវាកាន់តែដាក់បន្ទកទោសទណ្ឌដល់ឪពុកនាងថែមទៀតផង» ។ លោកបន្ថែមថា រាល់ការតស៊ូមតិ ដើម្បីដោះបន្ទុកជនជាប់ចោទមិនមែនទៅវាយប្រហារបន្តុះបង្អាប់បង្ខូចកេរ្តិ៍ឈ្មោះជាតិសាសន៍ឯង និងវាយប្រហាររាជរដ្ឋាភិបាលកម្ពុជាស្របច្បាប់នៃកម្ពុជានោះទេ ។ តាមគោលការណ៍ច្បាប់គួរគប្បីរកមេធាវីដែលពូកែ និងល្បីឈ្មោះទៅតតាំងនៅតុលាការទើបត្រឹមត្រូវតាមគោលការណ៍ច្បាប់ និងនីតិវិធីរបស់តុលាការ ។
លោក សុខ ឥសាន បានលើកឡើងទៀតថា បើគ្រាន់តែចង់ដោះបន្ទុកជនជាប់ចោទ ហើយ ទៅបរិហារកេរ្ត៍ជាតិសាសន៍ខ្មែរនៅបរទេសនោះមិនមានន័យថា ជាការដោះបន្ទុករឿងក្តីនោះទេ តែផ្ទុយទៅវិ ញវាជាការកាន់តែបន្ថែមទម្ងន់ទោសដល់ជនត្រូវចោទថែមទៀតប៉ុណ្ណោះ ។
សូមជម្រាបថា ចាប់តាំងពីលោក កឹម សុខា អតីតប្រធានគណបក្សសង្គ្រោះជាតិ កូនស្រី លោក គឺកញ្ញាកឹម មនោវិទ្យា មានលោកយ៉ែម បុញ្ញាឬទ្ធិ និងក្រុមអ្នកគាំទ្រលោក កឹម សុខា បានចេញទៅក្រៅប្រទេស ដើម្បីកៀរគរបរទេស ដើម្បីដាក់គំនាបលើរាជរដ្ឋាភិបាល ក្នុងគោលបំណងឲ្យដោះលែងលោក កឹម សុខា និងឲ្យគណបក្សសង្គ្រោះជាតិរស់នៅវិញ ព្រមទាំងឲ្យអ្នកនយោបាយ១១៨នាក់ ដែលត្រូវបាត់សិទ្ធិ៥ឆ្នាំ ក្នុងការធ្វើនយោបាយមានសេរីភាពក្នុងការធ្វើនយោបាយផងដែ ៕
ចែករំលែកព័តមាននេះ