រាជធានីភ្នំពេញ ៖ កាលពីព្រឹកថ្ងៃទី១៩ ខែកញ្ញា សមត្ថកិច្ចការិយាល័យស្រាវជ្រាវបទល្មើសជួញដូរមនុស្សនៃកងរាជអាវុធហត្ថរាជធានីភ្នំពេញ បានបញ្ជូនជនសង្ស័យម្នាក់ទៅសាលាដំបូង ដើម្បីផ្តន្ទាទោសតាមនីតិវិធីច្បាប់ ពាក់ព័ន្ធនឹងករណីហិង្សាគំរាមសម្លាប់ បង្ខាំងទុក និងអំពើទារុណកម្ម…
រាជធានីភ្នំពេញ ៖ កាលពីព្រឹកថ្ងៃទី១៩ ខែកញ្ញា សមត្ថកិច្ចការិយាល័យស្រាវជ្រាវបទល្មើសជួញដូរមនុស្សនៃកងរាជអាវុធហត្ថរាជធានីភ្នំពេញ បានបញ្ជូនជនសង្ស័យម្នាក់ទៅសាលាដំបូង ដើម្បីផ្តន្ទាទោសតាមនីតិវិធីច្បាប់ ពាក់ព័ន្ធនឹងករណីហិង្សាគំរាមសម្លាប់ បង្ខាំងទុក និងអំពើទារុណកម្ម ។ ជនសង្ស័យឈ្មោះ ព្រឿង សំអឿន ហៅសេមភេទប្រុស អាយុ៣៩ឆ្នាំ ធ្លាប់ជាអាណិកជនរស់នៅសហរដ្ឋអាមេរិក និងអាចចាត់ទុកថា ជាជនកំណាចឃោរឃៅម្នាក់នៅកម្ពុជាប្រចាំឆ្នាំ២០១៨ ដែលគួរឲ្យភ្ញាក់ផ្អើលបំផុត ។
កងរាជអាវុធហត្ថរាជធានីភ្នំពេញបានស្រាវជ្រាវឃើញថា ជននេះ ដែលជាគ្រូបង្រៀនលំហាត់ប្រាណនៅក្លិបស៊ុបភឺហ្វីត បានប្រព្រឹត្តអំពើបង្ខាំងទុកនារីម្នាក់អាយុ២២ឆ្នាំ ជានិស្សិត ដោយប្រើអំពើហិង្សា និងធ្វើទារុណកម្មផ្លូវភេទ ។ ជាមួយនេះ បានទូរស័ព្ទទៅក្រុមគ្រួសាររបស់ជនរងគ្រោះ ដោយប្រើពាក្យសម្តីមិនសមរម្យ ប៉ះពាល់ដល់កិត្តិយសជនរងគ្រោះ និងគំរាមបង្ហោះវីដេអូរួមភេទជាមួយនាងផងដែរ។
ជនសង្ស័យបានសារភាពថា ខ្លួននិងជនរងគ្រោះបានស្គាល់គ្នារយៈពេល១ឆ្នាំមកហើយដោយជនរងគ្រោះតែងមកហាត់ប្រាណ នៅក្នុងក្លិបស៊ុបភឺហ្វីតរាល់ថ្ងៃ ឯ។ ខ្លួនជាគ្រូបង្រៀនលំហាត់ប្រាណនៅទីនោះ ។ ក្រោយពេលពួកគេទាំង២នាក់ស្គាល់គ្នាបានប្រហែល៣សប្តាហ៍ ក៏ស្រឡាញ់គ្នាជាសង្សារ ហើយតែងតែទូរ
ស័ព្ទណាត់ជួបគ្នា ដើម្បីរូមភេទជាញឹកញាប់ក្នុង១សប្តាហ៍២ ទៅ៣ដង ។ ម្យ៉ាងទៀត ក្នុងពេលរួមភេទម្តងៗ ខ្លួនតែងតែថតជាវីដេអូទុកផងដែរ។
លើកដំបូង ពួកគេរួមភេទជាមួយគ្នាក្នុងផ្ទះសំណាក់ម្តុំផ្សារសុវណ្ណា ហើយក្រោយៗមកទៀត ពួកគេបានជួលបន្ទប់ខុនដូមួយឈ្មោះ MHMបន្ទប់លេខ១៦៤ ក្នុងសង្កាត់ទួលទំពូងទី១ ខណ្ឌចំការមន ដើម្បីណាត់ជួបគ្នារួមភេទ។ តាមនារីរងគ្រោះបានឱ្យដឹងថា ដំបូងឡើយរូបនាង ពិតជាបានស្រឡាញ់ជនសង្ស័យជាសង្សារ
ខ្លាំងណាស់ តែរយៈកាលក្រោយៗមក នាងបែរជាមានការភ័យខ្លាចជាខ្លាំង ព្រោះតែជននេះហាក់ដូចជាមនុស្សរោគចិត្ត ដ្បិតពេលរួមភេទជាមួយគ្នាម្តងៗ មិនត្រឹមតែថតវីដេអូទុកប៉ុណ្ណោះទេ គឺថែមទាំងប្រើទារុណកម្មឃោរឃៅទៀតផងដូចជា ក្តិច ខ្ញាំ ខាំ ច្របាច់ មួលកដៃ និងវាយបែកមាត់នាងជាញឹកញាប់ រហូតដល់នាងបែកចិត្តទៅភ្ជាប់ពាក្យជាមួយអ្នកថ្មី ។ ក្រោយពេលជននេះដឹងថា នាងមានគូដណ្តឹង ក៏បានប្រើហិង្សាលើរូបនាងចំនួន៦ដង និងគំរាមបង្ហោះវីដេអូរួមភេទជាមួយគ្នាផងដែរ ។
នៅថ្ងៃទី១៥ កញ្ញា ខណៈរូបនាងនិងជនសង្ស័យនៅជាមួយគ្នា ស្រាប់តែគូដណ្តឹងនាងឆាតមក ហើយជនសង្ស័យឆែកឃើញ ក៏បណ្តាលឲ្យមានការឈ្លោះប្រកែកគ្នា ។ ពេលនោះ ជនសង្ស័យបានឆាតទៅគំរាមគូដណ្តឹងនាងឱ្យឈប់ទាក់ទងនាងជាបន្ទាន់ បើមិនដូច្នោះទេ រូបគេនឹងធ្វើអ្វីមួយលើគូដណ្តឹងនោះជាក់ជាមិនខានឡើយ ។ បន្ទាប់មក ជនសង្ស័យបានបង្ខាំងនាងទុកក្នុងបន្ទប់ខុនដូមិនឲ្យចេញទៅណា ព្រមទាំងបានចាប់បោចសក់ និងរុញនាងផ្ទប់ទៅនឹងជញ្ជាំង ព្រមទាំងខាំដៃ ខាំកំប៉េះគូទនាងទៀតផង ។
ប្រភពព័ត៌មានដដែលឲ្យដឹងទៀតថា បន្ទាប់មកជនសង្ស័យបានកាត់ក្រណាត់អាវយឺតបម្រុងយកមកចងដៃចងជើងនាង តែដោយសារនាងអង្វរពេក ទើបរូបគេមិនបានចង ហើយបង្ខំនាងឲ្យនិយាយទូរស័ព្ទទៅគូដណ្តឹងថា ពួកគេទាំង២នាក់ រស់នៅជាមួយគ្នាជារៀងរាល់ថ្ងៃ ។ បើនាងមិនទូរស័ព្ទទៅទេ ជនសង្ស័យគំរាមថា នឹងយកកន្ត្រៃមកកាត់សក់នាងឱ្យអស់ ហើយសម្លាប់ចោលតែម្តង ។ ដោយសារការគំរាមបែបនេះ នាងក៏បង្ខំចិត្តទូរស័ព្ទទៅគូដណ្តឹង និយាយតាមការគំរាមនេះ ហើយជននេះ បានបង្ខាំងនាងទុកនៅក្នុងបន្ទប់ខុនដូ និងយកកាំបិតចុងស្រួច.សស្ញាចមួយ គំរាមនាងមិនឲ្យចេញទៅណាជាដាច់ខាត។
នៅថ្ងៃទី១៦ ខែកញ្ញា ម្តាយមីងនារីរងគ្រោះដោយបាត់ដំណឹងក្មួយស្រីពេញមួយយប់ ក៏ដាក់ពាក្យបណ្តឹងទៅបញ្ជាការដ្ឋានកងរាជអាវុធហត្ថរាជធានីភ្នំពេញ ឱ្យជួយស្រាវជ្រាវ រហូតឈានដល់រកឃើញទីតាំងបង្ខាំងនាង ។ ដោយមានការសហការជាមួយកងរាជអាវុធហត្ថខណ្ឌចំការមន ពេលសមត្ថកិច្ចចុះទៅដល់ ជនសង្ស័យ មិនព្រមបើកទ្វារទេ ថែមទាំងគំរាមសមត្ថកិច្ចថា រូបគេនឹងសម្លាប់នាងចោលនៅក្នុងបន្ទប់ទៀតផង ។
បន្ទាប់មក ជនសង្ស័យបានយកស្ប្រ៉ាយបាញ់ទៅលើទ្វារកញ្ចក់ ដើម្បីកុំឱ្យសមត្ថកិច្ចមើលឃើញដល់ក្នុងបន្ទប់ និងបម្រុងរត់គេចខ្លួន តែមិនអាចចេញទៅណារួច ក៏ត្រូវកម្លាំងសមត្ថកិច្ចទម្លាយទ្វារចូលទៅចាប់ឃាត់ខ្លួនបាន និងរំដោះជនរងគ្រោះ ។ លើសពីនេះទៀត តាមការធ្វើតេស្តទឹកនោមជនសង្ស័យ សមត្ថកិច្ចបានរកឃើញថា ជនសង្ស័យដែលជាមនុស្សកំណាចឃោរឃៅនេះ មានជាប់សារធាតុញៀនផងដែរ៕
ចែករំលែកព័តមាននេះ