រាជធានីភ្នំពេញ ៖ តុលាការសាលាដំបូងរាជធានីភ្នំពេញបានបញ្ជាក់ពីការឃុំខ្លួនលោក កឹម សុខា អតីតប្រធានគណបក្សសង្គ្រោះជាតិ នៅឃុំក្នុងផ្ទះ គឺជំនួសឲ្យវិធានការនៃការឃុំខ្លូនបណ្តោះអាសន្ន ដោយស្ថិតនៅក្រោមការត្រួតពិនិត្យតាមផ្លូវតុលាការដដែល ។…
រាជធានីភ្នំពេញ ៖ តុលាការសាលាដំបូងរាជធានីភ្នំពេញបានបញ្ជាក់ពីការឃុំខ្លួនលោក កឹម សុខា អតីតប្រធានគណបក្សសង្គ្រោះជាតិ នៅឃុំក្នុងផ្ទះ គឺជំនួសឲ្យវិធានការនៃការឃុំខ្លូនបណ្តោះអាសន្ន ដោយស្ថិតនៅក្រោមការត្រួតពិនិត្យតាមផ្លូវតុលាការដដែល ។
ការបញ្ជាក់របស់តុលាការរាជធានីភ្នំពេញនេះ បន្ទាប់ពីសម្តេចតេជោ ហ៊ុន សែន កាលពីថ្ងៃទី១៩ កញ្ញា បានបញ្ជាក់ថា លោក កឹម សុខា នៅតែមិនទាន់រួចទោសអ្វីទាំងអស់ ហើយការឃុំ ខ្លួន នៅក្នុងផ្ទះនេះ ដើម្បីការពារសុវត្ថិភាព និងសុខភាពលោកតែប៉ុណ្ណោះ ។ យោងតាមសេចក្តីថ្លែងការណ៍របស់អ្នកនាំពាក្យនៃអយ្យការអមសាលាដំបូងរាជធានីភ្នំពេញ ចេញផ្សាយ កាលពីយប់ថ្ងៃទី១៩ ខែកញ្ញាបានបញ្ជាក់ថា លោកកឹម សុខា ត្រូវបានលោក គី ឬទ្ធី ចៅក្រមស៊ើវសួរនៃសាលាដំបូងរាជធានីភ្នំពេញសម្រេចដាក់ឲ្យស្ថិតនៅក្រោមការត្រួតពិនិត្យតាមផ្លូវតុលាការជំនួសឲ្យវិធានការនៃការឃុំខ្លួនបណ្តោះអាសន្ន ។
ថ្លែងការណ៍បញ្ជាក់ថា« យោងតាមដីកាសម្រេចរបស់លោក គឺ ឬទ្ធី ការសម្រេចនេះ គឺជាផ្អែកមួយផ្នែកលើហេតុផលផ្នែកសុខភាពរបស់ជនត្រូវចោទ ។ ផ្អែកតាមដីកាសម្រេចនេះ លោកកឹម សុខា ក្នុងឋានៈជាជនត្រូវចោទក្នុងសំណុំរឿងក្តីនៅតុលាការត្រូវបានអនុញ្ញាតឲ្យនៅក្រៅឃុំ ប៉ុន្តែត្រូវបានដាក់ឲ្យជាប់កាតព្វកិច្ចមួយចំនួន ដើម្បីបម្រើឲ្យចំណាត់ការនីតិវិធីបន្តលើកសំណុំរឿង ដោយចៅក្រម ។
អ្នកនាំពាក្យសាលាដំបូងរាជធានីភ្នំពេញក៏បានគូសបញ្ជាក់ថា ករណីជនត្រូវចោទឈ្មោះ កឹម សុខា ដែលត្រូវបានដាក់ឲ្យស្ថិតនៅក្រោមការត្រួតពិនិត្យតាមផ្លូវតុលាការខាងលើនេះពុំមែនជាករណីនៃឃុំខ្លូននៅក្នុងផ្ទះនោះទេ ។ ទន្ទឹមនេះការសម្រេចរបស់ចៅក្រមស៊ើបសួរក្នុងការហាមឃាត់ជនត្រូវចោទឈ្មោះ កឹម សុខា មិនឲ្យចាកចេញពីព្រំប្រទល់ដែនដីណាមួយជា កំណត់ គឺជាសិទ្ធិអំណាចរបស់ចៅក្រមស៊ើបសួរដែលធ្វើឡើងស្របតាមមាត្រា២២៣ កថា ខ ណ្ឌទី២ ចំណុចទី១នៃក្រមនីតិវិធីព្រហ្មទណ្ឌ ដោយផ្អែកលើហេតុលផលសន្តិសុខសុវត្ថិភាពរ បស់ជនត្រូវចោទ និងដើម្បីធានាថា ជនត្រូវចោទនឹងមិនរត់គេចខ្លួនពីនីតីវិធីតុលាការ ។
អ្នកនាំពាក្យបញ្ជាក់ថា«ក្នុងន័យនេះ ជនត្រូវចោតមានសេរីភាពគ្រប់គ្រាន់ ក្នុងការចេញពីផ្ទះ រ បស់ខ្លួន ក្នុងព្រំប្រទល់ដែនដី ដែលកំណត់ដោយដីកាសម្រេចរបស់ចៅក្រមស៊ើបសួរ និងអាចប្រាស្រ័យទាក់ទងជាមួយបុគ្គលនានា ដែលមិនស្ថិតនៅក្នុងក្របខណ្ឌបញ្ជីនៃការហាមឃាត់ របស់តុលាការបានពោល គឺបុគ្គលដែលអាចមានការពារព័ន្ធនឹងសំណុំរឿងជាមួយជនត្រូវចោទ ហើយដែលតុលាការកំពុងមានចំណាត់ការ» ។ អ្នកនាំពាក្យតុលាការដដែលក៏បានលើកឡើងថា ហេតុផលផ្នែកសន្តិសុខ និងសុវត្ថិភាព សុខភាពផ្ទាល់ខ្លួន របស់ជនត្រូវចោទឈ្មោះ កឹម សុខា គឺជារឿងសំខាន់ដែលចាំបាត់ត្រូវមានការចូលរួមសហការគ្នាជាមុន រវាងសមត្ថកិច្ចតុលាការ និងសមត្ថកិច្ចពាក់ព័ន្ធនានាបូករួមរបស់ភាគីជនត្រូវចោទផងដែរ ដើម្បីចៀងវាងយកថា ភាពអាក្រក់ណាមួយផ្នែកសុវត្ថិភាពលើករូបជនត្រូវលោកកឹម សុខា ពីតួអង្គខាងក្រៅ ។
សូមជម្រាបថា លោកកឹម សុខាត្រូវបានជាប់ពន្ធនាគារជាង១ឆ្នាំ នៅពន្ធនាគារត្រពាំងផ្លុង ហើយកាលពីថ្ងៃទី១០ វេលាម៉ោង៣ទាបភ្លឺតុលាការសាលាដំបូងរាជធានីភ្នំពេញសម្រេចដោះលែងឲ្យមានសេរីភាពបណ្តោះអាសន្ន ដោយត្រូវបានឃុំខ្លួននៅក្នុងគេហដ្ឋានលោកស្ថិតនៅផ្ទះលេខ៩៧ ផ្លូវ៣១៣ សង្កាត់បឹងកក់ទី២ ខណ្ឌទូលគោលរាជធានីភ្នំពេញ ។ លោកកឹម សុខាមិនត្រូវបានអនុញ្ញាតឲ្យចេញបរិវេណផ្ទះឡើយដូចជា ការជួបជាមួយកម្មជនថ្នាក់ដឹកនាំគណបក្សសង្គ្រោះជាតិ និងជនបរទេសជាដើម ។
គួរបញ្ជាក់ថា លោក កឹម សុខា ត្រូវបានចោទប្រកាន់ពីបទសន្ធិដ្ឋិភាពជាមួយបរទេសតាមមាត្រា ៤៤៣ នៃក្រមព្រហ្មទណ្ឌ ។ បទល្មើសនេះអាចត្រូវជាប់ពន្ធនាគារពី១៥ឆ្នាំ ដល់៣០ឆ្នាំ ។ លោកកឹម សុខា ត្រូវបានសមត្ថកិច្ចចាប់ខ្លួននៅពាក់កណ្តាលអធ្រាត្រឈានចូលថ្ងៃទី០៣ ខែកញ្ញា ឆ្នាំ២០១៧ ៕
ចែករំលែកព័តមាននេះ