រាជធានីភ្នំពេញ ៖ រថយន្តយីឌុបដឹកបង្គោលភ្លើង ដោយសារតែអ្នកបើកបរ ខ្វះការប្រុងប្រយត្ន័ ជ្រុលទៅកៀរ រថយន្ត កាម៉ារីបាឡែន បណ្តាលអោយរងការខូចខាត តែសំណាងល្អមិនមានគ្រោះថ្នាក់ដល់មនុស្សណាម្នាក់ឡើយ…
រាជធានីភ្នំពេញ ៖ រថយន្តយីឌុបដឹកបង្គោលភ្លើង ដោយសារតែអ្នកបើកបរ ខ្វះការប្រុងប្រយត្ន័ ជ្រុលទៅកៀរ រថយន្ត កាម៉ារីបាឡែន បណ្តាលអោយរងការខូចខាត តែសំណាងល្អមិនមានគ្រោះថ្នាក់ដល់មនុស្សណាម្នាក់ឡើយ ។ ហេតុការណ៍នេះដែរបានកើតឡើងកាលពីវេលាម៉ោង១១យប់ ថ្ងៃទី១៩ ខែកញ្ញា ឆ្នាំ២០១៨ ចំណុចស្តុបបញ្ញាសក្តិ ផ្លូវ២៧១ កែងនិងផ្លូវ៣៧១ សង្កាត់ចាក់អង្រែលើ ខណ្ឌមានជ័យ ។
តាមសម្តីអ្នកឃើញហេតុការណ៍បានអោយដឹងថា មុនពេលកើតហេតុ គេបានឃើញបុរស២នាក់ ដោយបុរសម្នាក់ជាអ្នកបើកបររថយន្តម៉ាក កាមរី បាឡែន ពណ៌ស ពាក់ស្លាកលេខ ភ្នំពេញ ២A-៨៧០១ ធ្វើដំណើរតាមផ្លូវ ៣៧១ក្នុងទិសដៅពីលិចទៅកើត លុះមកដល់ចំណុចកើតហេតុ បានបត់ស្តាំឡើងទៅផ្លូវ២៧១ ។
ប្រភពដដែលបានបន្តថា ស្របពេលនោះដែរក៏ស្រាប់តែបុរសម្នាក់ទៀត បានបើករថយន្តមួយគ្រឿងប្រភេទយីឌុប ម៉ាកហ៊ីយ៉ានដាយ ពណ៌ខៀវ ពាក់ស្លាកលេខ ស្វាយរៀង ៣A-១១៧៩ ដឹកបង្គោលភ្លើងពេញមួយរថយន្តបានធ្វើដំណើរក្នុងទិសដៅស្របគ្នា ហើយបត់ស្តាំឡើងទៅផ្លូវ២៧១ដូចគ្នា ដោយសារតែអ្នកបើកខ្វះការប្រុងប្រយត្ន័ក៏ជ្រុលចង្កូតទៅកៀររថយន្ត កាម៉ារីបាឡែន ដែលបុរស២នាក់ជិះក្នុងរថយន្តនោះ បណ្តាលអោយរងការខូចខាតឆ្កូតថ្នាំទ្វារមុខចំហៀងឆ្វេង និងបាក់កញ្ចក់មើលក្រោយចំហៀងខាងឆ្វេងកៀបជាប់នឹងរថយន្ត យីឌុប តែសំណាងមិនមានគ្រោះថ្នាក់ដល់មនុស្សណាម្នាក់ដែលជិះនៅក្នុងរថយន្តកាមរីនោះទេ ។
ដោយឡែករថយន្តយីឌុប ដឹកបង្គោលភ្លើង វិញមិនមានរងការខូចខាតអ្វីនោះទេ ហើយក៍មិនមានគ្រោះថ្នាក់អ្វីដល់អ្នកបើកបរនោះដែរ ។
ក្រោយពេលកើតហេតុ សមត្ថកិច្ចមូលដ្ឋានបានចុះទៅកន្លែងកើតហេតុ រួចហើយបានអោយភាគីទាំងសង
ខាងសម្របសម្រួលគ្នា ដោយខាងរថយន្តកាម៉ារីបាឡែន ទាមទារសំណង១០០ដុល្លារ តែពេលនោះដែរ ខាងរថយន្តយីឌុបបានសុំសងសំនងចំនួន៨០ដុល្លារ ទៅអោយខាងរថយន្តកាមរីបាឡែន ដើម្បីបញ្ចប់រឿងនៅនិងកន្លែង ៕
ចែករំលែកព័តមាននេះ