រាជធានីភ្នំពេញ ៖ កម្លាំងនាយកដ្ឋានប្រឆាំងការជួញដូរមនុស្ស និងការពារអនីតិជនបានបើកប្រតិបត្តិការចុះបង្ក្រាបហាងម៉ាស្សាកោសជប់ធ្វើសរសៃ ដោយលួចលាក់បង្កប់សេវាផ្លូវភេទមួយកន្លែង និងធ្វើការឃាត់ខ្លួនមនុស្សចំនួន៧ និងវត្ថុតាងមួយចំនួន កាលពីម៉ោង១០និង២០នាទីយប់ ថ្ងៃទី១៩ ខែកញ្ញា…
រាជធានីភ្នំពេញ ៖ កម្លាំងនាយកដ្ឋានប្រឆាំងការជួញដូរមនុស្ស និងការពារអនីតិជនបានបើកប្រតិបត្តិការចុះបង្ក្រាបហាងម៉ាស្សាកោសជប់ធ្វើសរសៃ ដោយលួចលាក់បង្កប់សេវាផ្លូវភេទមួយកន្លែង និងធ្វើការឃាត់ខ្លួនមនុស្សចំនួន៧ និងវត្ថុតាងមួយចំនួន កាលពីម៉ោង១០និង២០នាទីយប់ ថ្ងៃទី១៩ ខែកញ្ញា ឆ្នាំ២០១៨ ត្រង់ចំណុចផ្ទះលេខ៣៦០EoE តាមបណ្ដោយផ្លូវ២០១១ ភូមិដីថ្មី សង្កាត់គោកឃ្លាង ខណ្ឌសែនសុខ។
ប្រតិបត្តិការចុះបង្ក្រាបហាងម៉ាស្សាកោសជប់មានលួចលាក់បង្កប់សេវាផ្លូវភេទខាងលើនេះ មានការដឹកនាំផ្ទាល់ពីលោកឧត្ដមសេនីយ៍ទោ សំបូរ មាណ្ណារិទ្ធ អនុប្រធាននាយកដ្ឋាន និងលោកឧត្ដមសេនីយ៍ទោ ឯម សុជឿន អនុប្រធាននាយកដ្ឋាន និងលោក កុល បុន ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ដោយដឹកនាំកម្លាំងចុះបង្ក្រាប និងឆែកឆេរទីតាំងលួចលាក់បង្កប់សេវាកម្មផ្លូវភេទខាងលើ ហើយជាលទ្ធផលគឺធ្វើការឃាត់ខ្លួនមនុស្សចំនួន៧នាក់ ក្នុងនោះឃាត់ខ្លួនប្តីប្រពន្ធមួយគូដែលជាថៅកែហាងម៉ាស្សាខាងលើផងដែរ។
ហើយបុរសជាប្តីមានឈ្មោះ ម៉ុន ចំរើន អាយុ៤១ឆ្នាំ ស្នាក់នៅកន្លែងកើតហេតុ ចំណែកប្រពន្ធឈ្មោះ ហ៊ុំ ស្រីអន អាយុ២១ឆ្នាំ ស្នាក់នៅជាមួយគ្នា និងនារីម៉ាស្សាចំនួន៥នាក់ទៀតជាជនរងគ្រោះ រួមទាំងដកហូតវត្ថុតាងរួមមាន ឧបករណ៍ប្រើប្រាស់គ្រឿងញៀនចំនួន៤ ស្រោមប្រើប្រាស់ហើយ និងមិនទាន់ប្រើមួយចំនួន និងសម្ភារៈមួយចំនួនទៀត។
បច្ចុប្បន្ន ថៅកែទាំង២នាក់ប្តីប្រពន្ធ និងជនរងគ្រោះទាំង៥នាក់ រួមទាំងវត្ថុតាងត្រូវបានកម្លាំងសមត្ថកិច្ចនាំខ្លួនយកទៅសាកសួរនៅឯនាយកដ្ឋានប្រឆាំងការជួញដូរមនុស្ស និងការពារអនីតិជន ដើម្បីរង់ចាំធ្វើការចាត់ការទៅតាមនីតិវិធី ៕
ចែករំលែកព័តមាននេះ