អស់មិនតិចទេ! ហើយជាញឹកញាប់ទៀត
- រតនគិរី
ខេត្តរតនគិរី ៖ ប្រជាពលរដ្ឋរស់នៅក្នុងភូមិតាស៊ុយ មានការព្រួយបារម្ភយ៉ាងខ្លាំង ដោយសារពួកគាត់ត្រូវចោរចូលលួចយកទ្រព្យសម្បត្តិញឹកញាប់ជាបន្តបន្ទាប់ដូចជា មាន់ ទា អាគុយ នឹង ទូរស័ព្ទដៃជាដើម…
ខេត្តរតនគិរី ៖ ប្រជាពលរដ្ឋរស់នៅក្នុងភូមិតាស៊ុយ មានការព្រួយបារម្ភយ៉ាងខ្លាំង ដោយសារពួកគាត់ត្រូវចោរចូលលួចយកទ្រព្យសម្បត្តិញឹកញាប់ជាបន្តបន្ទាប់ដូចជា មាន់ ទា អាគុយ នឹង ទូរស័ព្ទដៃជាដើម ។ ជាក់ស្តែងនៅយប់ថ្ងៃទី១៨ ខែកញ្ញា ឆ្នាំ២០១៨ មានលំនៅឋានមួយកន្លែង ស្ថិតនៅភូមិតាស៊ុយ ក្នុងសង្កាត់កាចាញក្រុងបានលុង ខេត្តរតនគិរី ត្រូវបានចោរចូលលួចយកលុយអស់ចំនួន៤លានរៀល ស្មើនឹង(មួយពាន់ដុល្លារ) ដែលម្ចាស់ផ្ទះបានទុក នៅក្នុងកាបូបយួរមួយហើយដាក់នៅលើរនាបផ្ទះ ។
សមត្ថកិច្ចបានឲ្យដឹងថា ម្ចាស់ផ្ទះមានឈ្មោះ អុន វុធ ភេទប្រុស អាយុ៣៦ឆ្នាំ ជនជាតិខ្មែរនឹងប្រពន្ធឈ្មោះ ម៉ែ ចន្ធា អាយុ២៧ឆ្នាំ មុខរបរលក់ឥវ៉ាន់ចាប់ហួយ បានរៀបរាប់ថា មុនពេលកើតហេតុរូបគាត់បានទុកលុយនៅរនាបផ្ទះក្បែរជញ្ជាំង ទាំងពីរនាក់ប្តីប្រពន្ធដេកនៅលើគ្រែ ក្នុងផ្ទះទល់ភ្លឺ ។ លុះព្រឹកឡើងនៅវេលាម៉ោង៦ព្រឹកថ្ងៃទី១៩ ខែកញ្ញា ឆ្នាំ២០១៨ ភ្ញាក់ឡើងពីដំណេកនាំគ្នាដើររកកាបូបលុយមិនឃើញទើបមានការភ្ញាក់ផ្អើលឆោឡោឡើង ។
ក្រោយពីបានដឹងថា បាត់លុយមកក៏នាំប្រពន្ធដើររកប្រទះឃើញដានជើងជាប់នឹងដីខ្សាច់មួយហើយមានតុនឹងកៅអីមានកាំបិតខ្វែវមួយ នៅខាងក្រោយផ្ទះ ដែលចោរបានធ្វើសកម្មភាពឡើងយកលុយតាមបង្អួចផ្ទះនោះ ។ ម្ចាស់ផ្ទះបានប្រាប់ថា គាត់មិនដឹងចោរចូលលួចយកលុយនោះនៅម៉ោងប៉ុន្មាននោះទេ ព្រឹកឡើងទើបមានការឆោឡោ គាត់សង្ស័យថា ដានជើងនេះមានតែចោរទេកន្លងមក គេបានបាត់មាន់ ទា ក៏បានឃើញដានជើងនេះដែរ ។ ម្ចាស់ផ្ទះបន្តថា លុយដែលបាត់ទៅនោះគាត់បានមកពីការលក់ជ្រូកបានថ្មីៗនេះឯង ពេលនេះស្រាប់តែបាត់ទៅហើយ ។
លោក សួន សាវុធ នាយប៉ុស្តិ៍រដ្ឋបាលសង្កាត់កាចាញបានឲ្យដឹងថា ចោរដែលបានធ្វើសកម្មភាពកន្លងមក ក្នុងដែនលោកគ្រប់គ្រងនោះក៏បានដៅជាមុខសញ្ញាបានខ្លះហើយដែរហើយក៏បានចាត់ប្រជាការពារភូមិជួយសហការគ្នាដែរ ដើម្បីឱ្យជួយស្វែងរកចាប់មុខសញ្ញាឲ្យបានច្បាស់យកមកផ្តន្ទាទោសទៅតាមផ្លូវច្បាប់ផងដែរ ៕
ចែករំលែកព័តមាននេះ