ខេត្តកណ្ដាល ៖ តាមសេចក្តីរាយការណ៍ឲ្យដឹងថា កាលពីវេលាម៉ោងប្រមាណ១០ព្រឹក ថ្ងៃទី១៩ កញ្ញា ២០១៨នេះ មានករណីក្មេងស្រីអាយុ៩ខែម្នាក់បានធ្លាក់ពីផ្ទះលង់ទឹកស្លាប់ នៅភូមិកោះប្រាក់ចាស់ ឃុំភូមិធំ ស្រុកកៀនស្វាយ ខេត្តកណ្តាល។ ក្មេងរងគ្រោះឈ្មោះ ចំរើន រ៉ូហ្សា ភេទស្រី អាយុ៩ខែ។
តាមការបំភ្លឺពីម្តាយកុមារីរងគ្រោះឈ្មោះ ផន បុប្ផា បានប្រាប់សមត្ថកិច្ចឲ្យដឹងថា ជារៀងរាល់ថ្ងៃអ្នកស្រីតែងតែទុកកូនឲ្យនៅជាមួយឪពុកឈ្មោះ ឈិន ចំរ៉ុង អាយុ២៩ឆ្នាំ ជាអ្នកមើលការខុសត្រូវព្រោះខ្លួនជាប់ទៅធ្វើការនៅរោងចក្រ។ ដល់ម៉ោងខាងលើឪពុកកុមារីរងគ្រោះ បានដាក់កូនឲ្យដេកកើយដៃនៅលើផ្ទះ ដែលផ្ទះនោះមានកម្ពស់៣ម៉ែត្រ ហើយខាងក្រោមមានទឹកលិចជម្រៅ ជាង១ម៉ែត្រទៀតផង។
ស្ត្រីជាម្តាយបន្តថា ពេលឪពុកបានដាក់ឲ្យដេកគាត់ក៏បានដេកឱបកូនលង់លក់ជាមួយគ្នាទៅ លុះពេលឪពុកភ្ញាក់ដឹងខ្លួនឡើងស្រវារកកូន ស្រាប់តែបាត់កូនពីទ្រូង ពេលនោះគាត់ក៏បានដើររកមើលលើផ្ទះ តែមិនឃើញ ហើយបានចេញអើតមើលក្នុងទឹកក្រោមផ្ទះ ក៏ឃើញកូននៅក្នុងទឹក ភ្លាមនោះគាត់ក៏បានលោតចុះទៅ ស្រង់កូន និងបានយកទៅមន្ទីរពេទ្យបង្អែក តែកូនស្លាប់បាត់ទៅហើយ ដូច្នោះពីរនាក់ប្តីប្រពន្ធមានតែទ្រហោយំ និង យំអាណិតរហូតខ្សោះទឹភ្នែក៕
https://youtu.be/LRvKbHn3bws
ចែករំលែកព័តមាននេះ