រាជធានីភ្នំពេញ ៖ កម្លាំងនាយកដ្ឋានស៊ើបអង្កេត និងអនុវត្តន៍នីតិវិធីនៃអគ្គនាយកដ្ឋានអន្តោប្រវេសន៍ ត្រួតពិនិត្យ និងការស្នាក់នៅរបស់ជនបរទេសដោយរកឃើញជនជាតិ វៀតណាមប្រុស ស្រីចំនួន៨នាក់ ដែលកំពុងលួចរស់នៅដោយខុសច្បាប់។ ប្រតិបត្តិការនេះដែរបានធ្វើឡើងកាលពីវេលាម៉ោង០៣ និង ២០នាទីរសៀល ថ្ងៃទី១៩ ខែកញ្ញា ឆ្នាំ២០១៨ នៅតាមបណ្តាហាង ម៉ាស្សាមួយចំនួនដែលមានទៅតាំង នៅតាមបណ្ដោយផ្លូវលេខ៨០ និងផ្លូវលេខ៩០ ក្នុងសង្កាត់ស្រះចក ខណ្ឌដូនពេញ។
តាមប្រភពព័ត៌មាន ពីនគរបាលបានប្រាប់ឱ្យដឹងថា ក្រោមការដឹកនាំរបស់លោកឧត្តមសេនីយ៍ឯក អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ ក្រសួងមហាផ្ទៃ ដោយមានការសម្របសម្រួលពីលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ សហការជាមួយ នឹងកម្លាំងនគរបាលនាយកដ្ឋានស៊ើបអង្កេត និងអនុវត្តនីតិវិធីរាជធានីភ្នំពេញ។ បានចុះប្រតិបត្តិការត្រួតពិនិត្យការស្នាក់នៅ និង បំពេញការងាររបស់ប្រទេសនៅតាមបណ្តាហាង កោសជប់ និងម៉ាស្សាមួយចំនួនដែលមានទីតាំងនៅតាមបណ្តោយផ្លូវលេខ៨០ និង៩០0ខាងលើ។
តាមប្រភពដដែលបានប្រាប់បន្តទៀតថា ជាលទ្ធផលក្នុងប្រតិបត្តិការនេះដែរ កម្លាំងរបស់លោកបាន រកឃើញជនជាតិវៀតណាមប្រុស ស្រី សរុបចំនួន៨នាក់ (ស្រី៥នាក់) ដែលពួកគេកំពុងតែលួចចូលមក ស្នាក់នៅ និងបំពេញការងារដោយគ្មានលិខិតស្មាមត្រឹមត្រូវ និងចាប់ឃាត់ខ្លួនផងដែរ។ ប្រតិបត្តិការត្រួតពិនិត្យការស្នាក់នៅ និងបំពេញការងាររបស់ជនបរទេសនេះដែរ កម្លាំងនគរបាលនាយក ដ្ឋានស៊ើបអង្កេត និងអនុវត្តន៍នីតិវិធីរបស់លោកនៅតែបន្តចុះដូចភ្លៀងរលឹមជាបន្តទៅទៀតផងដែរ។
ក្រោយពីប្រតិបត្តិការត្រួតពិនិត្យការស្នាក់នៅ និងបំពេញការងាររបស់ជនបរទេសនៅតាមបណ្តា ហាងកោសជប់ និងម៉ាស្សាមួយចំនួនរួចមក ដោយបានធ្វើការចាប់ឃាត់ខ្លួនជនជាតិវៀតណាមប្រុស ស្រីចំនួន៨នាក់(ស្រី៥នាក់) បញ្ជូនទៅកាន់អគ្គនាយកដ្ឋានអន្តោប្រវេសន៍ក្រសួងមហាផ្ទៃ ដើម្បីចាត់ការទៅតាមនីតិវិធីជាបន្តទៅទៀត៕
ចែករំលែកព័តមាននេះ