ប្រទេសប៉ូឡូញ-សហរដ្ឋអាមេរិក ៖ ប្រប៉ូឡូញត្រៀមចំណាយយ៉ាងតិច២ពាន់លានដុល្លារ សម្រាប់ការបង្កើតមូលដ្ឋានយោធាអាមេរិកមួយលើដែនដីរបស់ខ្លួន ដែលសំណើនេះត្រូវបានប្រធានាធិបតីអាមេរិកលោកដូណាល់ត្រាំអះអាងថា នឹងយកមកសិក្សាដោយហ្មត់ចត់បំផុត។
ក្នុងសន្និសីទសារព័ត៌មានរួមមួយនាថ្ងៃទី១៨ កញ្ញា នៅសេតវិមានជាមួយសមភាគីប៉ូឡូញ លោកត្រាំគូសបញ្ជាក់ថា លោកប្រធានាធិបតី ANDRZEJ DUDA បានសន្យាចេញប្រាក់ជាង២ពាន់លានដុល្លារ សម្រាប់បង្កើតមូលដ្ឋានយោធាអាមេរិកជាអចិន្ត្រៃយ៍មួយក្នុងប្រទេសលោក។
មុនការជួបពិភាក្សាគ្នានៅការិយាល័យពងក្រពើ ប្រធានាធិបតីប៉ូឡូញអះអាងថា ត្រៀមរួមចំណែកដើម្បីឲ្យកងទ័ពសហរដ្ឋអាមេរិកមានវត្តមាននៅប៉ូឡូញ។លោកត្រាំថាយើងសិក្សារឿងនេះដោយហ្មត់ចត់។
សេតវិមានគូសបញ្ជាក់ក្នុងសេចក្ដីប្រកាសមួយថា សហរដ្ឋអាមេរិកសន្យាស្វែងរកជម្រើសនានា សម្រាប់តួនាទីកាន់តែសំខាន់នៃកងទ័ពអាមេរិកនៅប៉ូឡូញ ហើយយើងនឹងជំរុញការពិគ្រោះរបស់យើងដើម្បីកំណត់ពីការដែលអាចធ្វើទៅរួច។
ក្នុងសន្និសីទសារព័ត៌មានរួម ប្រធានាធិបតីប៉ូឡូញអំពាវនាវដល់លោកត្រាំឲ្យដាក់ពង្រាយកងទ័ពអាមេរិកកាន់តែច្រើននៅប្រទេសលោក៕
ចែករំលែកព័តមាននេះ