ប្រភពព័ត៌មានបរទេសកាលពីពេលថ្មីៗកន្លងមកផ្សាយថា បុរសចំណាស់ជនជាតិរុស្ស៊ីម្នាក់បានប្រកាសលែងលះប្រពន្ធវ័យក្មេងអាយុ២៧ឆ្នាំ ព្រោះតែនាងមិនព្រមរួមរ័កមានកូនជាមួយគេ ដោយសារនាងបដិសេធការរួមរ័ក និងមិនព្រមមានទាយាទជាមួយបុរសចំណាស់ ។
របាយការណ៍បានបញ្ជាក់ថាលោក តាអ៊ីវ៉ាន់ ក្រាស្កូ (Ivan Krasko) អាយុ៨៧ឆ្នាំជាតារាសំដែងវ័យចំណាស់របស់រុស្ស៊ីបានលែងលះប្រពន្ធ ណាតាលីយ៉ា (Natalya) អាយុ២៧ឆ្នាំ ក្រោយពីធ្លាប់មានភាពល្បីរន្ទឺនៅក្នុងប្រទេសព្រោះមានវ័យខុសគ្នាបានរៀបការ ។
លោកតាធ្លាប់បានបញ្ជាក់ប្រាប់ព័ត៌មាននៅក្នុងស្រុកថា រូបខ្លួន និងប្រពន្ធមិនធ្លាប់បានរួមរ័ក ដោយសារខាងស្រីខ្លាចពពោះជាមួយខ្លួន សម្រាប់រូបគេក៏ចង់មានទាយាទក្នុងក្នុងការស្នងត្រកូល លក្ខណៈបែបនេះបង្កឲ្យកើតមានបញ្ហានៅក្នុងជីវិតជាគូស្រកររហូតសម្រេចចិត្តលែងលះ ។
ប្រភពខាងលើបានបញ្ជាក់បន្តទៀតថា នាង ណាតាលីយ៉ា បានរស់នៅក្នុងក្រុមគ្រួសារក្រីក្រ ធ្វើឲ្យនាងមិនចង់មានកូន និងមិនចង់ឲ្យកូនកើតមករស់នៅក្នុងស្ថានភាពដូចខ្លួននាពេលកន្លងមក ហើយស្ថានភាពនៅក្នុងក្រុមគ្រួសារបច្ចុប្បន្នរវាងនាង និងគាត់ក៏គ្មានសេចក្ដីសុខ ដោយសារមានបញ្ហាពីការចាយវាយ ។
ចំណែកលោកតា អុីវ៉ាន់ ធ្លាប់រៀបការចំនួន៤លើកមកហើយ មានកូនប្រុស៣នាក់ និងកូនស្រី២នាក់ជាមួយប្រពន្ធមុន ។ កាលពីឆ្នាំ២០១៥កន្លងមកធ្លាប់មានភាពល្បីរន្ទឺលើការរៀបការជាមួយប្រពន្ធវ័យក្មេង និងរស់នៅរួមគ្នាជាមួយចៅនៅក្រុងមូស្គូ ។
ក្រោយពីលែងលះលោកតា អុីវ៉ាន់ បានសម្រេចចិត្តទៅរស់នៅជាមួយប្រពន្ធទី៣ជាម្ដាយរបស់កូនប្រុសទាំង២ ក្រោយពីអស់សង្ឃឹមមិនអាចបង្កើតទាយាទបាន ៕
ចែករំលែកព័តមាននេះ