អ្នកជំនាញ ៖ ឱនភាពពាណិជ្ជកម្មអាមេរិកនឹងកាន់តែធ្ងន់ធ្ងរឡើង
ទីក្រុងវ៉ាស៊ីនតោន ៖ លោក Barry Eichengreen សាស្ត្រាចារ្យផ្នែកសេដ្ឋកិច្ច និងវិទ្យាសាស្ត្រនយោបាយនៅសាកលវិទ្យាល័យ University of California…
ទីក្រុងវ៉ាស៊ីនតោន ៖ លោក Barry Eichengreen សាស្ត្រាចារ្យផ្នែកសេដ្ឋកិច្ច និងវិទ្យាសាស្ត្រនយោបាយនៅសាកលវិទ្យាល័យ University of California…
ទីក្រុងវ៉ាស៊ីនតោន ៖ លោក Barry Eichengreen សាស្ត្រាចារ្យផ្នែកសេដ្ឋកិច្ច និងវិទ្យាសាស្ត្រនយោបាយនៅសាកលវិទ្យាល័យ University of California បាននិយាយកាលពីថ្ងៃចន្ទកន្លងមកថា ឱនភាពពាណិជ្ជកម្មរបស់សហរដ្ឋអាមេរិក នឹងកាន់តែធ្ងន់ធ្ងរឡើងក្នុងរយៈពេលខ្លី ព្រោះតែការធ្លាក់ចុះនៃអត្រាសន្សំប្រាក់បង្កឡើងដោយការបន្ទាបពន្ធ ។
លោក Eichengreen បាននិយាយនៅសិក្ខាសាលាមួយថា ៖« ប្រជាជនបង់ពន្ធកាន់តែតិច និងចំណាយកាន់តែច្រើន »។
យោងតាមទិន្នន័យដែលបានចេញកាលពីខែកក្កដា បានឲ្យដឹងថា សហរដ្ឋអាមេរិកមានឱនភាពពាណិជ្ជកម្មដល់ទៅ៥០,១ប៊ីលានដុល្លារ ដែលជាកម្រិតខ្ពស់ជាងគេតាំងពីខែកុម្ភៈ ។
យោងតាមការព្យាកររបស់ក្រុមហ៊ុន Trading Economics បានឲ្យដឹងថា ឱនភាពពាណិជ្ជកម្មប្រចាំខែជាមធ្យមរបស់អាមេរិកនឹងបន្តកើនដល់៥៥ប៊ីលានដុល្លារនៅត្រីមាសទី៤នាឆ្នាំ២០១៨ ហើយនឹងរក្សាត្រឹម៥៣ប៊ីលានដុល្លារនៅឆ្នាំ២០២០ បន្ទាប់ពីធ្លាក់ចុះនៅឆ្នាំ២០១៩ ។
ជាមួយគ្នានេះផងដែរលោក Glenn Somerville មកពីក្រុមហ៊ុន Kiplinger បានឲ្យដឹងដែរថា ឱនភាពពាណិជ្ជកម្មរបស់អាមេរិក អាចនឹងកើនឡើងពី៥ទៅ៦%ក្នុងឆ្នាំ២០១៨នេះ ព្រោះការលូតលាស់នៃការនាំចូលពីអឺរ៉ុប កាន់តែអន់ថយ ខណៈដែលប្រទេសចិនកំពុងតែនាំចូលពីអាមេរិកកាន់តែតិច ដោយសារតែជម្លោះពាណិជ្ជកម្មដែលកំពុងឡើង
កំដៅ ។
គួរបញ្ជាក់ដែរថា ឱនភាពពាណិជ្ជកម្មអាមេរិកបានកើនឡើង១២%មកស្មើ៥៦៦ប៊ីលានដុល្លារនៅឆ្នាំ២០១៧ ខណៈដែលអត្រាសន្សំប្រាក់មធ្យមស្មើ៦,៧%ក្នុងឆ្នាំ២០១៦ និង២០១៧ ៕
ចែករំលែកព័តមាននេះ