ខេត្តកំពង់ស្ពឺ ៖ បើតាមសេចក្តីរាយការណ៍បឋមបានឲ្យដឹងថា កម្លាំងសមត្ថកិច្ចការិយាល័យទី៩ នៃមន្ទីរប្រឆាំងគ្រឿងញៀនក្រសួងមហាផ្ទៃសហការជាមួយនគរបាលការិយាល័យប្រឆាំងគ្រឿងញៀននៃស្នងការដ្ឋានខេត្តកំពង់ស្ពឺ បើកប្រតិបត្តិការបង្ក្រាបករណីជួញដូរគ្រឿងញៀនខុសច្បាប់១ករណី កាលពីម៉ោង៤និង៣០នាទីរសៀល ថ្ងៃទី១៨ ខែកញ្ញា នៅចំណុចផ្លូវលំ…
ខេត្តកំពង់ស្ពឺ ៖ បើតាមសេចក្តីរាយការណ៍បឋមបានឲ្យដឹងថា កម្លាំងសមត្ថកិច្ចការិយាល័យទី៩ នៃមន្ទីរប្រឆាំងគ្រឿងញៀនក្រសួងមហាផ្ទៃសហការជាមួយនគរបាលការិយាល័យប្រឆាំងគ្រឿងញៀននៃស្នងការដ្ឋានខេត្តកំពង់ស្ពឺ បើកប្រតិបត្តិការបង្ក្រាបករណីជួញដូរគ្រឿងញៀនខុសច្បាប់១ករណី កាលពីម៉ោង៤និង៣០នាទីរសៀល ថ្ងៃទី១៨ ខែកញ្ញា នៅចំណុចផ្លូវលំ ស្ថិតក្នុងភូមិអង្គតាម៉ៅ ឃុំតាំងក្រូច ស្រុកសំរោងទង ខេត្តកំពង់ស្ពឺ ។
សេចក្តីរាយការណ៍បន្តថា ក្នុងកិច្ចសហការបង្ក្រាបខាងលើនោះ សមត្ថកិច្ចបានឃាត់ខ្លួនជនសង្ស័យម្នាក់ដែលកំពុងជិះម៉ូតូដឹកថ្នាំញៀនលក់នៅតាមជនបទនោះ ហើយដកហូតថ្នាំញៀនប្រភេទម៉េតំហ្វេតាមីន១កញ្ចប់ ស្មើនឹងប្រមាណ៤៩៤,៨១ ក្រាម «ជិតកន្លះគីឡូក្រាម»។
ជនសង្ស័យរូបនេះឈ្មោះ ឡោ សុខហួរ ភេទប្រុស អាយុ៣០ឆ្នាំ មានទីលំនៅភូមិចំប៉ី ឃុំតាំងក្រូច ស្រុកសំរោងទង ខេត្តកំពង់ស្ពឺ រួមទាំងម៉ូតូម៉ាក YAMAHA R6 មួយគ្រឿងផងដែរ ។
ក្រោយការចាប់ឃាត់ខ្លួនជនសង្ស័យខាងលើ សមត្ថកិច្ចបានកសាងសំណុំរឿងបញ្ជូនទៅកាន់សាលាដំបូងខេត្តកំពង់ស្ពឺ ដើម្បីចាត់ការតាមនីតិវិធីច្បាប់ ៕
ចែករំលែកព័តមាននេះ