ខេត្តព្រះសីហនុ ៖ ស្រុកព្រៃនប់កំណែរទម្រង់សណ្តាប់ធ្នាប់មុខប្រជុំជនផ្សារវាលរេញពីសំណាក់រដ្ឋបាលស្រុកព្រៃនប់ដែលអាជ្ញាធរអះអាងថា ដើម្បីរំដោះភាពអនាធិបតេយ្យនៅមុខប្រជុំជន ជាប់ផ្លូវជាតិលេខ៤ ដែលចរាចរណ៍ឆ្លងកាត់ច្រើននេះនៅបន្តជាប្រចាំប្រកបដោយភាពម៉ឺងម៉ាត់ ហើយបើគិតមកត្រឹមថ្ងៃ១៩ កញ្ញានេះ សណ្តាប់ធ្នាប់នៅមុខប្រជុំជននោះគេសង្កេតឃើញមានភាពស្រឡះជាងមុន ។…
ខេត្តព្រះសីហនុ ៖ ស្រុកព្រៃនប់កំណែរទម្រង់សណ្តាប់ធ្នាប់មុខប្រជុំជនផ្សារវាលរេញពីសំណាក់រដ្ឋបាលស្រុកព្រៃនប់ដែលអាជ្ញាធរអះអាងថា ដើម្បីរំដោះភាពអនាធិបតេយ្យនៅមុខប្រជុំជន ជាប់ផ្លូវជាតិលេខ៤ ដែលចរាចរណ៍ឆ្លងកាត់ច្រើននេះនៅបន្តជាប្រចាំប្រកបដោយភាពម៉ឺងម៉ាត់ ហើយបើគិតមកត្រឹមថ្ងៃ១៩ កញ្ញានេះ សណ្តាប់ធ្នាប់នៅមុខប្រជុំជននោះគេសង្កេតឃើញមានភាពស្រឡះជាងមុន ។
ដោយចរាចរណ៍មានភាពទូលាយច្រើនក្រោយពេលដែលរថយន្តតាក់ស៊ី និងរថយន្តផ្សេងៗទៀតតម្រូវឲ្យមកចតនៅបេនឡាន នៅចំណុចជាប់រង្វង់មូលសួនលំហែរវាលរេញវិញ ចម្ងាយប្រមាណជា៤០០ម៉ែត្រពីផ្សារ ជាពិសេសអ្នកលក់ផ្លែរឈើនៅមុខផ្សារត្រូវបានរុះរើ និងហាមលក់ដូរដាច់ខាត់នៅចំណុចមុខផ្សារ ។
ចំណែកអ្នកលក់គ្រឿងសមុទ្រខាងមុខឈាងខាងជើងមុខផ្សារខាងកើតផ្លូវជាតិក៏តម្រូវឲ្យមកលក់នៅបេនឡាន ក្រោមដំបូលរោងត្រឹមត្រូវ ហើយក៏បហាមចូលលក់ដូរជាបណ្តើរៗហើយដែរ ព្រោះកន្លងមកទីតាំងលក់គៀងសមុទ្រនោះត្រូវបានអាជ្ញាធរថា មិនត្រឹមតែប៉ះពាល់ដល់សណ្តាប់ធ្នាប់តាមចិញ្ចើមផ្លូវប៉ុណ្ណោះទេ តែវាក៏បះពាល់ដល់បរិស្ថានក្នុងការបង្ហូរទឹកបង្គារ មឹកក្តាមផងដែរ ។ ជាមួយ និងសកម្មភាពនេះមានប្រតិកម្មខ្លះៗផងដែរ ពីសំណាក់អ្នករត់តាក់ស៊ី អ្នកលក់ផ្លែឈើ និងអ្នកលក់គ្រឿងសមុទ្រដែលត្រូវបានអាជ្ញាធរផ្លាស់ប្តូរទីតាំងឲ្យទៅកន្លែងថ្មី ដោយពួកគាត់លើកឡើងថា ពួកគាត់មិនជំទាស់ និងចំណាត់ការបស់រដ្ឋបាលស្រុកទេ គ្រាន់តែទីតាំងចាស់ពិត តែប៉ះពាល់លើចំណីផ្លូវដល់សណ្តាប់ធ្នាប់ ហើយទីតាំងដែលពួកគាត់បានប្រកបអាជីវកម្មយូរណាស់មកហើយ ដោយដំណើរការបានល្អក្នុងចំណូលប្រចាំថ្ងៃ ព្រោះនៅជាប់ និងប្រជុំជនផ្សារ ចំណែកមកទីតាំងថ្មីពួកគាត់បារម្ភខ្លាចមិនដូចទីតាំងចាស់ ។
ទោះយ៉ាងណាក្តីគេសង្កេតឃើញរថយន្តតាក់ស៊ីទាំងអស់បានមកចតចាប់ម៉ូយលើកដាក់ទំនិញនៅនឹងចំណតរថយន្ត រួមទាំងអ្នកលក់គ្រឿងសមុទ្រផងដែរ ដាក់លក់ក្នុងរោងនៅចំណុចក្នុងបេនតាមការណែនាំ ហើយបាននិងកំពុងប្រកបអាជីវកម្មធម្មតា ។
ដោយឡែកអាជីករលក់ផ្លែឈើនៅមិនទាន់មកទេដោយរង់ចាំរោងកំពុងសាងសង់ជូនមិនទាន់ហើយ ។ ទាក់ទិន និងសកម្មភាពនេះលោកសរ កក្កដា អភិបាលស្រុកព្រៃនប់បានឲ្យកោះសន្តិភាពដឹងថា ក្នុងនាមអាជ្ញាធរស្មើសុំចិត្តដល់អាជីវករទាំងអស់ដែលត្រូវបានរដ្ឋបាលរៀបចំសូមចូលរួមសហការជាមួយអាជ្ញាធរស្តាប់តាមការណែនាំរបស់ក្រុមកាងារចូលលក់ចតនៅទីតាំងដែលក្រុមការងារបានកំណត់រៀបចំផ្តល់ជូន ហើយជាមួយគ្នានេះដែរលោកអភិបាលស្រុកក៏បានជូនជ្រាបជាដំណឹងផងដែរ ដល់អ្នកជាវគ្រឿងសមុទ្រ ភ្ញៀវទេសចរណ៍ធ្វើដំណើរឆ្លងកាត់ចេញចូលខេត្តព្រះសីហនុអាចចូលជាវគ្រឿងសមុទ្រ នៅទីតាំងបេនឡាន ជាប់រង្វង់មូលវាលរេញ ដែលជាទីតាំងមិនប៉ះពាល់ដល់ការកកស្ទះ និងហានិភ័យពីបញ្ហាគ្រោះថ្នាក់ចរាចរណ៍ឡើយ ៕
ចែករំលែកព័តមាននេះ