ខេត្តសៀមរាប ៖ តាមការសិក្សារបស់អ្នកស្រាវជ្រាវរបស់មជ្ឈមណ្ឌលស្រាវជ្រាវ និងតម្កល់ឯកសារអង្គរនៃអាជ្ញាធរជាតិអប្សរាបានបញ្ជាក់ឱ្យដឹងថា នៅថ្ងៃទី២៣ កញ្ញា ខាងមុខ នឹងមានថ្ងៃរះចំកំពូលកណ្តាលនៃ ប្រាសាទអង្គរវត្តនាពេលព្រលឹមស្រាងៗកើតឡើងជាថ្មីទៀតហើយ ។…
ខេត្តសៀមរាប ៖ តាមការសិក្សារបស់អ្នកស្រាវជ្រាវរបស់មជ្ឈមណ្ឌលស្រាវជ្រាវ និងតម្កល់ឯកសារអង្គរនៃអាជ្ញាធរជាតិអប្សរាបានបញ្ជាក់ឱ្យដឹងថា នៅថ្ងៃទី២៣ កញ្ញា ខាងមុខ នឹងមានថ្ងៃរះចំកំពូលកណ្តាលនៃ ប្រាសាទអង្គរវត្តនាពេលព្រលឹមស្រាងៗកើតឡើងជាថ្មីទៀតហើយ ។
ប្រភពបន្តថា បាតុភូតដ៏អស្ចារនយ នឹងអាចមានភ្ញៀវជាតិ និងអន្តរជាតិច្រើននាំគ្នាមកថតផ្តិតយករូបភាព របស់ថ្ងៃរះនេះ ជាមួយប្រាសាទអង្គរវត្តដ៏ស្អាតដែលមិនធ្លាប់មាន ប្រសិនបើអាកាសធាតុអំណោយផលឱ្យមិនមានភ្លៀងធ្លាក់ ។
គួរបញ្ជាក់ផងដែរថា ជារៀងរាល់ឆ្នាំ សមរាត្រី (Equinox) តែងតែកើតមាន២ដង គឺនៅរដូវប្រាំង (Vernal Equinox) កើតទ្បើងនៅខែមីនា និងសមរាត្រីរដូវវស្សា (Autumnal Equinox) កើត
ទ្បើងនៅខែកញ្ញា ។ សមរាត្រីជាវេលាមួយ ដែលថ្ងៃនិងយប់មានរយៈពេលស្ទើរតែស្មើៗគ្នា។ ក្រៅពីនេះ ខែខ្លះថ្ងៃមានរយៈពេលវែងជាងយប់ ហើយខ្លះទៀតយប់មានរយៈពេលវែងជាងថ្ងៃវិញ។
ករណីពិសេស នៅអង្គរវត្ត វេលាថ្ងៃនិងយប់មានរយៈពេលស្មើគ្នានេះ ព្រះអាទិត្យតែងតែរះទ្បើងចំកំពូលកណ្តាលនៃអង្គរវត្តនាព្រឹកព្រលឹមស្រាងៗ ។ ចំពោះសមរាត្រី រដូវវស្សានៅថ្ងៃទី២៣ ខែកញ្ញានេះ ព្រះអាទិត្យនឹងរះទ្បើងចំកំពូលកណ្តាល ដែលយើងអាចមើលឃើញពីក្លោងទ្វារកណ្តាលនៃគុកតារាជ (ក្លោងទ្វារធំខាងលិច) ចាប់ម៉ោង៥និង៥០នាទី ដល់ម៉ោងប្រហែល៧ព្រឹក ថ្ងៃដដែល។
ចែករំលែកព័តមាននេះ