រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា លោក សុខ ឥសាន បានប្រកាសស្វាគមន៍គ្រប់គណបក្សនយោបាយ ក្នុងការប្រកួតប្រជែងតាមលទ្ធិប្រធិបតេយ្យដើម្បីអំណាចដោយគ្មានគម្រោងឬផែនការជាមួយបរទេសដើម្បីផ្តួលរំលំរាជរដ្ឋាភិបាលស្របច្បាប់នោះទេ ។ ការលើកឡើងនេះ…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា លោក សុខ ឥសាន បានប្រកាសស្វាគមន៍គ្រប់គណបក្សនយោបាយ ក្នុងការប្រកួតប្រជែងតាមលទ្ធិប្រធិបតេយ្យដើម្បីអំណាចដោយគ្មានគម្រោងឬផែនការជាមួយបរទេសដើម្បីផ្តួលរំលំរាជរដ្ឋាភិបាលស្របច្បាប់នោះទេ ។
ការលើកឡើងនេះ បន្ទាប់ពីគណបក្សប្រឆាំងត្រូវបានតុលាការកំពូលរំលាយចោល ដោយសារទង្វើក្បត់ជាតិរបស់មេដឹកនាំគណបក្សនេះ ដែលចូលដៃជាមួយបរទេសដើម្បីផ្តួលរំលំរាជរដ្ឋាភិបាលស្របច្បាប់ កើតចេញពីការបោះឆ្នោត ។លោក សុខ ឥសាន បានឲ្យដឹងនៅថ្ងៃទី១៨ ខែកញ្ញាថា ដើម្បីផ្តល់ក្តីស្រឡាញ់ជូនជាតិមានតែផ្លូវម្យ៉ាង គឺនាំគ្នាដើរតាមគន្លងនៃលទ្ធិប្រជាធិបតេយ្យ និងខិតខំគោរពនិងអនុវត្តច្បាប់ដើម្បីពង្រឹងនីតិរដ្ឋ ទើបសង្គមកម្ពុជាយើងអាចធានាបានយុត្តិធម៌សង្គម ហើយមានសុខដុមនីយកម្ម ។
លោក សុខ ឥសាន បានបញ្ជាក់តាមប្រព័ន្ធតេឡេក្រាមថា «ក្នុងការប្រកួតប្រជែងនយោបាយ គប្បីនាំគ្នាអនុវត្តឲ្យបានត្រឹមត្រូវតាមគោលការណ៍លទ្ធិប្រជាធិបតេយ្យ នោះទើបមានយុត្តិធម៌និងសមធម៌សម្រាប់គ្រប់គណបក្សនយោបាយនិងអ្នកនយោបាយ» ។លោកលើកឡើងថា បើគ្រាន់តែដើម្បីឈ្នះបានអំណាច ហើយងាកចេញពីគោលការណ៍លទ្ធិប្រជាធិបតេយ្យ និងស្រវាឱបយកផែនការបរទេសមកអនុវត្តប៉ុនប៉ងផ្តួលរំលំរាជរដ្ឋាភិបាលស្របច្បាប់នោះ ជារឿងដែលទាំងអស់គ្នាមិនអាចទទួលយកបានជាដាច់ខាត ហើយអ្នកដែលប្រព្រឹត្តល្មើសច្បាប់ត្រូវតែទទួលខុសត្រូវចំពោះមុខច្បាប់ដោយខានមិនបាន ។
អ្នកនាំពាក្យគណបក្សប្រជាជនកម្ពុជា បានលើកឡើងថា គប្បីប្រុងប្រយ័ត្នលើបញ្ហាខាង លើនេះ ដើម្បីកុំឲ្យមានការថ្លោះធ្លោយជៀសវាងជ្រុលដំណើរហើយ ស្រាប់តែមកនាំគ្នាស្រែក អំពាវនាវរកការចរចាដើម្បីរបស់ដែលហៅថាសម្របសម្រួលនយោបាយ ដើម្បីជានាគ្នា ដើម្បីផ្តល់សេចក្តីស្រឡាញ់ជូនជាតិនោះ ។
លោក សុខ ឥសាន សង្កត់ធ្ងន់ថា «ការផ្តល់ក្តីស្រឡាញ់ជូនជាតិ មិនមែនដោះស្រាយដោយរំលោភច្បាប់នោះទេ ។ បើដោះស្រាយបញ្ហាដោយរំលោភច្បាប់ តើយកនីតិរដ្ឋទៅទុកនៅឯណា? ហើយឯណាទៅយុត្តិធម៌សង្គមនោះ? បើយ៉ាងដូច្នេះ តើការគ្រប់គ្រងប្រទេសនិងសង្គមនឹងទៅជាយ៉ាងណា អាចធានាបានសន្តិភាព ស្ថិរភាពនយោបាយ និងសន្តិសុខសុវត្ថិភាពប្ញទេ?» ។
លោក សុខ ឥសាន បានលើកឡើងទៀតថា រាជរដ្ឋាភិបាលកម្ពុជា មានការទទួលខុសត្រូវខ្ពស់ក្នុងការថែរក្សាសន្តិភាព ស្ថិរភាពនយោបាយ និងសេចក្តីសុខជូនប្រជាជនកម្ពុជាទូទាំងប្រទេស មិនអាចបណ្តែតបណ្តោយឲ្យមានអំពើនិងសកម្មភាពអនាធិបតេយ្យក្នុងសង្គមជាដាច់ខាត ហើយគ្មានការសម្របសម្រួលណាមួយជាមួយជន និងក្រុមជនល្មើសច្បាប់ឡើយ ។ ការថ្លែងរបស់លោក សុខ ឥសាន នេះមិន
ទាន់មានការឆ្លើយតបណាមួយពីអតីតគណបក្សប្រឆាំង ដែលកំពុងស្ថិតនៅក្រៅប្រទេសនោះទេដើម្បីបង្ហាញថា តើដើម្បីផ្ដល់ការស្រឡាញ់ជូនជាតិត្រូវឈរលើកត្តាអ្វីខ្លះ ?
ចំណែកអ្នកវិភាគនយោបាយដែលកំពុងរស់នៅសហរដ្ឋអាមេរិក បានធ្វើការសង្កេតទៅលើ លោក សម រង្ស៊ី ថាជាអ្នកនយោបាយឆេវឆាវបំបែកបំបាក់ផ្ទៃក្នុងគណបក្ស ខុសពីសម្តេចតេជោ ហ៊ុន សែន ដែលកៀរគរអ្នកគាំទ្ររបស់ខ្លួន ។លោក សុខ សុគន្ធ ហៅ ជេម សុខ អ្នកវិភាគនយោបាយ បានលើកឡើងតាមរយៈវីដេអូឃ្លីប នៅថ្ងៃទី១៨ ខែកញ្ញាថា លោក សម រង្ស៊ី ជាមនុស្សចិត្តឆេវឆាវណាស់ ពិសេសនោះក្នុងគណបក្ស លោកបានបំបែកបំបាក់ផ្ទៃក្នុងដោយចោទកូនចៅ និងមិនទុកចិត្តគ្នាជាដើម ។លោកបានបញ្ជាក់ថា «លោក សម រង្ស៊ីដឹងថាពលរដ្ឋនៅក្រៅស្រុកគ្មានបោះឆ្នោតបានមួយសន្លឹកសម្រាប់គណបក្សគាត់ទេ ដូច្នេះគាត់ទៅជួបខ្មែរនៅក្រៅប្រទេស ដើម្បីប្រមូលស្រោមសំបុត្រ(លុយ) ហើយលុយប្រមូលបានគាត់មិនបានធ្វើសម្រាប់សង្គមទ េគឺចូលហោបៅ៉ខ្លួន» ។ លោកបន្តថា លោក សម រង្ស៊ី នៅពេលមិនពេញចិត្តបុគ្គលណាមួយនៅក្នុងគណបក្ស បានចោទប្រកាន់ថាក្បត់បក្ស ដែលករណីនេះបានធ្វើឲ្យបុគ្គលមួយចំនួនរត់ទៅចូលរួមជាមួយគណបក្សកាន់អំណាច ហើយមិនវិលចូលគណបក្សប្រឆាំងវិញទេ ។
លោក ជេម សុខ បញ្ជាក់ថា «អ្នកធ្វើនយោបាយមិនដែលរុញមនុស្សទៅរស់នៅម្ខាងទៀតនោះទេ ។ ជាក់ស្តែង សម្តេច ហ៊ុន សែន គាត់កាចមែន ប៉ុន្តែដល់មានកម្មវិធីគាត់ចែកអំណោយ ហូបបាយ គាត់សួរសុខទុក្ខប្រជាជន… ហើយអ្នកដែលធ្វើការមិនកើត គាត់ឲ្យធ្វើទីប្រឹក្សាអីុចឹងទៅ» ។ លោក ជេម សុខ បានឲ្យដឹងថា គំនិតនយោបាយការឲ្យមនុស្សនៅទំនេរ ដោយផ្តល់តួនាទី គឺកុំឲ្យទៅចូលរួមជាមួយបក្សម្ខាងទៀត គឺជាយុទ្ធសាស្ត្រនយោបាយល្អ «…» តែងតាំងអ្នកនេះ អ្នកនោះ បំពាក់ផ្កាយជាដើម ទោះបីជាមិនធ្វើអ្វីក៏ដោយ ។ អ្នកវិភាគរូបនេះនិយាយថា «អុីចឹងត្រូវដឹងថា សម្តេច ហ៊ុន សែន ជាអ្នកក្លាហានប្រថុយ ចំណែកលោក សម រង្ស៊ី ជាអ្នកក្លាហានខាងសម្តី ។ សម្តេច ហ៊ុន សែន ឲ្យតែឃើញប្រឡោះវាយហើយ ចំណែកលោក សម រង្ស៊ី ក្លាសម្តី ឃើញប្រឡោះចាក់តាមរយៈសម្តី ហើយចាក់ឲ្យកៅ្ត» ។
លោកបន្តថា សម្តេចតេជោ ហ៊ុន សែន ជាអ្នកនយោបាយពូកែប្រើល្បិចខាងនយោបាយ ហើយប្រើនយោបាយថ្មីៗជានិច្ចក្នុងការដោះស្រាយស្ថានការណ៍ ដោយមិនទុកឲ្យអស់ក្រឡាដើរនោះទេ ។ លោក សម រង្ស៊ី ពូកែចាក់ចំណុចធ្វើឲ្យសម្តេចតេជោ ឆាប់ខឹង ប៉ុន្តែលទ្ធផលចុងក្រោយអ្នកដែលពូកែចាក់នោះ មិនដែលទទួលបានលទ្ធផលទេគឺរត់ចោលស្រុក ។ លោក ជេម សុខ បានលើកឡើងថា លោក សម រង្ស៊ី គឺជាមនុស្សដែលពូកែនិយាយបោកប្រាស់អ្នកគាំទ្រ រហូតដល់រំលាយគណបក្សសង្គ្រោះជាតិចោលដោយគ្មានសល់អ្វីទាំងអស់ រួមទាំងអ្នកនយោបាយ១១៨នាក់ក៏ត្រូវបញ្ឈរជើងក្នុងការធ្វើនយោបាយរយៈពេល៥ ឆ្នាំផងដែរ ។ អ្នកវិភាគរូបនេះបានអះអាងថា ការធ្វើនយោបាយរបស់លោក សម រង្ស៊ី គឺចាញ់អស់ រយៈពេលជាង២០ឆ្នាំមកហើយ ដោយដើរតួជាគណបក្សប្រឆាំង ហើយគ្មានទទួលបានអ្វីទាំងអស់ ៕
ចែករំលែកព័តមាននេះ