តាមប្រភព Metro បានឲ្យដឹងថា ក្មេងស្រីជាច្រើននៅប្រទេសកេនយ៉ា ត្រូវបង្ខំចិត្តប្រគល់ខ្លួនឱ្យចាស់ៗរួមភេទជាមួយ ជាថ្នូរនឹងសំឡីអនាម័យ ។ ការសិក្សាស្រាវជ្រាវដោយអង្គការ Unicef បានរកឃើញថា ៦៥%នៃស្រីៗ នៅក្នុងតំបន់អនាធិបតេយ្យ Kibera ត្រូវបានប្តូរខ្លួនជាមួយនឹងសំឡីអនាម័យ ។
លោក Andrew Trevett ប្រធានអង្គការ Unicef នៅកេនយ៉ា ខាងផ្នែកទឹកស្អាតនិងអនាម័យ បានមានប្រសាសន៍ប្រាប់សារព័ត៌មាន The Independent ថា ស្រីៗជាច្រើនបានរួមភេទជាមួយនឹងអ្នករត់ម៉ូតូឌុប ដោយសារតែមានមូលហេតុពីរ ។
ទី១-គឺមកពីភាពក្រីក្រ និងទី២-មកពីត្រូវពឹងគេយកសំឡីអនាម័យមកឱ្យ ។ នេះក៏ដោយសារតែនៅភូមិរបស់គេគ្មានឡើយគ្រឿងអនាម័យបែបនេះ ។ មានអ្នកខ្លះ ត្រូវប្រើប្រាស់ក្រណាត់អាវចាស់ៗ រោមមាន់ ក្រដាសកាសែតចាស់ និងដីភក់ មកទ្រាប់ធ្វើជាសំឡីអនាម័យ ។ អ្នកខ្លះទៀត ត្រូវជីករណ្តៅមួយ ដើម្បីអង្គុយបង្ហូរឈាមរដូវឲ្យអស់ ក្នុងរយៈពេលជាច្រើនថ្ងៃ។
បញ្ហានេះ គឺជារឿងចោទយ៉ាងសំខាន់ ដែលត្រូវដោះស្រាយភ្លាមៗ ។ នាពេលនេះ ដោយសារតែមានការជ្រោមជ្រែងពីសំណាក់រដ្ឋាភិបាល និងអង្គការ Unicef ក្មេងស្រីចំនួន៩ម៉ឺននាក់ និងសាលាទាំង៣៣៥កន្លែង មានការប្រើប្រាស់សំឡីអនាម័យបានទូលំទូលាយហើយ ៕
ចែករំលែកព័តមាននេះ