រាជធានីភ្នំពេញ ៖ បុរសម្នាក់ត្រូវបានបុគ្គលិកពេទ្យចាប់ខ្លួន បន្ទាប់ពីនាំប្រពន្ធ និងកូនមកពេទ្យ ហើយ ធ្វើសកម្មភាពលួចកាបូបលោកស្រីឧត្តមសេនីយ៍ ឃឹម រ៉ានី ម្ចាស់មន្ទីរសំរាកព្យាបាល…
រាជធានីភ្នំពេញ ៖ បុរសម្នាក់ត្រូវបានបុគ្គលិកពេទ្យចាប់ខ្លួន បន្ទាប់ពីនាំប្រពន្ធ និងកូនមកពេទ្យ ហើយ ធ្វើសកម្មភាពលួចកាបូបលោកស្រីឧត្តមសេនីយ៍ ឃឹម រ៉ានី ម្ចាស់មន្ទីរសំរាកព្យាបាល និងសម្ភព ពន្លឺហើយត្រូវបានគេទាន់។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង១ និង៤០នាទី រសៀល ថ្ងៃទី១៨ ខែកញ្ញា ឆ្នាំ២០១៨ ស្ថិតនៅចំណុចក្នុងមន្ទីរសម្រាកព្យាបាល និងសម្ភព ពន្លឺ ដែលស្ថិតនៅភូមិគង្គាផុស សង្កាត់ទួលសង្កែទី២ ខណ្ឌឫស្សីកែវ។
ជនសង្ស័យដែលត្រូវឃាត់ខ្លួនឈ្មោះ ឡូច ណេត ភេទប្រុស អាយុ៣៥ឆ្នាំ ជាអ្នករត់តាក់ស៊ី មានទីលំនៅភូមិកប់កណ្តឹង សង្កាត់សំរោងក្រោម ខណ្ឌពោធិ៍សែនជ័យ ជិះរថយន្តម៉ាកសាំយ៉ុង ពណ៌ស ពាក់ស្លាកលេខ ភ្នំពេញ ២U-០៧៦២។ តាមព័ត៌មានបានឲ្យដឹងថា នៅមុនពេលកើតហេតុ ជនសង្ស័យរួមទាំងប្រពន្ធ និងកូនតូចប្រុស២នាក់ យកពេទ្យដោយប្រាប់ថាក្តៅខ្លួន។ ខណៈនោះជនសង្ស័យក៏បានធ្វើសកម្មភាពលួចកាបូបប្រាក់ដែល ម្ចាស់មន្ទីរសម្រាកព្យាបាលទៅពិនិត្យអ្នកជំងឺហើយទុកនៅលើក្បែរគ្រែ។
នៅក្នុងសកម្មភាពលួចនោះ ត្រូវបានម្ចាស់បុគ្គលិកពេទ្យម្នាក់ឃើញទាន់ឃាត់ខ្លួន ព្រមទាំងដកហូតបានកាបូបនោះមកវិញ។ នៅក្នុងកាបូបនោះរួមមាន៖ ប្រាក់ចំនួន២.៨០០ដុល្លារ ,លុយខ្មែរមួយលានរៀល,ទូរស័ព្ទ៧គ្រឿង ក្នុងនោះ ម៉ាកសាំស៊ុង៥គ្រឿង អាយហ្វូន២គ្រឿង។ បន្ទាប់ពីត្រូវចោរលួច លោកស្រី ឃឹម រ៉ានី ម្ចាស់ មន្ទីរសម្រាកព្យាបាល និងសម្ភព ពន្លឺ ក៏បានទៅដាក់ពាក្យបណ្តឹងផងដែរ៕
https://youtu.be/a4bD4CTl08E
ចែករំលែកព័តមាននេះ