ខេត្តត្បូងឃ្មុំ ៖ ការដេញថ្លៃផ្លូវចំនួន២ខ្សែ ក្នុងតម្លៃជាង១០០លានរៀល នៅសាលាស្រុកក្រូចឆ្មារនាព្រឹកថ្ងៃទី១៧ កញ្ញា ២០១៨ ត្រូវបានគេមើលឃើញថា ការដេញនោះមិនមានតម្លាភាពនោះទេ សង្ស័យត្រូវទឹកតែ ។ ព្រោះថា មានក្រុមហ៊ុនជាច្រើនមកជុំគ្នាទាំងខាងក្រៅ និងខាងក្នុង តែក្នុងគម្រោងនីមួយៗមានក្រុមហ៊ុនតែចំនួន៣ប៉ុណ្ណោះបានចូលរួមដេញថ្លៃ ព្រោះឃើញចរចាគ្នាឡើងវៀចមាត់។
លោកស្រេង លី អភិបាលស្រុកក្រូចឆ្មារបានលើកឡើងថា ដោយសារតែមានភាពរញ៉េរញៃនោះ ទើបរូបលោកបានបិទទ្វារ ដើម្បីដេញថ្លៃសម្រាប់គម្រោងផ្លូវចំនួន២ខ្សែ រូបលោកចង់បានការដេញថ្លៃមានភាពសុចរិតទៀងត្រង់ និងតម្លាភាព ដែលទាំងនេះនឹងនាំមកនូវការសន្សំថវិកាជាតិផងដែរ ។ ធ្វើយ៉ាងណាឲ្យក្រុមហ៊ុនដែលដេញថ្លៃបានសម្រាប់គម្រោងនីមួយៗត្រូវមានគុណភាពស្របតាមស្តង់ដារ និងល័ក្ខខ័ណ្ឌដែលមានក្នុងសៀវភៅនោះ ។
លោកស្រេង លី អភិបាលស្រុកក្រូចឆ្មារបន្តថា ពីមួយថ្ងៃទៅមួយថ្ងៃ និងបានធ្វើកំណែទម្រង់ជាបន្តបន្ទា
ប់ សម្តៅធ្វើយ៉ាងណាឲ្យមានការរីកចម្រើននៅតាមមូលដ្ឋានភូមិឃុំ ប្រសិនណាបើក្រុមហ៊ុនដែលបាន
មកចូលរួមដេញថ្លៃនាំគ្នាយកតែទឹកតែនោះ រូបលោកនឹងមានវិប្បសារីខ្លាំងណាស់ ហើយរូបលោកចង់
ឃើញការប្រកួតប្រជែងគ្នាពិតប្រាកដ ។ សម្រាប់ក្រុមហ៊ុនដែលដេញបានហើយនោះ សូមធ្វើឲ្យបាន ជាប់ល្អជៀសវាង ក្រោយពីយកគ្រឿងចក្រចេញមិនបានប៉ុន្មានក៏ខូចទៅវិញ សូមកុំឲ្យមានពេលនោះពលរដ្ឋនឹងនាំគ្នារិះគន់ដល់លោកមេឃុំមិនខាន ។
លោកសយ ទូច នាយករងទីចាត់ការវិនិយោគបានឲ្យដឹងដែរថា ចំពោះគម្រោងទាំង២ខាងលើនេះរូប
លោកនឹងចុះទៅពិនិត្យថា តើការធ្វើនោះទៅតាមបច្ចេកទេសដែរ ឫយ៉ាងណា កន្លងមកនូវពេលដែល
បានចុះជួបជាមួយនឹងលោកមេឃុំក៏បានស្នើសុំមករូបលោក ដោយសុំពន្យាពេលសាងសង់ផ្លូវលំអូស
បន្លាយដល់ខែមិថុនា ដោយគ្រាន់តែធ្វើរួចបាន២ទៅ៣សប្តាហ៍ទឹកទន្លេមេគង្គ ឡើងមកលិចទាំងនេះ
មិនអាចទទួលយកបាននោះទេ ។ ព័ត៌មានពិស្តារនឹងផ្សាយជូននៅកាសែតកោះសន្តិភាព ។
ចែករំលែកព័តមាននេះ