ខ្សែប្រយុទ្ធក្លិបសេះបង្កង់ Juventus កីឡាករឆ្នើម Cristiano Ronaldo សញ្ជាតិព័រទុយហ្គាល់ បានបង្ហាញចំណាប់អារម្មណ៍ចង់ឃើញកូនប្រុសរបស់ខ្លួនដើរតាមគន្លងជាកីឡាករបាល់ទាត់អាជីពដូចរូបខ្លួន ក្រោយពីសង្កេតឃើញថា កូនប្រុសមានចំណាប់អារម្មណ៍ និងឧស្សាហ៍លេងបាល់ទាត់ ។
ក្មេងប្រុស រ៉ូណាល់ដូ ជូនៀ (Ronaldo Junior) ចាប់ផ្ដើមលេចឈ្មោះនៅលើទំព័រកាសែតក្រោយពីសាម៉ីខ្លួនមានឱកាសបង្ហាញទេពកោសល្យបាល់ទាត់នៅតាមទីកន្លែងនានាឲ្យពលរដ្ឋគ្រប់រូបបានឃើញ និងជាចុងក្រោយនេះក៏បានទាត់បញ្ចូលទីចំនួន៤គ្រាប់ឲ្យក្លិប Juventus ក្នុងអាយុ៩ឆ្នាំ ខណៈឪពុក (Cristiano Ronaldo) ទើបតែរកគ្រាប់បាល់បាន២គ្រាប់ជាលើកដំបូងពេលប៉ះក្រុម Sassuolo ក្រោយពីចាកចេញពីអធិរាជស Real Madrid រួចមក ។
ដោយសារតែឃើញសមត្ថភាពដ៏ខ្ពស់របស់កូនធ្វើឲ្យ Ronaldo ស៊ូទ្រាំមិនបានក្នុងការចង់ឃើញកូនប្រុសដើរតាមគន្លងរបស់ខ្លួន និងបានបញ្ជាក់ថា «គេពេញចិត្តលើការប្រកួតដូចដែលខ្ញុំនៅក្មេងវ័យ ថែមទាំងមានភាពតប់ប្រមល់នៅពេលចាញ់គូប្រកួត ប្រាកដណាស់គេនឹងដូចរូបខ្ញុំនៅពេលបានធំដឹងក្ដី» ៕
ចែករំលែកព័តមាននេះ