ទីភា្នក់ងារព័ត៌មានបរទេសផ្សាយថា បវរកញ្ញារូបស្រស់ប្រចាំរដ្ឋមីស៊ីហ្គេន បានធ្វើអត្ថាធិបាយលើការបង្ហាញខ្លួនក្នុងវេទិកាប្រកួតបវរកញ្ញាអាមេរិកក្នុងឆ្នាំ២០១៩ កាលពីសប្ដាហ៍កន្លងមក ដោយបកអាក្រាតពីចំណាត់ការចែកចាយទឹកស្អាតនៅក្នុងក្រុងផ្លីន ជាស្រុកកំណើតរបស់ខ្លួន ។ នាង អេមីលី ស៊ីយ៉ូម៉ា…
ទីភា្នក់ងារព័ត៌មានបរទេសផ្សាយថា បវរកញ្ញារូបស្រស់ប្រចាំរដ្ឋមីស៊ីហ្គេន បានធ្វើអត្ថាធិបាយលើការបង្ហាញខ្លួនក្នុងវេទិកាប្រកួតបវរកញ្ញាអាមេរិកក្នុងឆ្នាំ២០១៩ កាលពីសប្ដាហ៍កន្លងមក ដោយបកអាក្រាតពីចំណាត់ការចែកចាយទឹកស្អាតនៅក្នុងក្រុងផ្លីន ជាស្រុកកំណើតរបស់ខ្លួន ។
នាង អេមីលី ស៊ីយ៉ូម៉ា បេក្ខនារីតំណាងឲ្យរដ្ឋមីស៊ីហ្គេន បានបញ្ជាក់ថា «ខ្លួនមកពីរដ្ឋដែលមានទឹក៨៤ភាគរយជាទឹកស្អាត ប៉ុន្តែពលរដ្ឋទាំងអស់បែរជាគ្មានទឹកស្អាតប្រើ» និងបានទទួលការសាទរយ៉ាងកុះករពីទស្សនិកជន ។
បញ្ហាដែលនាងបានលើកយកបញ្ហាទឹកមកដោះស្រាយ ព្រោះទឹកស្អាតមានកង្វះខាត ហើយទឹកដែលបានចែកជូនពលរដ្ឋប្រហែល១០០.០០០គ្រួសារមានលាយឡំសារធាតុពុល មិនអាចបរិភោគ ឬប្រើប្រាស់បាន ។ អាចនិយាយបានថា ទឹកមិនស្អាតបានធ្វើឲ្យពលរដ្ឋបានស្លាប់បាត់បង់ជីវិតចំនួន១២នាក់ ។
ទោះបីជាមានដំណោះស្រាយបញ្ហាបានមួយចំនួនក៏ដោយ ប៉ុន្តែអ្នកស្រុកត្រូវរង់ចាំដល់ឆ្នាំ២០២០ ទើបមានការប្តូរទុយោទឹកដែលមានលាយឡំពីសារជាតិពុលបាន ធ្វើឲ្យអ្នកស្រុកភាគច្រើនមានការមិនពេញចិត្ត រួមទាំងរូបនាងផងដែរ ។
នាង ស៊ីយ៉ូម៉ា បានត្រិះរិះពីរឿងនេះបានច្រើន និងតទៅនឹងរៀបរាប់លើរឿងរ៉ាវលើវេទិកាបវរកញ្ញាអាមេរិក ដោយបញ្ជាក់ថា «ខ្លួនមានក្ដីរំភើបបានក្លាយជាតំណាងរបស់រដ្ឋមីស៊ីហ្គេន» ៕
ចែករំលែកព័តមាននេះ