រាជធានីភ្នំពេញ ៖ គណៈអចិន្ត្រៃយ៍នៃគណៈកម្មាធិការកណ្តាល គណបក្សប្រជាជនកម្ពុជាបានសម្រេចដាក់លោកអូន ព័ន្ធមុនីរ័ត្ន ទេសរដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុជាប្រធានក្រុមការងារថ្នាក់កណ្តាល ចុះជំនួយសម្តេចតេជោ ហ៊ុន សែន នៅខេត្តកណ្តាល ។
នេះបើតាមសេចក្តីសម្រេចរបស់គណៈចិន្ត្រៃយ៍គណបក្សប្រជាជនកម្ពុជា ។ យោងតាមសេចក្តីសម្រេចចុះថ្ងៃទី១៨ ខែកញ្ញានេះប្រការ១បានសម្រួលភារកិច្ចសម្តេចតេជោ ហ៊ុន សែន ពីប្រធានក្រុមការងារថ្នាក់កណ្តាល ចុះជួយខេត្តកណ្តាលព្រោះមានភារកិច្ចទទួលបន្ទុកដឹកនាំការងារគណបក្សនៅទូទាំងប្រទេស ។
ប្រការ២បានចាត់តាំងលោកអូន ព័ន្ធមុនីរ័ត្ន ជាប្រធានក្រុមការងារថ្នាក់កណ្តាល ចុះជួយខេត្តកណ្តាលជំនួសសម្តេចតេជោ ហ៊ុន សែន នាយករដ្ឋមន្ត្រី ។ និងប្រការ៣ឲ្យស្ថាប័នគណបក្សដែលពាក់ព័ន្ធក្រុមការងារថ្នាក់កណ្តាល ចុះជួយខេត្តកណ្តាលសម្តេចតេជោហ៊ុន សែន និងលោកអូន ព័ន្ធមុនីរ័ត្ន ត្រូវប្រតិបត្តិតាមសេចក្តីសម្រេច ៕
ចែករំលែកព័តមាននេះ