ប្រទេសរុស្ស៊ី-ស៊ីរី ៖ ក្រសួងការពារប្រទេសរុស្ស៊ីបានរាយការណ៍នាថ្ងៃទី១៨ កញ្ញា ថា យន្តហោះរុស្ស៊ី១គ្រឿងជាមួយមនុស្សជិះ ក្នុងនោះ១៤នាក់បានបាត់ពីអេក្រង់រ៉ាដា ពីលើប្រទេសស៊ីរី ខណៈកងទ័ពអ៊ីស្រាអែល និងបារាំង…
ប្រទេសរុស្ស៊ី-ស៊ីរី ៖ ក្រសួងការពារប្រទេសរុស្ស៊ីបានរាយការណ៍នាថ្ងៃទី១៨ កញ្ញា ថា យន្តហោះរុស្ស៊ី១គ្រឿងជាមួយមនុស្សជិះ ក្នុងនោះ១៤នាក់បានបាត់ពីអេក្រង់រ៉ាដា ពីលើប្រទេសស៊ីរី ខណៈកងទ័ពអ៊ីស្រាអែល និងបារាំង ធ្វើការវាយប្រហារតាមអាកាសប្រឆាំងបណ្ដាគោលដៅនៅស៊ីរី។
អ្នកទទួលខុសត្រូវអាមេរិកម្នាក់និយាយថា សហរដ្ឋអាមេរិកគិតថា យន្តហោះកង្ហាធុនIL-20 នោះត្រូវបាញ់ធ្លាក់ដោយកាំភ្លើងធំការពារអាកាសរបស់រដ្ឋាភិបាលស៊ីរីជាសម្ព័ន្ធមិត្តក្រុងមូស្គូ។
នៅក្រុងមូស្គូក្រសួងការពារប្រទេសថ្លែងថា យន្តហោះនេះហោះត្រឡប់មកកាន់មូលដ្ឋានអាកាសចរណ៍រុស្ស៊ី HMEYMIM វិញ ពេលបាត់ដានពីអេក្រង់រ៉ាដា វេលាម៉ោង២៣ម៉ោងនៅក្រុងមូស្គូ។ ហើយយន្តហោះស្ថិតនៅពីលើសមុទ្រមេឌីទែរ៉ាណេ ចម្ងាយប្រមាណជា៣៥គីឡូម៉ែត្រពីឆ្នេរសមុទ្រស៊ីរីពេលបាត់ពីអេក្រង់រ៉ាដា។
ក្រសួងនេះបានគូសបញ្ជាក់ថា ដាននៃយន្តហោះ IL-20 បានបាត់ពីអេក្រង់រ៉ាដាត្រួតពិនិត្យអាកាស ពេលមានការវាយប្រហាររបស់យន្តហោះអ៊ីស្រាអែលធុន F-16 ចំនួន៤គ្រឿង លើបណ្ដាទីតាំងស៊ីរីក្នុងខេត្ត LATTAQUIE។
ទន្ទឹមនឹងនេះរ៉ាដាត្រួតពិនិត្យអាកាសរុស្ស៊ី ចាប់ឃើញការបាញ់គ្រាប់មីស៊ីលនានាចេញពីនាវាពិឃាតបារាំង ANVERGNE ក្នុងតំបន់នោះ។ វាសនារបស់មនុស្ស១៤នាក់ ស្ថិតក្នុងយន្តហោះនៅពុំទាន់ដឹងនៅឡើយ។ ប្រតិបត្តិការជួយសង្គ្រោះរៀបចំធ្វើចេញពីមូលដ្ឋាន HMEYMIM៕
ចែករំលែកព័តមាននេះ