ខេត្តបាត់ដំបង ៖ សេចក្តីរាយការណ៍ឱ្យដឹងថា អ្នកភូមិបានប្រទះឃើញគ្រោងឆ្អឹងមនុស្សម្នាក់នៅក្នុងព្រៃ កាលពីម៉ោង០២ និង៤៥រសៀលថ្ងៃទី១៧ កញ្ញា ស្ថិតនៅចំណុចទឹកធ្នឹម ក្នុងភូមិគោគរការ ឃុំដូនបា…
ខេត្តបាត់ដំបង ៖ សេចក្តីរាយការណ៍ឱ្យដឹងថា អ្នកភូមិបានប្រទះឃើញគ្រោងឆ្អឹងមនុស្សម្នាក់នៅក្នុងព្រៃ កាលពីម៉ោង០២ និង៤៥រសៀលថ្ងៃទី១៧ កញ្ញា ស្ថិតនៅចំណុចទឹកធ្នឹម ក្នុងភូមិគោគរការ ឃុំដូនបា ស្រុកគាស់ក្រឡ ប៉ុន្តែមិនទាន់មានអ្នកស្គាល់អត្តសញ្ញាណនៅឡើយទេ។
សមត្ថកិច្ចបានឲ្យដឹងថា គ្រោងឆ្អឹងសាកសពនោះ ត្រូវបានកុមារាឈ្មោះ ជា សៀងហៃ ភេទប្រុស អាយុ១១ឆ្នាំ រស់នៅចំណុចទឹកធ្នឹមភូមិគោករការ ឃុំដូនបា ជាអ្នកប្រទះឃើញគ្រោងឆ្អឹងនោះពេលដើរឃ្វាលគោ។សមត្ថកិច្ចនិយាយថា ក្រោយពីប្រទះឃើញឆ្អឹងខ្មោចនោះ កុមារារូបនេះក៏បានទៅរាយការណ៍ជូនក្រុមប្រឹក្សាឃុំដូនបា រួចក៏បាននាំគ្នាទៅពិនិត្យគ្រោងឆ្អឹងនោះភ្លាមៗដែរ។
លោកឧត្តមសេនីយត្រី ជេត វណ្ណនី ស្នងការរងខេត្តបានមានប្រសាសន៏ថា បើតាមការពិនិត្យគ្រោងឆ្អឹងសាកសពនោះ ទំនងអាចស្លាប់រយះពេល២ទៅ៣ឆ្នាំកន្លងមកហើយ។ លោកបានប្រាប់ថា គេមិនទាន់ដឹង
ថា គ្រោងឆ្អឹងនោះប្រុសឬស្រីនោះទេ មានអាយុប៉ុន្មាន ហើយស្លាប់ដោយសារអ្វីនោះដែរ។
លោកស្នងការរងបានបញ្ជាក់ថា រហូតមកដល់ពេលមិនទាន់មានប្រជាពលរដ្ឋទៅសួរនាំ ឬ ប្រកាសរកសាច់ញាតិដែលពាក់ព័ន្ធនឹងសាកសពដែលសល់តែគ្រោងឆ្អឹងនេះដែរ។ បន្ទាប់ពីពិនិត្យ មន្ត្រីមូលដ្ឋានបានប្រមូលឆ្អឹងកប់ទុកនៅកន្លែងកើតហេតុនោះ ដើម្បីរងចាំក្រែងមានសាច់ញាតិទៅទទូលយកគ្រោងឆ្អឹងទៅបូជាធ្វើបុណ្យតាមប្រពៃណី៕
ចែករំលែកព័តមាននេះ