គេហាមឃាត់មិនឱ្យបើកវគ្គចិញ្ចឹមសត្វដល់ប្រជាពលរដ្ឋទេ…ព្រោះគ្មានច្បាប់ !
- ស្វាយរៀង
ខេត្តស្វាយរៀង ៖ តំណាងសហគមន៏សាមគ្គីរមាសហែកបានធ្វើការចោទប្រកាន់ទៅលើសមត្ថកិច្ចប៉ុស្តិ៍រដ្ឋាល ឃុំអំពិល និងមន្ត្រីអាជ្ញាធរស្រុករមាសហែកថា បានរិតត្បិតមិនអោយមន្ត្រីរបស់សហគមន៍បើកវគ្គបង្រៀនប្រជាពលរដ្ឋស្ដីពីជំនាញចិញ្ចឹមមាន់ និងការសន្សំប្រាក់នៅតាមមូលដ្ឋាន បើទោះបីជាសហគមន៏នេះបានជូនដំណឹងដល់អាជ្ញាធររួចហើយក៏ដោយ ។ ប៉ុន្តែមន្ត្រីអាជ្ញាធរបានធ្វើការបដិសេធទៅនឹងការចោទប្រកាន់នេះ…
ប៉ុន្តែមន្ត្រីអាជ្ញាធរបានធ្វើការបដិសេធទៅនឹងការចោទប្រកាន់នេះ និងអះអាងថា បើសហគមន៏នេះមានច្បាប់ទម្លាប់ត្រឹមត្រូវនោះនឹងមិនហាមឃាត់ឡើយមានតែសហការ ក៏ប៉ុន្តែសហគមន៏នេះបានត្រឹមតែនិយាយមិនបង្ហាញលិខិតស្នាមផ្លូវច្បាប់អ្វីឡើយទើបឃាត់អោយផ្អាកការជួបជុំ ។ ករណីនេះបានកើតឡើងកាលពីព្រឹកថ្ងៃ១៧ ខែកញ្ញា ឆ្នាំ២០១៨ នៅភូមិអំពឹល ឃុំអំពឹលស្រុករមាសហែក ។
មន្ត្រីសហគមន៏បានអះអាងថា ការចុះបង្រៀននេះគឺខ្លួនបានធ្វើការជូនដំណឹង និងយល់ព្រមពីសំណាក់មេភូមិ មេឃុំ និងការិយាល័យកសិកម្មស្រុករួចហើយក៏អាជ្ញាធរស្រុកមិនអនុញាតិអោយដែរ ។ យោងតាមតំណាងកសិករចិញ្ចឹមមាន់ម្នាក់នៅភូមិអំពិល ឃុំអំពិល បានអោយដឹងថា ពិតជាមានករណីសមត្ថកិច្ចទៅហាមឃាត់ពួកគាត់មិនអោយផ្សព្វផ្សាយស្តីពីវគ្គបណ្តុះបណ្តាលចិញ្ចឹមមាន់ពិតប្រាកដមែន ក្រោមការបញ្ជាពីលោកអធិការនគបាលស្រុករមាសហែក ។
ក្រោយពីសមត្ថកិច្ចចុះហាមឃាត់មិនអោយផ្សព្វផ្សាយពួកគាត់បានផ្អាកតាមការស្នើសុំតែពួកគាត់សំណូមពរទៅសមត្ថកិច្ចវិញថា បើមិនអោយផ្សព្វផ្សាយនៅសហគមន៏ ពួកគាត់ស្នើសុំចុះទស្សនកិច្ចតាមខ្នងផ្ទះវិញសមត្ថកិច្ចក៏បានយល់ព្រមតែស្ថិតក្រោមការឃ្លាំមើលពីសមត្ថកិច្ចដដែល ។
ពាក់ព័ន្ធការចោទប្រកាន់នេះនៅរសៀលថ្ងៃទី១៧ ខែកញ្ញា ឆ្នាំ២០១៨ នេះភ្នាក់ងារ កោះសន្តិភាព បានទាក់ទងតាមទូរស័ព្ទទៅលោកអធិការនៃអធិការដ្ឋាននគរបាលស្រុករមាសហែកដើម្បីសុំការបំភ្លឺ ក៏ប៉ុន្តែលោកបានប្រាប់តាមទូរស័ព្ទថា កំពុងរវល់ប្រជុំ ហើយក៏បិទទូរស័ព្ទបាត់ទៅ ។
បើដូចអង្គការ ឬសហគមន៏ផ្សេងៗគេមានច្បាប់ត្រឹមត្រូវគឺអាជ្ញាធរមិនហាមឃាត់នោះទេមានតែសហការមិនតែប៉ុណ្ណោះតាមការក្ដាប់ព័ត៌មានបាន គឺមន្ត្រីសហគមន៏ខាងលើប្រើរូបមន្តចុះបង្រៀនប្រជាពលរដ្ឋពីជំនាញចិញ្ចឹមមាន់ តែធាតុពិតគឺកែនប្រជាពលរដ្ឋទៅធ្វើរឿងផ្សេងៗ ដូចជារឿងដីធ្លីជាដើម ៕
ចែករំលែកព័តមាននេះ