ក្រសួងមហាផ្ទៃឲ្យគណបក្សកូនរបស់លោក លន់ នល់ ដូរឈ្មោះ
- ភ្នំពេញ
ខេត្តព្រៃវែង ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឲ្យគណបក្សខ្មែរ សាធារណរដ្ឋ របស់លោក…
ខេត្តព្រៃវែង ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឲ្យគណបក្សខ្មែរ សាធារណរដ្ឋ របស់លោក…
ខេត្តព្រៃវែង ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឲ្យគណបក្សខ្មែរ សាធារណរដ្ឋ របស់លោក លន់ ឫទ្ធិ ដែលត្រូវជាកូនលោកសេនាប្រមុខ លន់ នល់ ក្រោមហេតុផលថា ដើម្បីកុំឲ្យប្រជាពលរដ្ឋខ្មែរ មានការភ័យខ្លាច។ ការលើកឡើងរបស់សម្តេច ស ខេង ខណៈដែលគណបក្សសាធារណរដ្ឋ គឺជាបក្ស មិនមែនទើបតែបង្កើតថ្មី ដើម្បីចូលរួមការបោះឆ្នោត នៅឆ្នាំ២០១៨នេះទេ គឺគណបក្សនេះក៏បានចូលរួម ការបោះឆ្នោតជាតិនៅឆ្នាំ២០០៨ម្ដងរួចហើយ តែមិនសូវទទួលការគាំទ្រ។ ប៉ុន្តែបក្សនេះបានអវត្តមានក្នុងការបោះឆ្នោតជាតិឆ្នាំ២០១៣។
សម្ដេច ស ខេង ថ្លែងក្នុងពិធីកិច្ចប្រជុំ បូកសរុបសកម្មភាព និងលទ្ធផលនៃការបោះឆ្នោតជ្រើសតាំងតំណាងរាស្ត្រ នីតិកាលទី៦ នៅថ្ងៃទី១៦ ខែកញ្ញា ឆ្នាំ២០១៨នៅទីស្នាក់គណបក្ស ប្រជាជនកម្ពុជាខេត្តព្រៃវែងថា លោក លន់ ឫទ្ធិ បង្កើតគណបក្ស ដើម្បីរៃលុយនៅអាមេរិកយកមកចាយខ្លួនឯង សម្ដេចថា គណបក្សខ្មែរសាធារណរដ្ឋគ្មានផ្លូវឈ្នះទេ។ សម្តេច ស ខេង មានប្រសាសន៍ថា “ឥឡូវយើងរកវិធីម៉េច កែឈ្មោះគណបក្សហ្នឹងពីព្រោះឈ្មោះហ្នឹងរបបវាខុសគ្នា ការកំណត់របបនយោបាយ គណបក្សហ្នឹង ហើយវាអត់ឆ្លុះបញ្ចាំងទេ ទោះបីយ៉ាងណាក៏ដោយ យើងរកវិធីដោះស្រាយអាហ្នឹង មានតែប្រាប់ទៅគណ បក្សសុំឲ្យប្ដូរ។
ហេតុផលកុំឲ្យពលរដ្ឋស្ដាប់ទៅថា អ្នកឯងជាគណបក្សមួយ មិនគោរពរដ្ឋធម្មនុញ្ញ។ អ៊ីចឹងខ្ញុំកំពុងចាត់អ្នកជំនាញ ដើម្បីកំពុងតែសិក្សា ពិភាក្សាជាមួយគណបក្សហ្នឹងឲ្យប្ដូរ ឈ្មោះទៅថ្ងៃក្រោយ កុំឲ្យដាក់សាធារណរដ្ឋខ្មែរ អ៊ីចឹងទៀត ដាក់ឈ្មោះស្អីចឹងទៅ”។ សូមជម្រាបថា សម្រាប់ការបោះឆ្នោតនៅឆ្នាំ២០១៨កន្លងមកនេះ បក្សសាធារណរដ្ឋមិនទទួលបានការគាំទ្រដែរ ប៉ុន្តែទោះបីជាយ៉ាងណាប្រធានគណបក្ស លោក លន់ ឫទ្ធិ ក៏បានក្លាយជាទីប្រឹក្សារាជរដ្ឋាភិបាល មានឋានៈស្មើទេសរដ្ឋមន្ត្រី ក្រោយពីបក្សបានចូលរួម ក្នុងឧត្តមប្រឹក្សា ពិគ្រោះ និងផ្តល់យោបល់ ដែលមានសម្តេចតេជោ ហ៊ុន សែន ជានាយករដ្ឋមន្ត្រី ជាអ្នករៀបចំផ្តួចផ្តើម ក្រុមប្រឹក្សានេះឡើង។
ទាក់ទិននឹងការសុំដូរឈ្មោះគណបក្សខ្មែរសាធារណរដ្ឋនេះដែរ លោក លន់ ឬទ្ធិ ប្រធាន គណបក្សនេះបានអះអាងថា លោកបានឮដំណឹងនេះដែរ ប៉ុន្តែមិនទាន់ទទួលបានលិខិតជាផ្លូវ ការណាមួយច្បាស់លាស់នោះទេ។ លោកបញ្ជាក់ថា« ខ្ញុំបានឮដំណឹង ប៉ុន្តែមកដល់សព្វថ្ងៃនេះ ខ្ញុំចាំមើលថាតើវាមានអ្វីទៀត ហើយចំពោះខ្ញុំមានរឿង និងមានអ្វីៗសម្រាប់ផ្តល់នៅពេលដែលខ្ញុំឃើញឯកសារផ្លូវការ»។ យ៉ាងណាក្តីលោក លន់ ឬទ្ធិ បានអះអាងថា លោកគ្មានបំណងដូរឈ្មោះគណបក្សរបស់ លោកនោះទេ ប៉ុន្តែលោករង់ចាំស្ថានការណ៍ទៅមុខសិន។ លោកក៏បានគូសបញ្ជាក់ថា «ខ្ញុំគ្មានបំណងដូរឈ្មោះគណបក្សទេ ហើយយើងចាំមើល គេមានបំណងយ៉ាងដូចម្តេច បានគេស្នើមក »។
លោកបន្ថែមថា គណបក្សរបស់លោកមិនបានធ្វើអ្វីខុសនឹងលក្ខន្តិកៈរបស់ក្រសួង មហាផ្ទៃនោះទេ ។ លោកថា៖« គណបក្សខ្ញុំអត់មានធ្វើអ្វីខុសនោះទេ គឺខ្ញុំគោរពលក្ខន្តិកៈ ការពារស្រុកប្រទេស ការពារព្រះមហាក្សត្រ ។ ខ្ញុំយល់ថា មានអ្វីដែលធ្ងន់ធ្ងរត្រូវដូរនោះទេ ជាងនេះគណបក្សខ្ញុំមានឈ្មោះ ជាង១០ ឆ្នាំមកហើយ »។ គណបក្សនយោបាយចំនួន១៦ បានចូលរួមក្នុងឧត្តមក្រុមប្រឹក្សា ពិគ្រោះ និងផ្តល់យោបល់ចំណែកគណបក្សចំនួន៤ទៀតមិនបានចូលរួមមាន៖ គណបក្សពន្លឺថ្មី គណបក្សសម្ព័ន្ធ ដើម្បីប្រជាធិបតេយ្យ គណបក្សប្រជាធិតេយ្យមូលដ្ឋាន និងគណបក្សខ្មែរឈប់ក្រ៕
ចែករំលែកព័តមាននេះ