រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ នារសៀលថ្ងៃទី១៧ កញ្ញា បានបង្ហាញមុខជនសង្ស័យ១ក្រុមពាក់ព័ន្ធករណីលួច និងឆក់ទ្រព្យសម្បត្តិប្រជាពលរដ្ឋ ក្នុងរាជធានីភ្នំពេញកន្លងមក ។…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ នារសៀលថ្ងៃទី១៧ កញ្ញា បានបង្ហាញមុខជនសង្ស័យ១ក្រុមពាក់ព័ន្ធករណីលួច និងឆក់ទ្រព្យសម្បត្តិប្រជាពលរដ្ឋ ក្នុងរាជធានីភ្នំពេញកន្លងមក ។
លោកវរសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ បានឲ្យដឹងថា ១-ឈ្មោះ លី អ៊ីឆែ ហៅឆែ ភេទប្រុស អាយុ២៨ឆ្នាំ មុខរបរអ្នករត់ម៉ូតូរឺម៉កកង់បីឥណ្ឌា ស្នាក់នៅ មិនពិតប្រាកដ ឃាត់ខ្លួននៅចំណុចផ្លូវលេខ១០៥ កែងផ្លូវលេខ៣៦៨ សង្កាត់បឹងកេងកង៣ ខណ្ឌចំការមន រាជធានីភ្នំពេញ ។ ជនសង្ស័យរូបនេះជាអ្នករត់ម៉ូតូកង់បីផង និងជាអ្នកធ្វើសកម្មភាពលួចដោះស្លាកលេខរថយន្ត និងទទួលទិញផលចោរកម្មក្នុងអំពើលួចនោះផង ។
២-ឈ្មោះ ចាន់ ណាវុឌ្ឍ ហៅ មី ភេទប្រុស អាយុ៣០ឆ្នាំ មុខរបរ មិនពិតប្រាក ស្នាក់នៅផ្ទះលេខ២G ផ្លូវលេខ២០០២ សង្កាត់ទឹកថ្លា ខណ្ឌសែនសុខ រាជធានីភ្នំពេញ ឃាត់ខ្លួននៅចំណុចផ្ទះសំណាក់ខ្លឹមចន្ទ័ ផ្លូវលេខ៤១៤ សង្កាត់ទំនប់ទឹក ខណ្ឌចំការ មន រាជធានីភ្នំពេញ ។
និង៣-ឈ្មោះ បូ វីរៈ ភេទប្រុស អាយុ១៩ឆ្នាំ មុខរបរសិស្ស ស្នាក់នៅផ្ទះលេខ២០Eo ផ្លូវលេខ១៣៤ សង្កាត់វាលវង់ ខណ្ឌ៧មករា រាជធានីភ្នំពេញ ឃាត់ខ្លួននៅចំណុចផ្លូវលេខ៦៧ កែងផ្លូវឌឿងហែម សង្កាត់ផ្សារថ្មី២ ខណ្ឌដូនពេញ រាជធានីភ្នំពេញ ពួកគេ២នាក់នេះជាសមាជិកក្រុមរបស់ឈ្មោះ លី អុីឆែ ដែលដើរលួចបានត្រូវយកមកលក់ឲ្យឈ្មោះលី អុីឆែ។
លោកវរសេនីយ៍ឯក ប៊ុន សត្យា បន្តថា ថ្មីៗនេះទៀតសមត្ថកិច្ចនគរបាលជំនាញ បានទទួលពាក្យបណ្តឹងពីប្រជាពលរដ្ឋដែលរងគ្រោះជាបន្តបន្ទាប់ស្តីពីករណីចោរលួចដោះយកស្លាកលេខរថយន្ត ហើយភាគច្រើនជារថយន្តទំនើបៗទៀតផង ។ ពេលខ្លះម្ចាស់រថយន្តបានបង្ហោះរូបភាព ចោរជិះម៉ូតូកង់បីឥណ្ឌា ចុះធ្វើសកម្មភាពលួចដោះយកស្លាកលេខរថយន្ត ដែលគេចតនៅមុខផ្ទះ មុខហាង មុខសណ្ឋាគារ លើដងផ្លូវសាធារណៈក្នុងរាជធានីភ្នំពេញ ។
ក្រោយពីទទួលបានពាក្យបបណ្តឹង និងឃើញក្នុងបណ្តាញសង្គមហ្វេសប៊ុក ដែលគេបង្ហោះពីសកម្មភាពចោរបើកម៉ូតូកង់បីដើរលួចដោះស្លាកលេខរថយន្តនោះ លោកឧត្តមសេនី យ៍ឯក ស ថេត ស្នងការនគរបាលជាធានីភ្នំពេញ និង ឧត្តមសេនីយ៍ត្រី សុង លី ស្នងការរង ទទួលបន្ទុកជាប្រធានការិយាល័យកណ្តាលនគរបាលព្រហ្មទណ្ឌ បានមានបទបញ្ជាឲ្យកម្លាំងជំនាញចុះស្រាវជ្រាវជាបន្ទាន់ ។
លុះនៅថ្ងៃទី១៤ និងថ្ងៃទី១៥ កញ្ញា ២០១៨ កម្លាំងជំនាញបានឈានដល់ការឃាត់ខ្លួន ជនសង្ស័យ៣នាក់ដូចមានឈ្មោះខាងលើនេះ ក្នុងបទល្មើសជាក់ស្តែង ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ