ក្រុមហ៊ុនAppleបាននិយាយក្នុងសំបុត្រមួយផ្ញើដល់អ្នកតំណាងផ្នែកពាណិជ្ជកម្មអាមេរិកថា លោកប្រធានាធិបតីដូណាល់ ត្រាំ (Donald Trump) បានស្នើឲ្យមានការដាក់ពន្ធលើផលិតផលAppleជាច្រើនដែលនាំចូលពីប្រទេសចិន បង្កជាការប៉ះពាល់យ៉ាងខ្លាំងដល់ក្រុមហ៊ុន ។ សំណើពន្ធលើផលិតផលចិនប្រមាណ២០០ប៊ីលានដុល្លារនេះ នឹងប៉ះពាល់ដល់Apple…
ក្រុមហ៊ុនAppleបាននិយាយក្នុងសំបុត្រមួយផ្ញើដល់អ្នកតំណាងផ្នែកពាណិជ្ជកម្មអាមេរិកថា លោកប្រធានាធិបតីដូណាល់ ត្រាំ (Donald Trump) បានស្នើឲ្យមានការដាក់ពន្ធលើផលិតផលAppleជាច្រើនដែលនាំចូលពីប្រទេសចិន បង្កជាការប៉ះពាល់យ៉ាងខ្លាំងដល់ក្រុមហ៊ុន ។
សំណើពន្ធលើផលិតផលចិនប្រមាណ២០០ប៊ីលានដុល្លារនេះ នឹងប៉ះពាល់ដល់Apple Watch, AirPods និង Apple Pencil ជាដើម។ វាក៏ប៉ះពាល់ដល់ HomePod, Mac Mini, និងខ្សែភ្ជាប់ រួមទាំងខ្សែបញ្ចូលថ្មផងដែរ ។ ជាលទ្ធផល អតិថិជនត្រូវតែចំណាយកាន់តែច្រើនក្នុងការទិញផលិតផលApple។
Apple បាននិយាយក្នុងសំបុត្រខាងលើថា ៖« វាពិបាកណាស់ក្នុងការមើលឃើញថាតើការប៉ះពាល់បង្កពីពន្ធលើក្រុមហ៊ុនអាមេរិកនិងអតិថិជនអាមេរិក នឹងជួយសម្រេចគោលដៅរដ្ឋាភិបាលទាក់ទិននឹងគោលនយោបាយបច្ចេកវិទ្យាចិនយ៉ាងដូចម្តេច ។ ផ្ទុយមកវិញ ពួកយើងសង្ឃឹមថាអ្នកនឹងពិចារណាលើយុទ្ធសាស្ត្រនេះឡើយវិញ និងស្វែងរកដំណោះស្រាយផ្សេងដែលមានប្រសិទ្ធភាពជាងនេះ និងមិនប៉ះពាល់ដល់សេដ្ឋកិច្ចអាមេរិកនិងអតិថិជនអាមេរិក »។
ប៉ុន្តែលោកប្រធានាធិបតីត្រាំបាននិយាយលើTwitterរបស់លោកកាលពីថ្ងៃសៅរ៍មកថា Apple គួរតែផលិតផលិតផលរបស់ពួកគេក្នុងសហរដ្ឋអាមេរិកប្រសិនបើពួកគេចង់ជៀសពីពន្ធនាំចូល ។
លោកនាយកប្រតិបត្តិ Tim Cook របស់ Apple ធ្លាប់បាននិយាយថា លោកបានសន្ទនាជាមួយនឹងលោកត្រាំពីបញ្ហាពន្ធនេះដែរ ហើយលោកជឿជាក់ថា ពន្ធនេះនឹងមិនប៉ះពាល់ដល់ iPhone ឡើយ ។
iPhone ជាផលិតផលជំរុញដល់ប្រាក់ចំណេញរបស់Appleច្រើនជាងគេ ហើយវាមិនជាប់ក្នុងបញ្ជីផលិតផលដែលនឹងជាប់ពន្ធទេ ។
គួរបញ្ជាក់ថា កាលពីថ្ងៃសុក្រកន្លងមកនេះ លោកប្រធានាធិបតីត្រាំ បាននិយាយថា រដ្ឋាភិបាលមានគម្រោងដាក់ពន្ធលើផលិតផលចិនប្រមាណ ២៦៧ប៊ីលានដុល្លារបន្ថែមទៀត ។
លោកប្រធានាធិបតីអាមេរិក បានថ្លែងលើ Twitter របស់លោកថា ៖« តម្លៃរបស់Appleអាចនឹងកើនឡើង ព្រោះតែពន្ធដ៏ខ្ពស់ដែលពួកយើងអាចនឹងដាក់លើប្រទេសចិន ប៉ុន្តែមានដំណោះស្រាយដោយងាយគឺការមិនយកពន្ធ និងការអនុគ្រោះពន្ធ គឺប្តូរមកផលិតផលិតផលរបស់អ្នកពីប្រទេសចិនមកកាន់សហរដ្ឋអាមេរិក ហើយចាប់ផ្តើមសាងសង់រោងចក្រថ្មីពីឥឡូវនេះ »៕
ចែករំលែកព័តមាននេះ