សារព័ត៌មានបរទេសកាលពីពេលថ្មីៗកន្លងមកផ្សាយថា បុរសចំណាស់ជនជាតិរុស្ស៊ីម្នាក់បានប្រកាសលែងលះប្រពន្ធវ័យក្មេងអាយុ២៧ឆ្នាំ ព្រោះនាងមិនឲ្យមានកូនដោយនាងបដិសេធការរួមរ័ក ។ បើតាមរបាយការណ៍បានបញ្ជាក់ថា លោកតាអ៊ីវ៉ាន់ ក្រាស្កូ (Ivan Krasko) អាយុ៨៧ឆ្នាំជាតារាសម្តែងវ័យចំណាស់របស់រុស្ស៊ី…
សារព័ត៌មានបរទេសកាលពីពេលថ្មីៗកន្លងមកផ្សាយថា បុរសចំណាស់ជនជាតិរុស្ស៊ីម្នាក់បានប្រកាសលែងលះប្រពន្ធវ័យក្មេងអាយុ២៧ឆ្នាំ ព្រោះនាងមិនឲ្យមានកូនដោយនាងបដិសេធការរួមរ័ក ។
បើតាមរបាយការណ៍បានបញ្ជាក់ថា លោកតាអ៊ីវ៉ាន់ ក្រាស្កូ (Ivan Krasko) អាយុ៨៧ឆ្នាំជាតារាសម្តែងវ័យចំណាស់របស់រុស្ស៊ី បានលែងលះប្រពន្ធនាងណាតាលីយ៉ា (Natalya) អាយុ២៧ឆ្នាំ ក្រោយពីធ្លាប់មានភាពល្បីរន្ទឺនៅក្នុងប្រទេស ព្រោះមានវ័យខុសគ្នាបានរៀបការ ។
លោកតាធ្លាប់បានបញ្ជាក់ប្រាប់សារព័ត៌មាននៅក្នុងស្រុកថា លោក និងប្រពន្ធមិនធ្លាប់បានរួមរ័ក ដោយសារខាងស្រីខ្លាចមានកូនជាមួយគាត់ ។ សម្រាប់រូបគាត់ក៏ចង់មានកូនស្នងត្រកូល ។ នាងមិនព្រមរួមរ័កបែបនេះ បង្កឲ្យកើតមានបញ្ហានៅក្នុងជីវិតជាគូស្រករ រហូតសម្រេចចិត្តលែងលះគ្នា ។
នាងណាតាលីយ៉ា បានរស់នៅក្នុងក្រុមគ្រួសារក្រីក្រ ធ្វើឲ្យនាងមិនចង់មានកូន និងមិនចង់ឲ្យកូនកើតមករស់នៅក្នុងស្ថានភាពដូចខ្លួន ហើយស្ថានភាពនៅក្នុងក្រុមគ្រួសារបច្ចុប្បន្នរវាងនាង និងប្តីក៏គ្មានសេចក្ដីសុខ ដោយសារមានបញ្ហាពីការចាយវាយ ។
ចំណែកលោកតាអ៊ីវ៉ាន់ ធ្លាប់រៀបការចំនួន៤លើកមកហើយ មានកូនប្រុស៣នាក់ និងកូនស្រី២នាក់ជាមួយប្រពន្ធមុន ។ កាលពីឆ្នាំ២០១៥ កន្លងមក ធ្លាប់មានភាពល្បីរន្ទឺលើការរៀបការជាមួយប្រពន្ធវ័យក្មេង និងរស់នៅរួមគ្នាជាមួយចៅនៅក្រុងមូស្គូ ។
ក្រោយពីលែងលះលោកតាអ៊ីវ៉ាន់ បានសម្រេចចិត្តទៅរស់នៅជាមួយប្រពន្ធទី៣ជាម្ដាយរបស់កូនប្រុសទាំង២វិញ ៕
ចែករំលែកព័តមាននេះ