ទីក្រុងបាងកក ៖ ប្រមុខការិយាល័យថវិកាបាននិយាយថា ការវិនិយោគរបស់រដ្ឋជិត២០០ប៊ីលានបាត ស្មើនឹងប្រមាណជាង៦ប៊ីលានដុល្លារ នឹងជះទៅលើការអភិវឌ្ឍផ្នែកសេដ្ឋកិច្ច ចាប់ពីខែតុលាដល់ខែមីនា ឆ្នាំ២០១៩ ។
ការិយាល័យនេះបានកំណត់ទិសដៅនៃការចំណាយថវិកាចំនួន៩០ប៊ីលានបាត ឬប្រមាណជាង២ប៊ីលានដុល្លារដែលត្រូវយកចេញនៅឆមាសទី១នៃឆ្នាំសារពើពន្ធ២០១៩ នឹងចាប់ផ្តើមនៅថ្ងៃទី១ ខែតុលា ហើយថវិកាបន្ថែមចំនួន១០០ប៊ីលានបាត ឬប្រមាណ៣ប៊ីលានដុល្លារទៀតពីឆ្នាំសារពើពន្ធនេះ នឹងត្រូវដកចេញក្នុងរយៈពេលដូចគ្នា ។ នេះបើតាមសម្តីរបស់លោកនាយកនៃការិយាល័យ Dechapiwat Na Songkhla ។
លោក Dechapiwat បានមានប្រ សាសន៍ថា សកម្មភាពសេដ្ឋកិច្ចអាចនឹងមានភាពប្រថុយប្រថានច្រើននៅឆ្នាំក្រោយ ដោយផ្អែកលើការរីកចម្រើនជាង៤% នាពេលបច្ចុប្បន្ន និងគម្រោងវិនិយោគធំៗរបស់រដ្ឋាភិបាល រួមទាំងច្រករបៀងសេដ្ឋកិច្ចភាគខាងកើត ច្រករបៀងសេដ្ឋកិច្ចភាគ ខាងត្បូង និងតំបន់សេដ្ឋកិច្ចពិសេស ធនាគារកណ្តាលថៃបានបង្កើននូវទស្សនវិស័យកំណើនសេដ្ឋកិច្ចរបស់ខ្លួនរហូតដល់៤,៤%សម្រាប់ឆ្នាំ២០១៨ និង៤,២%សម្រាប់ឆ្នាំ២០១៩ ពោលគឺកើនឡើងពី៤,១% សម្រាប់ទាំង២ឆ្នាំនេះ។ក្រសួងហិរញ្ញវត្ថុព្យាករណ៍ថា សេដ្ឋកិច្ចថៃនឹងកើនឡើង៤,៥%នៅឆ្នាំនេះ ។
លោក Suttirat Rattanachot ប្រធានផ្នែកវាយតម្លៃបាននិយាយកាលពីខែកក្កដាថា ការចំណាយថវិកាវិនិយោគរបស់រដ្ឋនៅតែជាប់គាំងនៅក្នុងផ្លូវដ៏យឺតយ៉ាវ ហើយថវិកា៤៧% ត្រូវបានដកចេញអស់រយៈពេល៩ខែគិតត្រឹមខែមិថុនា ។ ទោះជាយ៉ាងណាក៏ដោយ អត្រានេះនឹងឈានទៅដល់៧២%នៃថវិកាវិនិយោគប្រចាំឆ្នាំ ប្រសិនបើតម្លៃនៃកិច្ចសន្យាដែលបានចុះហត្ថលេខាត្រូវបានគេយកមកពិចារណា ។
រដ្ឋាភិបាលមានទិសដៅចំណាយថវិកាប្រចាំឆ្នាំចំនួន២,៩ទ្រីលានបាត ដែលក្នុងនោះថវិកា៥៧៧ប៊ីលានបាតសម្រាប់ការវិនិយោគក្នុងឆ្នាំសារពើពន្ធ២០១៨ ។ រដ្ឋាភិបាលមានបំណងប្រើ៩៦%នៃថវិកាប្រចាំឆ្នាំ និង៨៧%នៃថវិកាវិនិយោគ ដែលត្រូវដកចេញក្នុងឆ្នាំសារពើពន្ធនេះ ។
គម្រោងហេដ្ឋារចនាសម្ព័ន្ធរំពឹងថា នឹងចាប់ផ្តើមនៅឆ្នាំក្រោយ រួមមាន ផ្លូវរថភ្លើងល្បឿនលឿនចំនួន២០០ប៊ីលានបាត ដែលភ្ជាប់ព្រលានយន្តហោះធំៗបីគឺ ដនមឿង, សុវណ្ណភូមិ និងអូតាប៉ាវ ។
កន្លែងផ្ទុកកុងតឺន័រថ្មី សម្រាប់ដឹកជញ្ជូនតាមនាវាដឹកទំនិញ ផ្លូវរថភ្លើងអគ្គិសនីចំនួន២ទៅ៣កន្លែង អាកាសយានដ្ឋានអូតាប៉ាវ និង ដំណាក់កាលទីបីនៃការអភិវឌ្ឍកំពង់ផែ Map Ta Phut និង Laem Chabang ក៏គ្រោងនឹងចាប់ផ្តើមការសាងសង់ផងដែរ ។
រដ្ឋាភិបាលនឹងខិតខំប្រឹងប្រែងធ្វើឲ្យកំណើនសេដ្ឋកិច្ចរបស់ប្រទេសជាតិឈានដល់៥% ក្នុងឆ្នាំនេះ ដោយផ្តោតលើការបង្កើនផលិតផលក្នុងស្រុកសរុប ដើម្បីជួយដោះស្រាយបញ្ហាភាពក្រីក្រ ៕
ចែករំលែកព័តមាននេះ