អភិបាលរាជធានីភ្នំពេញច្រើនរូប ច្រើនអាណត្តិមកហើយ…ប្រឹងណាស់ ប្រឹងពេករឿងដំណោះស្រាយ…ស្ទះលូ ស្ទះចរាចរណ៍…។
រឿងស្ទះលូ…កើតមានរដូវភ្លៀង…យ៉ាងច្រើន២-៣ខែក្នុងរដូវវស្សាមានភ្លៀងខ្លាំង។
ឯរឿងស្ទះចរាចរណ៍…កើតមានរាល់ៗថ្ងៃ…រាល់ៗខែ…កើតមានប្រចាំឆ្នាំ ។
ប្រការសំខាន់នោះ…អភិបាលរាជធានីគ្រប់រូបមានប្រកាសជូនដំណឹង…ហាមឡានធំៗ…មានរថយន្តធុនយក្សកន្ទុយវែងជាដើម ។ល ។ មិនឱ្យធ្វើចរាចរណ៍ចូលរាជធានីពេលថ្ងៃទេ…មានកំណត់ម៉ោងឱ្យចូលបានតែពេលយប់…ចាប់ពីម៉ោង១០យប់ឡើងទៅ…មិនឱ្យស្ទះការដឹកទំនិញទេ ។
ប៉ុន្តែបំរាមនោះ…ស្ទើរតែអត់ប្រសិទ្ធភាព…ព្រោះនៅតាមដងផ្លូវនានាក្នុងរាជធានី…ពិសេសតាមដងវិថី២៧១ជាដើម ដែលជាផ្លូវកកស្ទះ…ឃើញឡានយក្សយីឌុបអាកន្ទុយវែងៗ…បើកបរទាំងព្រឹកទាំងថ្ងៃយ៉ាងរលូន…ធ្វើឱ្យកាន់តែស្ទះ ។ មែនទែនទៅក្នុងទឹកដីខណ្ឌមានជ័យ…ខណ្ឌចំការមន…ខណ្ឌទួលគោក…ខណ្ឌដង្កោ…ខណ្ឌ៧មករា ។ល ។ ឡានធំៗដែលជាមុខសញ្ញាហាមចូលក្រុងពេលថ្ងៃ…វាមាននៅតែលើក្រដាសតែប៉ុណ្ណោះ ។
ស្ទះចរាចរណ៍ក្នុងរាជធានី…ដោយសារមធ្យោបាយធ្វើដំណើរច្រើនក៏ពិតមែនហើយ…ប្រភពណាក៏ទទួលស្គាល់ដែរ…ប៉ុន្តែបូកជាមួយឡានដឹកជញ្ជូនអាធំៗ…ឆក់ឱកាសចូលលាយជាមួយទៀត…ស្ទះស្តូកតែម្តង ។
តើស្ថាប័នណាទទួលបន្ទុកអនុវត្តន៍?
អភិបាលរាជធានីទម្លាក់ឱ្យមន្ទីរសាធារណៈការចាត់ការ…មន្ទីរត្រាវ៉ូមួយនេះទម្លាក់ឱ្យនគរបាលរាជធានី…ស្នងការដ្ឋានទម្លាក់បន្តទៀតឱ្យនគរបាលចរាចរណ៍…ព្រោះទឹកដីណាក៏មាននគរបាលចរាចរណ៍ដែរ ។
ទីបំផុត…ធ្លាក់ទៅលើអភិបាលរាជធានីដដែល ។ គឺ ស.ជ.ណ ដែលជាលិខិតបំរាមនេះ…កាលណាវាធ្លាក់មកហើយនៅតែស្ទះ…វាប្រាកដជាច្រាលឡើង…វាច្រាលបកមកថ្នាក់លើវិញ…ច្រាលរកក្អួតមិនចេញ ។
តើអាចសង្ស័យក្លាយទៅជាក្រដាសអនាម័យទៅហើយទេដឹង?…េហ ! េហ !
ចែករំលែកព័តមាននេះ