ខេត្តតាកែវ ៖ ជនសង្ស័យចំនួន៤នាក់ រួមជាមួយវត្ថុតាងជាក់ស្តែងត្រូវបានព្រះរាជអាជ្ញាដឹកនាំកម្លាំងនគរបាលធ្វើការបង្ក្រាប ខណៈពេលដែលក្រុមជនសង្ស័យកំពុងតែធ្វើសកម្មភាពចែកចាយគ្រឿងញៀន ហើយសមត្ថកិច្ចក៏បានបង្ក្រាបបានតែម្តង ហេតុការនេះបានកើតឡើងនៅវេលាម៉ោង១៤និង៣០នាទី ថ្ងៃទី១៦ ខែកញ្ញានេះ នៅភូមិស្រុកចេក ឃុំអង្គតាសោម ស្រុកត្រាំកក់ ។
កម្លាំងជំនាញអធិការនគរបាលស្រុកដឹកនាំបញ្ជាដោយលោកវរសេនីយ៍ ឯក ឌុក ធីយ៉ា អធិការនគរបាលស្រុកត្រាំកក់បានឲ្យដឹងថា ក្រោមបទបញ្ជាលោកឧត្តមសេនីយ៍ទោ សុខ សំណាង ស្នងការនគរបាលខេត្តបានសហការណ៍ជាមួយកម្លាំងជំនាញការិយាល័យប្រឆាំងបទល្មើសគ្រឿងញៀនដឹកនាំដោយលោកជីវ ចាន់តារា ព្រះរាជអាជ្ញាអមសាលាដំបូងខេត្តតាកែវបានចុះទៅចំណុចផ្ទះឈ្មោះ ខេង សុភា ភេទស្រី អាយុ៣០ឆ្នាំ នៅភូមិ ស្រុកចេក ឃុំអង្គតាសោម ស្រុកត្រាំកក់ ខេត្តតាកែវ ដែលកម្លាំងយើងឃាត់ខ្លួនជនសង្ស័យបានចំនួន០៤នាក់ ដែលទី១-ឈ្មោះ មាស បឿន ភេទប្រុស អាយុ៣៤ឆ្នាំ រស់នៅភូមិ ស្រុកចេក ឃុំអង្គតាសោម (មុខសញ្ញាចែកចាយសារធាតុញៀន) ២- ឈ្មោះ ញឹម ស្វិត ភេទប្រុសអាយុ១៩ឆ្នាំ រស់នៅភូមិស្រុកចេក ឃុំអង្គតាសោម (មុខសញ្ញាចែកចាយ) ៣-ឈ្មោះ រ៉េត រ៉ាវី ភេទប្រុស អាយុ ១៨ឆ្នាំ នៅភូមិអង្គតាសោម ឃុំអង្គតាសោម (មុខសញ្ញាចែកចាយ) ៤-ឈ្មោះ ហ៊ីង អួង ភេទប្រុស អាយុ២៤ឆ្នាំ រស់នៅភូមិស្រុកចេកឃុំ អង្គតាសោម (មុខសញ្ញាប្រើប្រាស់សារធាតុញៀន) និងដកហូតវត្ថុតាងបានរួមមាន ម្ស៉ៅក្រាមពណ៌ស ចំនួន៩កញ្ចប់ធំ តូច៧កញ្ចប់ ។
ម៉ូតូចំនួន៣គ្រឿង និងប្រដាប់ជក់មួយចំនួននៅចំពោះមុខប៉ូលិសជនសង្ស័យបាននិយាយសារភាពថា ពួកគេពិតជាបានរកស៊ីចែកចាយគ្រឿងញៀនពិតប្រាកដមែន ចំពោះវត្ថុតាង និងជនសង្ស័យត្រូវបញ្ជូនទៅស្នងការដ្ឋានខេត្តកំពត ដើម្បីកសាងសុំណុំរឿងបញ្ជូនទៅសាលាដំបូងខេត្តកំពតចាត់ការទៅតាមច្បាប់៕
ចែករំលែកព័តមាននេះ