រាជធានីភ្នំពេញ ៖ យុវជនម្នាក់ត្រឡប់មកពីមើលប្រគំតន្ត្រីនៅកោះពេជ្រវិញត្រូវក្រុមចោរវាយប្លន់យកម៉ូតូមួយគ្រឿងបានសម្រេច បង្កអោយមានការភ្ញាក់ផ្អើលកាលពីវេលាម៉ោង១១និង៣០នាទីយប់ថ្ងៃទី១៦ ខែកញ្ញា ឆ្នាំ២០១៨ នៅតាមបណ្ដោយផ្លូវបេតុងភូមិ ទួលពង្រ សង្កាត់ចោមចៅ១ ខណ្ឌពោធិ៍សែនជ័យ…
រាជធានីភ្នំពេញ ៖ យុវជនម្នាក់ត្រឡប់មកពីមើលប្រគំតន្ត្រីនៅកោះពេជ្រវិញត្រូវក្រុមចោរវាយប្លន់យកម៉ូតូមួយគ្រឿងបានសម្រេច បង្កអោយមានការភ្ញាក់ផ្អើលកាលពីវេលាម៉ោង១១និង៣០នាទីយប់ថ្ងៃទី១៦ ខែកញ្ញា ឆ្នាំ២០១៨ នៅតាមបណ្ដោយផ្លូវបេតុងភូមិ ទួលពង្រ សង្កាត់ចោមចៅ១ ខណ្ឌពោធិ៍សែនជ័យ ។
ជនរងគ្រោះជាម្ចាស់ម៉ូតូខាងលើឈ្មោះ ប៊ូ គ្រីត ភេទប្រុស អាយុ២០ឆ្នាំ មុខរបរកម្មករលើកអីវ៉ាន់ ស្នាក់នៅផ្ទះជួលសង្កាត់ភ្លើងឆេះរទេះ ខណ្ឌពោធិ៍សែនជ័យ មានស្រុកកំណើតនៅភូមិក្រាំងល្វាឃុំ ក្រាំងល្វា ស្រុកសាមគ្គីមានជ័យ ខេត្តកំពង់ឆ្នាំង ។ ម៉ូតូដែលជនសង្ស័យវាយប្លន់បានសម្រេចម៉ាក ស៊ុយសូគីលែត ពណ៌សលាយខៀវ (អត់ចាំស្លាកលេខ)។
តាមប្រភពព័ត៌មានពីជនរងគ្រោះជាម្ចាស់ម៉ូតូបាននិយាយថា នៅមុនពេលកើតហេតុ ពួកគាត់មានគ្នាចំនួន៥នាក់ជិះម៉ូតូចំនួន៣គ្រឿងនាំគ្នាទៅមើលប្រគំតន្ត្រីនៅកោះពេជ្រ លុះវេលាយប់អាធ្រាត្រ គាត់បានត្រឡប់មកផ្ទះជួលរបស់ខ្លួនវិញ ដោយគាត់បានមកមុនមិត្តភក្កិភក្តិ ដែលជិះម៉ូតូនៅខាងក្រោយចំនួន៤នាក់ បន្ទាប់មកគាត់ជិះម៉ូតូមកដល់ម្ដុំផ្សារទួលពង្រ ស្រាប់តែមានជនសង្ស័យជិត១០នាក់ ជិះម៉ូតូចំនួន ៥ គ្រឿងម៉ូតូម៉ាកហុងដាឌ្រីម និងស៊ុយហ្ស៊ុយគីនិចមួយគ្រឿងជិះកៀរម៉ូតូគាត់ និងស្ទាក់ពីមុខ ហើយធាក់គាត់មួយជើង បន្ទាប់មកជនសង្ស័យបានចុះពីលើម៉ូតូកាច់សោម៉ូតូគាត់ពន្លត់ហើយដេញវាយគាត់ ពេលនោះគាត់បានរត់ចេញពីម៉ូតូ ហើយក៏ត្រូវជនសង្ស័យខាងលើលើកម៉ូតូរបស់គាត់ជិះយកទៅបាត់ដោយសុវត្ថិភាព។
បន្ទាប់មកជនរងគ្រោះខាងលើបានទូរស័ព្ទហៅមិត្តភក្តិ និងមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលចោមចៅ១ ដើម្បីឲ្យសមត្ថកិច្ចធ្វើការស្រាវជ្រាវរកមុខសញ្ញាខាងលើមកផ្ដន្ទាទោសតាមច្បាប់ ៕
ចែករំលែកព័តមាននេះ