រាជធានីភ្នំពេញ ៖ ដោយឃើញពីរបៀបរៀបចំមានសណ្តាប់ធ្នាប់ល្អ ព្រមទាំងកិច្ចការផ្នែក រដ្ឋាភិបាលល្អ ក្រសួងយុត្តិធម៌ បានចាត់ទុកកន្លែងពន្ធនាគារនៅខេត្តសៀមរាបជាពន្ធនាគារ គំរូចំពោះបណ្តាពន្ធនាគារ នៅខេត្តផ្សេងៗទៀត។ លោក ជិន ម៉ាលីន អ្នកនាំពាក្យក្រសួងយុត្តិធម៌បានលើកឡើងថា ពន្ធនាគារខេត្តសៀមរាប អាចចាត់ទុកជាពន្ធនាគារគំរូបាននៅកម្ពុជា។
ការលើកឡើងបែបនេះ ខណៈដែលលោកបានដឹកនាំគណៈកម្មាធិការសិទ្ធិមនុស្សកម្ពុជាចុះត្រួតពិនិត្យស្ថានភាពសិទ្ធិមនុស្សនៅពន្ធនាគារខេត្តសៀមរាប កាលពីថ្ងៃទី១៤ ខែកញ្ញា កន្លងមកនេះ។ ហើយបានបង្ហោះរូបភាពដែលគ្មាន ចលនារបស់ពន្ធនាគារខេត្តសៀមរាប តាមរយៈបណ្តាញសង្គមផ្ទាល់ខ្លួនពេលពីថ្មីៗកន្លងមកនេះ។
យ៉ាងណាក្តីអ្នកនាំពាក្យរូបនេះបានអះអាងថា នៅបណ្តាពន្ធនាគារខេត្តផ្សេងៗមានបញ្ហាប្រឈម មានគ្រប់កន្លែង តែពន្ធនាគារនេះ ខេត្តសៀមរាបបានរៀបចំបានល្អជាងគេ ផ្អែកលើគោលការណ៍ និងមូលដ្ឋានគ្រឹះនៃសិទ្ធិមនុស្ស និងស្តង់ដារអប្បបរិមានៃពន្ធនាគារ៕
ចែករំលែកព័តមាននេះ