ខេត្តកំពង់ស្ពឺ ៖មុខសញ្ញាប្រើប្រាស់ និងជួញដូរសារធាតុញៀនម្នាក់ដែលសមត្ថកិច្ចធ្វើការតាមដាន ជាយូរមកហើយនោះពេលនេះត្រូវសមត្ថកិច្ចឆ្មក់បង្ក្រាបបានហើយ តែវត្ថុតាងដកហូតបានតិចមែនទែន ដោយសារតែជននេះចែកចាយអស់មុនពេលបង្ក្រាបរូបគេ។ ការបង្ក្រាបបនេះធ្វើឡើងកាលពីវេលាម៉ោង ១១ និង៣០នាទី នាថ្ងៃទី១៥…
ខេត្តកំពង់ស្ពឺ ៖មុខសញ្ញាប្រើប្រាស់ និងជួញដូរសារធាតុញៀនម្នាក់ដែលសមត្ថកិច្ចធ្វើការតាមដាន ជាយូរមកហើយនោះពេលនេះត្រូវសមត្ថកិច្ចឆ្មក់បង្ក្រាបបានហើយ តែវត្ថុតាងដកហូតបានតិចមែនទែន ដោយសារតែជននេះចែកចាយអស់មុនពេលបង្ក្រាបរូបគេ។ ការបង្ក្រាបបនេះធ្វើឡើងកាលពីវេលាម៉ោង ១១ និង៣០នាទី នាថ្ងៃទី១៥ ខែកញ្ញា ឆ្នាំ២០១៨ នៅចំណុចភូមិសំរោងទងក្រោម ឃុំសំរោងទង ស្រុកសំរោងទង ខេត្តកំពង់ស្ពឺ។
ប្រភពពីសមត្ថកិច្ចបានឲ្យដឹងថា ក្រោមការដឹកនាំរបស់លោក វរសេនីយ៍ឯក ឃុត សុផល អធិការនគរបាលស្រុក កម្លាំងជំនាញនៃអធិការនគរបាលស្រុកសំរោងទង បានបង្ក្រាបមុខសញ្ញាជួញដូរដោយខុសច្បាប់នូវសារធាតុញៀនម្នាក់ឈ្មោះ យឺន សារ៉េត ភេទប្រុស អាយុ ២២ឆ្នាំ មុខរបរមិនពិតប្រាកដ មានទីលំនៅ ភូមិសំរោងទងក្រោម ឃុំសំរោងទង ស្រុកសំរោងទង ខេត្តកំពង់ស្ពឺ។ ប្រភពបន្តថា ក្រោយឃាត់ខ្លួន សមត្ថកិច្ចដកហូតបានគ្រឿងញៀនប្រភេទម៉ាទឹកកកបាន១ កញ្ចប់, ទូរស័ព្ទដៃ ១គ្រឿងរួមនឹងឧបករណ៍ប្រើប្រាស់គ្រឿងញៀន មួយចំនួន។
នេះជាការឲ្យសោកស្តាយមួយដែលការបង្ក្រាបនេះហាក់បីដូចជាយឺតពេលបន្តិច ព្រោះតែថ្នាំញៀនមួយចំនួនធំត្រូវបានគេចែកចាយអស់មុនពេលបង្ក្រាបបន្តិច។ នៅចំពោះមុខសមត្ថកិច្ច ជនសង្ស័យឆ្លើយសារភាពថា រូបគេពិតជាបានធ្វើសកម្មភាពចែកចាយ ថ្នាំញៀនពិតប្រាកដមែន។ ជនសង្ស័យមិនបានឆ្លើយសារភាពនោះទេថាថ្នាំញៀនដែលគេចែកចាយ និងប្រើប្រាស់ទាំងនេះទទួលមកពីអ្នកណាឡើយ។ មតិមហាជនបានលើកឡើងថា សូមគាំទ្រចំណាត់ការ របស់សមត្ថកិច្ចទៅលើក្រុមជនសង្ស័យ ចែកចាយថ្នាំញៀនទាំងនេះយ៉ាងក្រៃលែង។
តែមេត្តាធ្វើយ៉ាងណាបន្តចាប់មេខ្លោងធំយកមកចាត់ការតាមផ្លូវច្បាប់ឲ្យបានផង ព្រោះរយៈកាលកន្លងមកឃើញចាប់បានតែកូនចៅតូចតាចមិនឃើញចាប់បានមេធំម្តងណាសោះ។ សង្ឃឹមថា លើកក្រោយសមត្ថកិចរបស់យើងនឹងចាប់មេខ្លោងធំយកមផ្តន្ទាទោសជាក់ជាមិនខានឡើយ។ នៅព្រឹកថ្ងៃទី១៦ កញ្ញា ២០១៨ ជនសង្ស័យរួមជាមួយនឹងវត្ថុតាងត្រូវបានជំនាញនគរបាលស្រុក កសាងសំណុំរឿងបញ្ជូនទៅការិយាល័យជំនាញ ដើម្បីបញ្ជូនទៅស្ថាប័នអយ្យការចាត់ការតាមនីតិវិធី៕
ចែករំលែកព័តមាននេះ