រាជធានីភ្នំពេញ ៖ យុវជន០៣នាក់ត្រូវកម្លាំងអន្តរាគមន៍ខណ្ឌសែនសុខឃាត់ខ្លួនក្រោយពីសង្ស័យហើយ ហៅត្រួតពិនិត្យឃើញមានថ្នាំញៀនប្រភេទក្រាមសថ្លាមួយកញ្ចប់ជាប់ខ្លួន។ កាលពីម៉ោង០១ និង ៣០នាទីរំលងអាធ្រាត្រ ថ្ងៃទី១៦ កញ្ញា ២០១៨…
រាជធានីភ្នំពេញ ៖ យុវជន០៣នាក់ត្រូវកម្លាំងអន្តរាគមន៍ខណ្ឌសែនសុខឃាត់ខ្លួនក្រោយពីសង្ស័យហើយ ហៅត្រួតពិនិត្យឃើញមានថ្នាំញៀនប្រភេទក្រាមសថ្លាមួយកញ្ចប់ជាប់ខ្លួន។ កាលពីម៉ោង០១ និង
៣០នាទីរំលងអាធ្រាត្រ ថ្ងៃទី១៦ កញ្ញា ២០១៨ នៅផ្លូវ២០០៤ ភូមិត្រពាំងឈូក សង្កាត់អូរបែកក្អម
ខណ្ឌសែនសុខ។ ជនសង្ស័យទី១-ឈ្មោះ ញ៉ វាសនា អាយុ១៨ឆ្នាំ មុខរបរជាងទង ស្នាក់នៅផ្ទះលេខ៥២ ផ្លូវ៣៦០ សង្កាត់បឹងកេងកង១ ខណ្ឌចម្ការមន។
ទី២-ឈ្មោះ អ៊ូ ឆៃអ៊ី អាយុ១៨ឆ្នាំ មុខរបរជាងម៉ាស៊ីនត្រជាក់ ស្នាក់នៅផ្ទះជួលក្រុងតាខ្មៅ ខេត្តកណ្តាល។ ទី៣-ឈ្មោះ អ៊ែល វ៉ាន់ឌី អាយុ២៦ឆ្នាំ មុខរបរជាងដែក ស្នាក់នៅភូមិច្រេស សង្កាត់គោកឃ្លាង ខណ្ឌសែនសុខ។ សមត្ថកិច្ចបានឲ្យដឹងថា មុនឃាត់ខ្លួនក្រុមខាងលើខណៈដែលកម្លាំងអន្តរាគមន៍ល្បាតក្នុងមូលដ្ឋាន បានឃើញក្រុមសង្ស័យជិះម៉ូតូមួយគ្រឿងម៉ាក SUZUKI.Le’s ពណ៌ស ពាក់ស្លាកលេខ ភ្នំពេញ1HB-2719 ឌុបគ្នាដោយសង្ស័យក៏ឃាត់ត្រួតពិនិត្យ ស្រាប់តែឃើញថ្នាំញៀនមួយកញ្ចប់ថង់តូចក្នុងហោប៉ៅខោ ខាងស្តាំ របស់ឈ្មោះ ញ៉ វាសនា ក៏ឃាត់ទាំង៣នាក់តែម្តង។
នៅចំពោះមុខសមត្ថកិច្ចជនសង្ស័យបាន សារភាពថា ថ្នាំញៀនខាងលើពិតជារបស់ខ្លួនពិតប្រាកដមែនដោយនាំគ្នាទៅទិញនៅម្តុំផ្សារដើមគ គោលបំណងយកទៅប្រើប្រាស់ ខណៈជិះតាមផ្លូវក៏ជួបសមត្ថកិច្ចឆែកឆេរ ហើយឃើញថ្នាំញៀនខាងលើតែម្តង។ បច្ចុប្បន្នជនទាំង៣នាក់ខាងលើ ត្រូវបានឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌសែនសុខ៕
ចែករំលែកព័តមាននេះ